Ruuka 7:47 - Indagano Inyaaya mu-Chijita

⁴⁷ Kurwa ejo, enikubhwira ati, kwa okubha eryenda ryaye omugasi oyo kw‑anye ni ryafu, eyeeresya ati, ebhibhiibhi bhyaye bhyafu bhyafwiriiywe echigongo. Nawe, omuunu woonewoone unu afwiriiywe echigongo ebhibhiibhi bhitooto, oyo keeresya eryenda etooto era.”

INDAGANO INYA:YA

⁴⁷ Kwenikora ninkubwira ati, E:swaririrwa ebibi:bi byae ebyafu, okuba okwenda kwae ni kwafu. Unu ke:swaririrwa bito:to, okwenda kwae one ni kuto:to.

Ruuka 7:47 ပူးပေါင်းရင်းမြစ်များ

Matayo 10:37

Omuunu woonewoone unu keenda esemwene amwi nyiramwene okukira anye, oyo ateeyire okubha omwiyigisibhwa waani. Ka wone, omuunu woonewoone unu keenda omwana waaye amwi omuyaasya waaye okukira anye, oyo wone ateeyire okubha omwiyigisibhwa waani.

Ruuka 7:39

Omufarisaayo oyo, ejire aarora ejo, ˆneeganirisya mu‑mwoyo gwaye ati, “Omuunu unu akabheeye ari muragi, akamenyere ati, omugasi unu kaamukuunʼya‑ko ni muunu wa mbaga ki. Akamenyere ati, omwene ni owa ebhibhiibhi!”

Ruuka 7:46

Utaabhambaga amafuta ku‑mutwe gwani okweresya echibharo. Nawe omwene, abhambaga amaguru gaani ebhirange.

Ruuka 7:48

Yeesu ˆnaabhwira omugasi oyo ati, “Ebhibhiibhi bhyawo, bhyafwirwa echigongo.”

Ebikorwa 5:31

Neeya, Nyamuwanga ˆneenamusya Yeesu unu, ˆnaamutuura orubhaara rwaye rwa ebhuryo, abhe Omutungi na Omuchungusi, korereki asakire Abhayisirayeeri bhate ebhibhiibhi bhyebhwe, bhafwirwe echigongo.

Barumi 5:20

Ebhiraagiro bhya Muusa ꞉bhyejire, nibhireterera ebhibhiibhi okwiyongesya. Noorwo kutyo, omwanya gunu ebhibhiibhi ꞉bhyeyongesiisye, obhwitiriranya bhwa Nyamuwanga wone nibhugenderera okwiyongesya muno.

2 Bakorinto 5:14

Eryenda rya Kirisito erichisinyiirisya, okubha chimenyere ati omuunu umwi ꞉aafuuwe inguru ya abhaanu bhoone, obhugajuro bhwagwo ni ati, abhaanu bhoone ꞉bhaafuuwe.

Bagalatia 5:6

Mbe araabha chiri na obhumwi na Kirisito Yeesu, okutendwa amwi okurema okutendwa kutari na obhugajuro bhwonebhwone. Echiinu cha bhusibhusi ni riikirisya ryeswe rinu erikora emirimu mu‑ryenda.

Baefeso 6:24

Obhwitiriranya bhubhe na abhaanu bhoone bhanu abheenda Raatabhugenyi weeswe Yeesu Kirisito mu‑ryenda rinu ritari na obhuteero.

Bafilipi 1:9

Enibhasabhirwa ku‑Nyamuwanga ati eryenda ryemwe rigenderere okwiyongesya muno, mu‑kubha na obhwengeeso na okusombookerwa kwone,

1 Timoteo 1:14

Chimari, Raatabhugenyi weeswe Kirisito Yeesu ꞉aanyitiriiye obhwitiriranya bhwafu muno. Ka wone, ꞉aanaaye eriikirisya na eryenda mu‑kubha na obhumwi nage.

1 Yoana 1:7

Tari, araabha chiramire mu‑bhweru rwa kutyo Nyamuwanga ari mu‑bhweru, awo niwo echibha na obhumwi eswe abheene kwa abheene. Ka wone isagama ya Yeesu, Omwana waaye, eyicheesya ebhibhiibhi bhyeswe bhyone.

1 Yoana 3:18

Abhaana bhaani mu‑riikirisya, chisige okwayika mu‑kanwa era ati echeendana. Tari cheendane kwa eryenda rya echimari kwa okusakirana abheene kwa abheene.

1 Yoana 4:19

Woori, eswe echeenda Nyamuwanga na abheejaasu, kwa okubha omwene niwe ꞉aatangatire okucheenda eswe.

1 Yoana 5:3

Okubha okwenda Nyamuwanga ni kugayuka ebhiraagiro bhyaye. Ka wone okugayuka ebhiraagiro bhyaye kutari kukomeeye,