Ruuka 7:42 - Indagano Inyaaya mu-Chijita

⁴² Abhabhiri abho, bhejire bhaabhurwa jipirya ja okuriya amabhanja geebhwe, omubhaanji weebhwe ˆnaabhafwira echigongo. Angu mu‑bhabhiri abho, niga unu ꞉aamwendere muno okukira oweejaabho?”

INDAGANO INYA:YA

⁴² Mbe wejire baburwa eco kumuriya, nabe:swaririra bo:ne babiri. ?Mbe kwabo niga unu kamwenda muno?

Ruuka 7:42 ပူးပေါင်းရင်းမြစ်များ

Matayo 18:27

Niwo omwami oyo, ˆnaafwira echigongo omugaya waaye ribhanja ryone, ˆnaamwigurira asubhe iika ewaaye.

Matayo 18:34

“Mbe, omwami ˆnaabhiyirwa muno, ˆnaaragirira abhasirikare bhaaye ati, bhagwate omuunu oyo na okumusira mw‑ibhoyero, korereki anyaasibhwe okukingira omwanya gunu aririya ribhanja ryone.”

Matayo 6:12

Uchifwire echigongo ebhibhiibhi bhyeswe, rwa kutyo eswe wone echifwira echigongo bhanu abhachikayira.

Ruuka 7:43

Simooni ˆnaamusubhya ati, “Eniiganirisya ati, ni urya ꞉aafwiriiywe echigongo ribhanja rinene.” Yeesu ˆnaamubhwira ati, “Waasubhya kisi.”

Barumi 3:24

Nawe ku‑bhwitiriranya bhwa Nyamuwanga, abhabharwa ati ni bharengeresi imbere yaaye, bhatasoosiisye echiinu choonechoone wuri. Bheeruuywe okusooka mu‑bhibhiibhi bhyebhwe okutura ku‑Kirisito Yeesu.

Barumi 5:6

Mbe, omwanya gunu eswe chaariga chitari na amanaga, Kirisito ꞉eejire ˆnaachifwira eswe abhajabhi, ku‑mwanya gunu ꞉gwateeywe‑wo.

Bagalatia 3:10

Nawe abhaanu bhoone bhanu abheeyikanya okuchunguka kwa okukora jinu ebhiraagiro bhya Muusa ebhikena, abho bheeyiimirwe. Okubha Ebhikaame Ebhyeru ebhyayika ati, “Woonewoone unu atakuruubha na okukora joone jinu jikaamirwe mu‑chitabho cha ebhiraagiro, eeyiimirwe.”

Baefeso 1:7

Okubha ku‑sagama ya Kirisito cheeruuywe, nikwo okufwirwa echigongo ebhibhiibhi bhyeswe bhyone. Ku‑njira eyo, Nyamuwanga ꞉aacheeresiisye obhuniibhi bhwafu muno bhwa obhwitiriranya bhwaye.

Baefeso 4:32

Ka wone, mukoranire ja ekisi bhuri muunu na oweejaabho, mubhe bhafura na okufwirana echigongo ebhikayo bhyemwe, rwa kutyo Nyamuwanga mu‑Kirisito abhafwiriiye echigongo ebhibhiibhi bhyemwe.

Bakolosai 3:13

Mwigumiirisyanye na okufwirana echigongo. Araabha owumwi weemwe ari na omusango ku‑weejaabho, abheendwa bhafwirane echigongo. Rwa kutyo Raatabhugenyi Yeesu ꞉aabhafwiriiye echigongo emwe, emwe wone mufwire echigongo abhandi.