Ruuka 7:41 - Indagano Inyaaya mu-Chijita

⁴¹ “Bhaariga bhari‑wo abhaanu bhabhiri, bhoone ku‑bhubhiri bhwebhwe bhaariga nibhatongwa jipirya na omuunu unu aariga abhabhanjire. Owumwi weebhwe, aatongwaga jidinaari magana gataanu (500). Owundi, aatongwaga jidinaari makumi gataanu.

INDAGANO INYA:YA

⁴¹ Ariga:rio mu:nu nari:sya amasi:ri, ariga na banu atongaga babiri. Oumwi namutonga jisiringi magana gata:nu, no undi makumi gata:nu.

Ruuka 7:41 ပူးပေါင်းရင်းမြစ်များ

Matayo 18:28

“Omugaya oyo ejire aawuruka anja, ˆnaasongʼana omugaya oweejaabho unu aariga ˆnaamutonga jipirya nooto muno, nijikingaga jidinaari egana rimwi. Awoawo, ˆnaamunyiga mu‑chimiro, ˆnaamubhwira ati, ‘Riya ribhanja ryani ryone rinu enikutonga!’

Matayo 6:12

Uchifwire echigongo ebhibhiibhi bhyeswe, rwa kutyo eswe wone echifwira echigongo bhanu abhachikayira.

Mariko 6:37

Nawe Yeesu ˆnaabhasubhya ati, “Emwe, neemwe mubhayaane ebhiryo.” Nibhamubhuusya ati, “Chimari oweenda neeswe chigende okubhagurira emikaate ja jidinaari magana gabhiri (200) korereki chibhayaane bharye?”

Ruuka 11:4

Uchifwire echigongo ebhibhiibhi bhyeswe, rwa kutyo eswe wone echifwira echigongo bhanu abhachikayira. Waasiga okuchiingisya mu‑maregeejo, [nawe uchichungure okusooka ku‑Mubhiibhi urya].’”

Ruuka 12:48

Nawe, omukosi unu atakumenya okwenda kwa omwami waaye, nawe kaakora omusango gunu ogukora abhumwe okusombookerwa wuri, oyo aribhumwa simbo nooto era. Omuunu unu ꞉aayaanirwe ebhiinu bhyafu, aritongwa bhyafu, na omuunu unu ꞉aayaanirwe obhuturo bhwa okukora emirimu myafu muno, omwami waaye arimutonga bhyafu muno.

Ruuka 13:4

Amwi mwichuke abhaanu bharya ekumi na bhataanu na bhasatu, bhanu ꞉bhaagwiriiywe na obhutingo Sirowaamu erya, nibhafwa. Angu omwitogera ati, abheene bhaariga bhari na ebhibhiibhi bhyafu okukira abhaanu bhoone bhanu bhaariga bheekaaye Yerusareemu?

Ruuka 7:40

Yeesu ˆnaabhwira Simooni ati, “Simooni awe, niri na omusango eneenda okukubhwira.” Simooni ˆnaamusubhya ati, “Omwiyigisya waani, nuumbwire.” Yeesu ˆnaayika ati,

Ruuka 7:47

Kurwa ejo, enikubhwira ati, kwa okubha eryenda ryaye omugasi oyo kw‑anye ni ryafu, eyeeresya ati, ebhibhiibhi bhyaye bhyafu bhyafwiriiywe echigongo. Nawe, omuunu woonewoone unu afwiriiywe echigongo ebhibhiibhi bhitooto, oyo keeresya eryenda etooto era.”

Barumi 3:23

kwa okubha abhaanu bhoone bhakorere ebhibhiibhi na abhagerukirwa rikusyo rya Nyamuwanga.

Barumi 5:20

Ebhiraagiro bhya Muusa ꞉bhyejire, nibhireterera ebhibhiibhi okwiyongesya. Noorwo kutyo, omwanya gunu ebhibhiibhi ꞉bhyeyongesiisye, obhwitiriranya bhwa Nyamuwanga wone nibhugenderera okwiyongesya muno.