Ruuka 7:40 - Indagano Inyaaya mu-Chijita

⁴⁰ Yeesu ˆnaabhwira Simooni ati, “Simooni awe, niri na omusango eneenda okukubhwira.” Simooni ˆnaamusubhya ati, “Omwiyigisya waani, nuumbwire.” Yeesu ˆnaayika ati,

INDAGANO INYA:YA

⁴⁰ Yesu na:ika ati, Simoni, ndina gunu enenda okukubwira. Na:ika ati, Omwiigisya, yaika.

Ruuka 7:40 ပူးပေါင်းရင်းမြစ်များ

Matayo 26:49

Mbe, Yuuda ˆnaafogerera Yeesu, ˆnaamubhwira ati, “Naakukeesya Omwiyigisya!” Niwo ˆnaamufumbeera.

Matayo 7:22

Orusuku rwa indamu oruuja, na abhaanu bhaafu bharimbwira ati, ‘Raatabhugenyi, Raatabhugenyi! Owichuka ati, ꞉chaasoosiisye obhuragi kw‑isiina ryawo? Ka wone, ꞉chaasoosiisye amasambwa okusooka ku‑bhaanu kw‑isiina ryawo? Nichikora wone ebhiruguusyo bhyafu kw‑isiina ryawo?’

Ruuka 18:18

Aariga ari‑wo omutungi umwi. Omutungi oyo, ˆnaabhuusya Yeesu ati, “Omwiyigisya wa ekisi, nikore kutiki, korereki ku‑bhuteero nibhone obhuwanga bhwa akajaanende koone?”

Ruuka 5:22

Yeesu ˆnaamenya emisango jinu bhaariga nibheeganirisya mu‑myoyo jeebhwe, ˆnaabhabhuusya ati, “Ni kurwa ki omwiganirisya kutyo mu‑myoyo jeemwe?

Ruuka 5:31

Yeesu ˆnaabhasubhya ati, “Abhaanu bhanu bhatarwaye, bhatakukena omuragusi. Tari abharwaye nibho abhamukena!

Ruuka 6:8

Nawe, Yeesu ˆnaasombookerwa jinu bhaariga nibheeganirisya. Kurwa ejo, Yeesu ˆnaabhwira omuunu unu aariga afuuwe okubhoko ati, “Iija, wimereeguru agatigati anu.” Omuunu oyo ˆnaagenda, ˆneemereeguru.

Ruuka 7:39

Omufarisaayo oyo, ejire aarora ejo, ˆneeganirisya mu‑mwoyo gwaye ati, “Omuunu unu akabheeye ari muragi, akamenyere ati, omugasi unu kaamukuunʼya‑ko ni muunu wa mbaga ki. Akamenyere ati, omwene ni owa ebhibhiibhi!”

Ruuka 7:41

“Bhaariga bhari‑wo abhaanu bhabhiri, bhoone ku‑bhubhiri bhwebhwe bhaariga nibhatongwa jipirya na omuunu unu aariga abhabhanjire. Owumwi weebhwe, aatongwaga jidinaari magana gataanu (500). Owundi, aatongwaga jidinaari makumi gataanu.

Yowana 13:13

Emwe omumbirikira ati, ‘Omwiyigisya,’ ka wone omumbirikira ati, ‘Raatabhugenyi.’ Omukora kisi okumbirikira kutyo, kwa okubha nikwo kutyo niri.

Yowana 16:19

Yeesu ˆnaasombookerwa ati bheendaga okumubhuusya ku‑misango jinu aayika, mbe omwene ˆnaabhabhuusya ati, “Angu, omubhuusyanya inguru ya jinu naayika ati, ‘Kachaasigaaye‑wo katungu katooto era, mutakuja okundora, nawe akatungu ako kaakawa, murindora rindi’?

Yowana 16:30

Woori chaasombookerwa ati umenyere joone, ka wone utakukena omuunu akubhuusye omusango gwonegwone. Ejo nijo jaakora chiikirisye ati, usookere ku‑Nyamuwanga.”

Yowana 3:2

Rusuku rumwi mu‑ngeta, Nikodeemu ˆnaagenda ku‑Yeesu, ˆnaamubhwira ati, “Omwiyigisya, chimenyere ati awe ni mwiyigisya unu utumirwe na Nyamuwanga, kwa okubha atari‑wo omuunu unu kaatura okukora ebhibharikisyo bhinu owukora, araabha Nyamuwanga atari aamwi nage.”