Ruuka 7:37 - Indagano Inyaaya mu-Chijita

³⁷ Mu‑musi ogwo, aariga ari‑mo omugasi umwi, unu aariga amenyekeene ati, ni owa ebhibhiibhi. Mbe, omugasi oyo, ejire oongwa ati Yeesu ari mu‑nju ya Omufarisaayo kaarya, omugasi oyo ˆnaaja ˆneengira omwo ari na ichupa ya arabhasita. Mu‑chupa eyo, gaariga gari‑mo amafuta ga ebhirange.

INDAGANO INYA:YA

³⁷ Mbe omugasi unu ariga:ri mu musi umwo, unu ariga:ri mubibi. Oyo ejire amenya ati enyanjire ku biryo mu nyumba yo Mufarisayo, nare:ta kayabya ka mafuta amarange.

Ruuka 7:37 ပူးပေါင်းရင်းမြစ်များ

Matayo 21:31

“Woori angu, mu‑bhabhiri abho, niga unu ꞉aakorere rwa kutyo esemwene ꞉eendere?” Abhakuru bha abhagabhisi na abhakuru bha Abhayawudi bharya, nibhamusubhya ati, “Ni urya wa okwamba.” Niwo Yeesu ˆnaayika ati, “Ni chimari enibhabhwira ati, abhatobhesya bha rigooti na abhagasi bhanu abheegusya okwibhonera ribhona, bharibhatangatira okwingira mu‑bhukama bhwa Nyamuwanga.

Ruuka 18:13

“Nawe, omutobhesya wa rigooti oyo, omwene aariga eemereeguru kura, ꞉ateendere noorwo okuringira inguru ku‑rwire, tari eekunuunaga mu‑chifubha chaaye kwa obhusurumbaaye, ˆnaayikaga ati, ‘Nyamuwanga, nuunfwire echigongo, anye owa ebhibhiibhi!’”

Ruuka 19:7

Abhaanu bhoone, bhejire bhaarora ejo, nibhaamba okujujuuma ati, “Mbawo aagenda okubha omugenyi wa omuunu owa ebhibhiibhi!”

Ruuka 5:30

Echikorwa echo nichikora Abhafarisaayo, na abheeyigisya bheebhwe bha ebhiraagiro bhya Muusa, nibhagenda okujujuuma ku‑bheeyigisibhwa bha Yeesu, nibhaayikaga ati, “Mbawo, omurya na okunywa aamwi na abhatobhesya bha rigooti na abhakosi bha ebhibhiibhi?”

Ruuka 5:32

Anye ꞉niteejire okubhirikira bhanu abheerora wuti ni bharengeresi imbere ya Nyamuwanga. Tari niijire okubhirikira abhakosi bha ebhibhiibhi, korereki bhate ebhibhiibhi.”

Ruuka 7:34

Mbe woori, anye Omwana wa Omuunu niijire, enirya ebhiryo na eninywa echifuufu, ka abhaanu abhaayika ati, ‘Ringira! Unu ni munanamba na omukorwa, ka wone ni musaani wa abhatobhesya bha rigooti na abha ebhibhiibhi abhandi!’

Ruuka 7:36

Aariga ari‑wo Omufarisaayo umwi, unu aariga ˆnaatogwa ati, Simooni. ꞉Aakumire Yeesu aaje arye ebhiryo. Niwo, Yeesu ˆneengira mu‑nju ya Omufarisaayo oyo, ˆneenyanja ku‑nenda.

Yowana 11:2

Maryamu oyo, niwe ꞉aabhambagire Raatabhugenyi Yeesu amafuta ga ebhirange, na okumufwafuuta na jifwiri jaaye ku‑maguru. Rajaaro owaabho niwe aariga ari murwaye.

Yowana 9:24

Mbe, abhatangasya bha Abhayawudi nibhabhirikira rindi omuunu unu aariga eebhuuywe ari muwofu, nibhamubhwira ati, “Nuurayire ku‑Nyamuwanga ati, owaayika echimari! Eswe chimenyere ati, omuunu unu ꞉aakuwosiisye, ni mukosi wa ebhibhiibhi.”

Yowana 9:31

Chimenyere ati, Nyamuwanga atakungwaga risabhwa rya abhakosi bha ebhibhiibhi, tari koongwaga omuunu woonewoone unu kaamuramya na okukora jinu Nyamuwanga keenda.

Barumi 5:8

Nawe Nyamuwanga ꞉aacheeresiisye ati kaacheenda muno, kwa okusoosya Kirisito afwe inguru yeeswe, omwanya gunu chaariga chichaari abhakosi bha ebhibhiibhi.

1 Timoteo 1:15

Omusango gunu ni gwa echimari na gwiyire okwikirisibhwa ati, “Kirisito Yeesu ꞉eejire mu‑chaaro, korereki achungure abha ebhibhiibhi.” Anye niri owa ebhibhiibhi okukira abho bhoone.

1 Timoteo 1:9

Wone jiiyire okumenya ati, ebhiraagiro bhitateeywe‑wo inguru ya abharengeresi, tari inguru ya bhanu abhanyamura ebhiraagiro na inguru ya bhanyatagayuka, ku‑bhanu bhatakuramya Nyamuwanga na ku‑bhakosi bha ebhibhiibhi, ku‑bhanu bhatari na mitima myeru na ku‑bhajabhi, ku‑bhanu abheeta bheesemwene, bhanyiramwene na ku‑bheeti bha abhaanu,

1 Petero 4:18

Jikaamirwe mu‑Bhikaame Ebhyeru ati, “Araabha ni kukomeeye ku‑bharengeresi okuchunguka, jiribha kutiki ku‑bha ebhibhiibhi, bhanyataramya Nyamuwanga?”