Ruuka 7:36 - Indagano Inyaaya mu-Chijita

³⁶ Aariga ari‑wo Omufarisaayo umwi, unu aariga ˆnaatogwa ati, Simooni. ꞉Aakumire Yeesu aaje arye ebhiryo. Niwo, Yeesu ˆneengira mu‑nju ya Omufarisaayo oyo, ˆneenyanja ku‑nenda.

INDAGANO INYA:YA

³⁶ Mbe Omufarisayo umwi namubirikira okurya ebiryo nage. Nengira mu nyumba yo Mufarisayo oyo, neyanja ku biryo.

Ruuka 7:36 ပူးပေါင်းရင်းမြစ်များ

Ruuka 11:37

Yeesu ejire aamara okwayika ejo, Omufarisaayo umwi ˆnaamukuma iika ewaaye okurya ebhiryo. Yeesu ˆneengira mu‑nju, ˆneenyanja ku‑nenda okurya ebhiryo.

Ruuka 14:1

Rusuku rumwi, ruri rusuku rwa Isabhaato, Yeesu ˆnaagenda ˆneengira mu‑nju ya omukuru umwi wa Abhafarisaayo okurya ebhiryo. Omwanya gunu Yeesu aariga ari mu‑nju omwo, Abhafarisaayo na abhaanu abhandi bhaariga bhamwiteganiiyega.

Ruuka 7:34

Mbe woori, anye Omwana wa Omuunu niijire, enirya ebhiryo na eninywa echifuufu, ka abhaanu abhaayika ati, ‘Ringira! Unu ni munanamba na omukorwa, ka wone ni musaani wa abhatobhesya bha rigooti na abha ebhibhiibhi abhandi!’

Ruuka 7:35

Nawe noorwo kutyo, abhaanu bhanu abhayaana Nyamuwanga echibharo, abheeresya ati, obhwengeeso bhwaye ni bhwa echimari.”

Ruuka 7:37

Mu‑musi ogwo, aariga ari‑mo omugasi umwi, unu aariga amenyekeene ati, ni owa ebhibhiibhi. Mbe, omugasi oyo, ejire oongwa ati Yeesu ari mu‑nju ya Omufarisaayo kaarya, omugasi oyo ˆnaaja ˆneengira omwo ari na ichupa ya arabhasita. Mu‑chupa eyo, gaariga gari‑mo amafuta ga ebhirange.