Ruuka 7:24 - Indagano Inyaaya mu-Chijita

²⁴ Abheeyigisibhwa bha Yowana bhejire bhaasubha‑yo, Yeesu ˆnaamba okubhwira ebhise bhya abhaanu inguru ya Yowana. ˆNaabhabhuusya ati, “Omwanya gunu ꞉mwagendere ibhara, niki chinu ꞉mwagendere okuringira? Tere, ꞉mwagendere okuringira omuunu unu keekirisya emisango joone rwa orufunjo runu omuyaga ogusira enu na erya? Wuri!

INDAGANO INYA:YA

²⁴ Jintumwa ja Yoana wejire bagenda, namba okwaika ne bise ku bya Yoana ati, ?Niki cinu mwajiraga mwibara okurora? ?Risa:ru rinu ryasingisibwaga omuyaga?

Ruuka 7:24 ပူးပေါင်းရင်းမြစ်များ

Ruuka 1:80

Mbe omwana oyo Yowana, ˆnaakura, ˆnaabhona amanaga mu‑mwoyo gwaye. ˆNaagenda okwikara mw‑ibhara, okukingira ku‑mwanya gwa okwibhuurisya ku‑Bhayisirayeeri.

Ruuka 3:2

Anaasi na Kayaafa, abheene nibho bhaariga bhari abhagabhisi abhakuru. Ku‑muguuga ogwo, Yowana omwana wa Jaakariya, aariga ari ibhara. Mbe, ibhara eyo, Nyamuwanga ˆnaamuyaana omusango.

Ruuka 7:23

Ari na ribhando omuunu woonewoone unu atari na echiitimaato mu‑mwoyo gwaye inguru yaani!”

Ruuka 7:25

Mbe, ꞉mwagendere okuringira ki? Tere, ꞉mwagendere okuringira omuunu unu afwaye emyenda ja ekisi ja obhugusi obhurambu? Wuri! Ringira, abhaanu bhanu abhafwaraga emyenda ja ekisi ja obhugusi obhurambu na okwikondya ku‑bhwafu bhwa ebhiinu bhinu bhari nabhyo, abheekaraga mu‑nju ja echikama.

Yowana 1:23

Yowana ˆnaabhasubhya okuruubhana na emisango jinu omuragi Iisaya ꞉aayikire ati, “Anye niri ‘muunu urya kaamura obhuraka mw‑ibhara ati, “Mwimye injira anu kaja okutura Raatabhugenyi!”’”

Baefeso 4:14

Mbe, chitaribha rindi rwa abhaana abharera, nichiyeemusibhwa na okugegwa enu na eyi na omuyaga gwa ameeyigisyo ga orubheeyi. Ameeyigisyo ago, ageeyigisibhwa mu‑bhurigerige na obhwengeeso bhwa abhaanu, bhanu abheetemeeka ja orubheeyi.

2 Petero 2:17

Abhaanu abho bhari rwa amajibha ganu goomirire, bhari rwa orukoowa runu oruyembwa na echifurafufi. Echisuute echirafuru ti chibhiikirwe inguru yeebhwe.

2 Petero 3:17

Mbe, emwe abheendwa bhaani, mwamenyere emisango ja abheeyigisya bha orubheeyi abho. Kurwa ejo mutengeeje, korereki mwasiga okujigwa mu‑bhwengebhwenge bhwa abhakayi abho, nimugwa na okusiga okurumatana kwemwe.