Ruuka 7:16 - Indagano Inyaaya mu-Chijita

¹⁶ Abhaanu abho bhoone, nibharuguura muno, nibhaamba okukusya Nyamuwanga, nibhaayikaga ati, “Omuragi omukuru unu eebhuka okusooka mw‑iswe!” Nibhaayika rindi ati, “Nyamuwanga aaja okusakira eswe abhaanu bhaaye!”

INDAGANO INYA:YA

¹⁶ Obu:ba nibubagwata bo:ne, nibakusya Nyamuanga, niba:ika ati, Omuragi Omukuru a:me:muka mwiswe, na rindi ati, Nyamuanga abe:jiye aba:nu bae.

Ruuka 7:16 ပူးပေါင်းရင်းမြစ်များ

Matayo 15:31

Abhaanu nibharuguura muno bhejire bhaarora abhajibhi nibharoma, abharema nibhawora, abhafuuwe bha amaguru nibharibhata na abhawofu nibharora. Nibhaamba okukusya Nyamuwanga wa Abhayisirayeeri.

Matayo 21:11

Abhaanu abhandi mu‑chise echo nibhabhasubhya ati, “Unu ni Yeesu! Ni muragi urya wa Najareeti wa mu‑mukoowa gwa Gariraaya!”

Matayo 28:8

Niwo abhagasi abho, nibhagenda bhwangu okusooka ku‑fwa awo bhari na obhuyayu na rikonderwa enene. Nibhabhirima okugenda okubhwira abheeyigisibhwa bha Yeesu jinu maraayika oyo aabhabhwira.

Matayo 9:8

Abhaanu bhejire bhaarora ejo, nibharuguura na okuubhaya muno. Nibhakusya Nyamuwanga unu ayaaye abhaanu obhuturo bhwa imbaga eyo.

Ruuka 1:65

Abheekasyanya bhaaye bhoone, nibhayaya muno. Omusango ogwo niguswirana muno mu‑chaaro choone cha mu‑bhiima bhya Yuudeya.

Ruuka 1:68

“Raatabhugenyi, Nyamuwanga wa Yisirayeeri, akusibhwe, kwa okubha, eejire okwerura abhaanu bhaaye.

Ruuka 19:44

Bharifumya omusi gwawo gwone na bharikusingaarisya awe na abhaana bhaawo bhoone. Abhasoko abho, ritari‑wo noorwo ribhuyi rimwi rinu bharisiga rigerekeene inguru ya erindi ku‑ndugu ja omusi, isonga iri ati, ꞉mutaasombookeeywe omwanya gunu Nyamuwanga ꞉eejire okubhachungura.”

Ruuka 2:20

Abhareefi abho nibhasubha‑wo, keenu nibhasiimaga Nyamuwanga na okumukusya ku‑joone jinu ꞉bhoonguuwe na okurora, kwa okubha jinu ꞉bhaabhwiriiywe na maraayika nikwo kutyo joone ꞉jaabheeye.

Ruuka 24:19

Omwene ˆnaabhuusya ati, “Misango ki ejo?” Nibhamusubhya ati, “Eswe echisimura emisango jinu jaamaakorekana ku‑Yeesu wa Najareeti. Abhaanu bhoone noorwo Nyamuwanga, bhaamaarora ati Yeesu ni muragi owa obhuturo, kwa okubha emisango jinu aariga ˆnaakora na ameeyigisyo gaaye bhyariga bhiri na obhuturo muno.

Ruuka 5:26

Abhaanu bhoone nibharuguura muno na okuyaya. Aamwi na ejo, nibhakusya Nyamuwanga, nibhaayikaga ati, “Bhamura, reero chaarora emisango ja okuruguusya!”

Ruuka 5:8

Simooni Peetero ejire aarora ejo, ˆneefukama imbere ya Yeesu, ˆnaamubhwira ati, “Raatabhugenyi, niteeyire okubha aamwi na awe, kwa okubha anye niri muunu owa ebhibhiibhi!”

Ruuka 7:15

Awoawo omumura oyo ˆneemuka, ˆneenyanja, ˆnaamba okuroma rindi. Niwo Yeesu ˆnaamusubhya ku‑nyiramwene.

Ruuka 7:39

Omufarisaayo oyo, ejire aarora ejo, ˆneeganirisya mu‑mwoyo gwaye ati, “Omuunu unu akabheeye ari muragi, akamenyere ati, omugasi unu kaamukuunʼya‑ko ni muunu wa mbaga ki. Akamenyere ati, omwene ni owa ebhibhiibhi!”

Ruuka 8:37

Abhaanu bhoone mu‑chaaro cha Abhageraasi awo, bhanu bhaariga bheekumanyiisye awo, nibheerembeeresya Yeesu muno asooke mu‑chaaro cheebhwe, kwa okubha bhaariga bhoobhayire muno. Kurwa ejo, ˆnaariinya mu‑ngama, korereki asooke awo.

Ruuka 9:19

Nibhamusubhya ati, “Abhandi abhaayika ati, naawe Yowana Omubhatiija. Abhandi ati, naawe Yeeriya. Abhandi abhaayika ati, naawe umwi wa abharagi wa kara unu aasuuruka.”

Yowana 1:21

Nibhamubhuusya rindi ati, “Woori naawe ga? Angu, naawe omuragi Yeeriya?” Omwene ˆnaabhasubhya rindi ati, “Wuri, anye nitari muragi Yeeriya.” Abheene nibhamubhuusya rindi ati, “Angu, naawe omuragi unu echirindirira okusooka ku‑Nyamuwanga?” Yowana ˆnaabhasubhya ati, “Wuri, nitari anye.”

Yowana 1:25

Nibhamubhuusya ati, “Araabha awe utari Kirisito, noorwo omuragi Yeeriya, noorwo omuragi unu echirindirira okusooka ku‑Nyamuwanga, ni kurwa ki owubhatiija abhaanu?”

Yowana 4:19

Omugasi oyo, ˆnaamubhwira ati, “Mwami, enirora ati, awe uri muragi.

Yowana 6:14

Abhaanu abho bhejire bhaarora echibharikisyo chinu Yeesu ꞉aakorere, nibhaayika ati, “Chimari omuunu unu ni muragi wa Nyamuwanga unu chaariga nichiiyikanya ati ariija ku‑chaaro kunu.”

Yowana 9:17

Niwo, Abhafarisaayo nibhamubhuusya rindi ati, “Owaayika ki inguru ya omuunu unu aakuwosya ameeso?” Omwene ˆnaabhasubhya ati, “Anye enirora ati omuunu oyo ni muragi wa Nyamuwanga.”

Ebikorwa 5:5

Ananiiya ejire oongwa emisango ejo, awoawo ˆnaagwa aasi, ˆnaafwa. Abhaanu bhoone bhanu ꞉bhoonguuwe emisango ejo na okurora echikorwa echo ꞉bhoobhayire muno.

Ebikorwa 7:37

Muusa niwe uryaurya ꞉aabhwiriiye Abhayisirayeeri abho ati, ‘Okusooka mu‑bhayiri bheemwe Nyamuwanga aribheenamusisya omuragi rwa anye.’

Bagalatia 1:24

Mbe, nibhakusya Nyamuwanga inguru ya jinu aariga ankoreeye.