Ruuka 6:6 - Indagano Inyaaya mu-Chijita

⁶ Orusuku orundi rwa Isabhaato, Yeesu ˆneengira mu‑nju ya eriikofyanyo rya Abhayawudi, ˆnaamba okwiyigisya abhaanu. Mu‑nju omwo, aariga ari‑mo omuunu umwi, unu okubhoko kwaye kwa ebhuryo kwariga kufuuwe.

INDAGANO INYA:YA

⁶ Mbe ku sabato eindi, nengira mu rikofyanyisyo ne:igisya. Ariga:rimo mu:nu okuboko kwae okwe buryo kwariga ku:mire.

Ruuka 6:6 ပူးပေါင်းရင်းမြစ်များ

Matayo 4:23

Yeesu aaturaga enu na erya mu‑mukoowa gwone gwa Gariraaya. Eengiraga mu‑nju ja ameekofyanyo ga Abhayawudi na okwiyigisya abhaanu omwo. Aariga wone ˆnaaraasisya abhaanu Emisango ja Ekisi inguru ya obhukama bhwa mu‑rwire na okuwosya abhaanu abha amarwara ga mbaga nyafu.

Ruuka 13:10

Rusuku rumwi, ruri rusuku rwa Isabhaato, Yeesu aariga ari mu‑nju ya eriikofyanyo, ˆneeyigisyaga abhaanu.

Ruuka 14:3

Yeesu ˆnaabhuusya Abhafarisaayo na abheeyigisya bha ebhiraagiro bhya Muusa ati, “Angu, ebhiraagiro bhya Muusa ebhichiikirisisya okuwosya abhaanu ku‑rusuku rwa Isabhaato tere wuri?”

Ruuka 4:16

Orusuku rumwi, Yeesu ˆnaagenda iika ewaabho Najareeti, enu ꞉aakuriiye. Orusuku rwa Isabhaato rwejire rwakinga, ˆneengira mu‑nju ya eriikofyanyo rwa kutyo aariga anarire. ˆNeemereeguru asome omusango gwa Nyamuwanga.

Ruuka 4:31

Neeya Yeesu ˆnaagenda mu‑musi gwa Kaperinaawumu, mu‑mukoowa gwa Gariraaya. Orusuku rwa Isabhaato, ˆneengira mu‑nju ya eriikofyanyo rya Abhayawudi, ˆnaamba okwiyigisya abhaanu omusango gwa Nyamuwanga omwo.

Ruuka 6:1

Rusuku rumwi, ruri rusuku rwa Isabhaato, Yeesu aaturaga mu‑masambu ga ingano, aamwi na abheeyigisibhwa bhaaye. Abheeyigisibhwa nibhabhutura ebhyangara bhya ingano, nibhabhiwungurura, nibhabhikuuta na amabhoko, nibharya.

Ruuka 6:5

Yeesu ˆnoongesya okwayika ati, “Anye Omwana wa Omuunu, naanye Raatabhugenyi wa orusuku rwa Isabhaato.”

Yowana 5:3

Mu‑magaragariro ago, bhamaamaga‑mo abharwaye bhaafu. Bhaariga bhari‑mo abhawofu, abharema, na bhanu bhafuuwe emibhiri. [Bhaariga nibharindirira amanji gaserurwe,

Yowana 9:16

Niwo Abhafarisaayo abharebhe nibhaayika ati, “Omuunu unu akorere kutyo, atasookere ku‑Nyamuwanga, kwa okubha kaanyamura echiraagiro cha orusuku rwa Isabhaato.” Nawe abhandi nibhaayika ati, “Omukosi wa ebhibhiibhi kaatura kutiki okukora ebhibharikisyo rwa ebhyo?” Kurwa ejo, nibhataasyanya mu‑bhwiganirisya bhwebhwe.