Ruuka 6:47 - Indagano Inyaaya mu-Chijita

⁴⁷ Omuunu woonewoone unu kaaja kw‑anye, ˆnaategeresya emisango jaani na okujigayuka kaasusana na echijekekanyo chinu.

INDAGANO INYA:YA

⁴⁷ Omu:nu wo:ne unu kanyijako nongwa emisango jani najikora, enibasusanyisya kutyo kasusana.

Ruuka 6:47 ပူးပေါင်းရင်းမြစ်များ

Matayo 12:50

Okubha omuunu woonewoone unu kaakora okwenda kwa Raata waani unu ari mu‑rwire, oyo niwe omumura waasu, omuyara waasu na maayi.”

Matayo 17:5

Omwanya gunu Peetero aariga achaaroma, awoawo eriire rinu ryariga niringʼarabhya niriija na okubhafundikira. Nibheeya nibhoongwa obhuraka okusooka mu‑riire eryo nibhwayika ati, “Unu niwe Omwana waani omwendwa, niwe kaankondisya. Mumutegeresyega!”

Ruuka 11:28

Nawe Yeesu ˆnaayika ati, “Ni chimari! Tari, bhari na ribhando muno abhaanu bhanu abhoongwa omusango gwa Nyamuwanga na okugugayuka!”

Ruuka 14:26

“Omuunu woonewoone unu kaanduubha kaabha omwiyigisibhwa waani araabha akanyenda anye muno okukira kutyo keenda esemwene, nyiramwene, omugasi waaye na abhaana bhaaye, abhamura bhaabho na abhayara bhaabho, na asige okwiyenda omwene.

Ruuka 6:48

Kaasusana na omuumbaki wa inju, unu ꞉aasimbire orufuka, ˆnaakinga emwaro ku‑rutare, ˆnoombaka orufuka inguru ya orutare orwo. Mbe, induruma yejire yaaja, omusima nigwijura amanji, nigawurura nigabhuma inju eyo. Noorwo kutyo, ꞉gataayisingaarisiisye, kwa okubha yaariga yumbakirwe kisi.

Ruuka 8:13

“Jimbibho jinu ꞉jaaguuwe ku‑rutare, ejisusanyibhwa na abhaanu bhanu abhoongwa omusango gwa Nyamuwanga, nibhaguramira kwa rikonderwa enene, nibhagwikirisya katungu katooto era. Nawe omwanya gunu abharegeejibhwa abhagusiga. Bhari rwa amati ganu emisi jaago jiri ingurunguru era.

Ruuka 8:8

Jimbibho ejindi nijigwa mu‑mayaru ga ekisi. Nijimera na okutwasya amatwasyo maafu nijiyongesya nijikinga egana okukira jinu aariga abhibhire.” Yeesu ejire aamara okwayika ejo, ˆnaamura obhuraka ˆnaayika ati, “Unu kaategeresya, noongwe!”

Yowana 10:27

Jinaama jaani ejuungwa obhuraka bhwani. Anye nijimenyere, ejeene ejinduubha.

Yowana 13:17

Araabha mwasombookerwa ejo, mbe Nyamuwanga kaja okubhayaana amabhando mukajikora rwa kutyo naabhabhwira.

Yowana 14:15

“Araabha mukanyeenda, murigwata ebhiraagiro bhyani.

Yowana 5:40

Nawe mutakwenda okuuja kw‑anye, korereki mubhone obhuwanga bhwa kajaanende koone.

Yowana 6:35

Yeesu ˆnaabhasubhya ati, “Anye naanye ebhiryo bhinu ebhiyaana abhaanu obhuwanga bhwa akajaanende koone. Omuunu woonewoone unu kaaja kw‑anye na okunyikirisya, atarirumwa omweko rindi, noorwo okuungwa rindi obhwiro bhwa amanji.

Yowana 6:37

Abhaanu bhoone bhanu Raata kaanaana, bhariija kw‑anye na okunyikirisya. Anye nitakurema noorwo umwi unu kaaja kw‑anye.

Yowana 8:52

Mbe, Abhayawudi abho nibhamubhwira Yeesu ati, “Woori echimenya ati, awe uri na risambwa! Bhurayimu ꞉aafuuwe, na abharagi wone ꞉bhaafuuwe. Nawe awe owaayika ati, ‘Omuunu woonewoone unu kaagayuka ameeyigisyo gaani, atarifwa wuri.’

Baeburania 5:9

Mbe, okuruubhana na emisango ejo, Nyamuwanga ꞉aamukorere abhe Omugabhisi Omukuru unu akuumiiye, ˆnaabha obhusimukwa bhwa obhuchungusi bhwa kajaanende ku‑bhaanu bhoone bhanu abhagayuka Yeesu.

Yakobo 4:17

Mbe, omuunu woonewoone unu amenyere okukora gwa ekisi, nawe atakugukora, oyo kaakora echibhiibhi.

1 Petero 2:4

Mbe, mufogere ku‑Yeesu, omwene ari rwa ribhuyi riwanga rya okuumbakira. Ribhuyi eryo, abhaanu ꞉bhaariremere, nawe niryo Nyamuwanga ꞉aasorere, ka wone riri na obhurambu obhunene mu‑meeso gaaye.

2 Petero 1:10

Mbe, abhayiri bhaani, mwikomeesye muno okweresya chimari ati Nyamuwanga abhabhirikiiye na okubhasora. Araabha muramire ku‑njira eyo, mtariikuujura wuri.

1 Yoana 2:29

Mumenyere ati Kirisito ni murengeresi. Kurwa ejo, mumenye ati, omuunu woonewoone unu kaakora ja rirenga, omwene ni mwana wa Nyamuwanga.

1 Yoana 3:7

Mbe, abhaana bhaani mu‑riikirisya, mwangarire korereki omuunu woonewoone aasiga okubhayabhya. Omuunu woonewoone unu kaakora ja rirenga, ni murengeresi, rwa kutyo Kirisito ari murengeresi.

Obhusweruro 22:14

Bharibhona amabhando, abhaanu bhanu abhafura emingiro jeebhwe mu‑sagama ya Omwana wa Inaama, korereki bheekirisibhwe okwingira mu‑musi omuyaaya ogwo okutura ku‑marango gaagwo na okurya amatwasyo ga riiti rinu erisoosya obhuwanga bhwa akajaanende koone.