Ruuka 6:30 - Indagano Inyaaya mu-Chijita

³⁰ Omuunu woonewoone aakakusabhwa echiinu, umuyaane. Omuunu akakuteesya ebhiinu bhyawo, waasiga okumusabhwa ati akusubhisye.

INDAGANO INYA:YA

³⁰ Unu arakusabwaga wamuyana, na unu arakutesyaga ebi:nu byao, wasigaga kusuba kubyenda.

Ruuka 6:30 ပူးပေါင်းရင်းမြစ်များ

Matayo 18:35

Neeya, Yeesu ˆnaamariisya kwa okwayika ati, “Mumenye ati noorwo Raata waani wa mu‑rwire, aribhakorera kutyokutyo, aribha mwarema okufwira echigongo omwikirisya oweejaanyu kwa emyoyo jeemwe joone.”

Matayo 5:39

Nawe anye enibhabhwira ati, mwasiga okusubhya orusiima ku‑muunu unu abhakoreeye ebhibhiibhi. Tari, araabha omuunu aakakubhaatuura kw‑itama rya ebhuryo, muyindurire na erya ebhumoosi.

Matayo 6:12

Uchifwire echigongo ebhibhiibhi bhyeswe, rwa kutyo eswe wone echifwira echigongo bhanu abhachikayira.

Ruuka 11:41

Muyaanega abhanare ebhiinu kwa emyoyo jeemwe joone, niwo bhyone ebhibha bhyosiibhwe kwa emwe.

Ruuka 12:33

Mugusye ebhiinu bhyemwe, jiyera jinu omuja okubhona okuruubhana na ebhiinu ebhyo, muyaane abhataka. Mwibhariirire jisagwa jinu jitakunyamuka, na okwibhiikira ebhibhiikwa mu‑rwire anu bhitakugeruka‑ko. Eyo niwo omwifi atakukinga, korereki eebhe, noorwo amayeenje gatakunyamura.

Ruuka 18:22

Yeesu ejire oongwa ejo, ˆnaamubhwira ati, “Ugerukiiywe‑wo omusango gumwi era. Genda ugusye ebhiinu bhyone bhinu uri nabhyo. Jipirya jinu uribhona, ugabhire abhataka. Urikora kutyo uribhiikira ebhibhiikwa mu‑rwire. Ukamara uuje unduubhe.”

Ruuka 6:29

“Omuunu akakugaya ˆnaakubhaatuura kw‑itama rimwi, nuumuyindurire na ritama erindi. Omuunu akakuteesya rikabhuuti ryawo, nuumusige agege noorwo na omwingiro.

Ruuka 6:31

Mukorerega abhaanu abhandi rwa kutyo emwe wone omwenda bhabhakorerega.

Ruuka 6:38

Muyaanega abhaanu ebhiinu, niwo emwe wone muriyaanwa echiyaanwa echinene. Indengo inu omurenga niyo murirengerwa‑mo, korereki yiijure jabhijabhi, yiigatirwe na okusingisibhwa okukingira okwitika aasi. Okubha, indengo inu omurengera abhandi, eyoeyo niyo emwe wone Nyamuwanga aribharengera.”

Ebikorwa 20:35

Mu‑joone jinu ꞉naakorere, naariga nimbeeresya ati echikenwa okukora emirimu, korereki chibhone ebhiinu bhya okusakira abhaanu bhanu bhatari na obhuturo. Echikenwa wone okwichuka emisango jinu Raatabhugenyi Yeesu omwene ꞉aayikire, ‘Amabhando maafu ari mu‑kusoosya okukira mu‑kuramira.’”

2 Bakorinto 8:9

Emwe mumenyere obhwitiriranya bhwa Raatabhugenyi weeswe Yeesu Kirisito. Noorwo kutyo aariga ari muniibhi, nawe ꞉eekorere wuti omutaka ku‑songa yeemwe, korereki okutura ku‑bhutaka bhwaye, emwe mubhe abhaniibhi.

Baefeso 4:28

Omwifi asige okugenderera okwibha, nawe akiri afurubhende, akore emirimu ja okwibhusya‑mo kwa amabhoko gaaye, korereki abhone echiinu cha okuyaana‑ko owa obhukene.