Ruuka 6:27 - Indagano Inyaaya mu-Chijita

²⁷ “Enibhabhwira emwe bhanu omuntegeresya, mwendega abhasoko bheemwe. Abhaanu bhanu abhabhasoka, emwe mubhakorerega ja ekisi.

INDAGANO INYA:YA

²⁷ Nawe enibabwira emwe banu omungwa ati, Mwendega abaremo bemwe, mukorega kisi banu ababasoka.

Ruuka 6:27 ပူးပေါင်းရင်းမြစ်များ

Mariko 4:24

Niwo Yeesu ˆnaagenderera okubhabhwira ati, “Mutegeresye kisi! Indengo inu omurengera abhandi, eyoeyo niyo emwe wone Nyamuwanga aribharengera, na eyeemwe iryongesibhwa‑wo.

Ruuka 23:34

Yeesu ˆnaayika ati, “Raata! Bhafwire echigongo, kwa okubha bhatakumenya gunu abhakora.” Abhasirikare abho bhejire bhaamara, nibhagabhana emyenda jaaye kwa okwitongya.

Ruuka 6:22

Muri na ribhando emwe, araabha abhaanu abhabhasoka na okubhakindika, abhaja okubhafuma na okubhabhwira ati, emwe muri bhajabhi, inguru yaani anye Omwana wa Omuunu.

Ruuka 6:35

“Nawe emwe, mwendega abhasoko bheemwe, mubhakorerega eja ekisi. Mubhabhanjega muteeyikanya okusubhisibhwa. Nyamuwanga aribhayaana echiyaanwa echinene, na omuja okubha abhaana bha echimari ku‑mwene unu ari Inguru ya Bhyone. Okubha Nyamuwanga kaasakira abhaanu bhoone noorwo bhanu bhatakumusiima, na bhanu abhakora amabhiibhi.

Ruuka 8:15

“Jimbibho jinu ꞉jaaguuwe mu‑mayaru ga ekisi, ejisusanyibhwa na abhaanu bhanu abhoongwa omusango gwa Nyamuwanga, nibhagugwata mu‑mwoyo gwa echimari, na mu‑bhwigumiirisya bhwebhwe abhatwasya amatwasyo omwanya gwone.

Ruuka 8:18

“Kurwa ejo, jinu omuungwa, mujiganirisyega kisi! Omuunu unu kaagwata jinu koongwa, Nyamuwanga kaja okumuswerurira noorwo na ejindi. Nawe omuunu unu atakuungwa emisango ejo, mbe oyo kaja okuteesibhwa noorwo obhusombookerwa bhunu keetogera ati ari nabhwo.”

Ruuka 8:8

Jimbibho ejindi nijigwa mu‑mayaru ga ekisi. Nijimera na okutwasya amatwasyo maafu nijiyongesya nijikinga egana okukira jinu aariga abhibhire.” Yeesu ejire aamara okwayika ejo, ˆnaamura obhuraka ˆnaayika ati, “Unu kaategeresya, noongwe!”

Ebikorwa 10:38

Ka wone omumenya ati, Nyamuwanga ꞉aasorere Yeesu wa Najareeti kwa okumuyaana Mwoyo Mweru na obhuturo. Yeesu oyo aagendaga enu na erya, aakoraga ja ekisi na okuwosya bhoone bhanu bhaariga nibhanyaasibhwa na amanaga ga Syetaani, kwa okubha Nyamuwanga aariga ari aamwi nage.

Ebikorwa 16:28

Awo Pawuro ˆnaamura obhuraka, ˆnaamubhwira ati, “Nuusige okwiyita! Bhoone chiri munu!”

Ebikorwa 7:60

Ejire eeya ˆneefukama, ˆnaarira kwa obhuraka obhunene ati, “Raatabhugenyi, waasiga okubhabharira echibhiibhi chinu!” Ejire aamara okwayika ejo, ˆnaafwa. Saawuri wone ꞉aarorere ati, echikorwa cha okwita Tefwano chaariga chiri cha ekisi.

Bagalatia 6:10

Mbe, bhuri kutyo echibhona omwanya, chikorerega abhaanu bhoone ja ekisi, nawe munomuno abheekirisya abheejaasu.

1 Batesalonika 5:15

Mwangarire, omuunu woonewoone aasiga okusubhya orusiima ku‑weejaabho. Tari bhuri rusuku mwikomeesye okukoreraniraga ja ekisi, emwe abheene kwa abheene. Mukore kutyo ku‑bhaanu bhoone.

3 Yoana 1:11

Woori, omwendwa waani Gaayo, waasiga okuruubha echijekekanyo echibhiibhi, tari echijekekanyo cha ekisi. Omuunu woonewoone unu kaakora ja ekisi, oyo ni mwana wa Nyamuwanga. Nawe unu kaakora ebhibhiibhi, atakusombookerwa ati Nyamuwanga niga.