Ruuka 6:26 - Indagano Inyaaya mu-Chijita

²⁶ Jiribhabhona emwe, araabha abhaanu abhabhakumangya, kwa okubha, noorwo bhasaaja weebhwe, nikwo kutyo bhaariga nibhakorera abharagi bha orubheeyi.

INDAGANO INYA:YA

²⁶ Jiribabona emwe ariba ba:nu bo:ne babasi:ma, okuba nikwo kutyo basaja wabo bakoraga abaragi bo rurimi.

Ruuka 6:26 ပူးပေါင်းရင်းမြစ်များ

Matayo 7:15

“Mwikengega abharagi abhabheeyi. Omwanya gunu abhabhaaja‑ko, abheekora okubha abhoorooro rwa jinaama, nawe echimari ni bharuru rwa emisege.

Ruuka 6:25

Jiribhabhona emwe, bhanu woori anu mwigutire, kwa okubha muryungwa omweko. Jiribhabhona, emwe bhanu woori anu omuseka kwa okukondererwa, kwa okubha muririra na okusurumbara inguru ya orufu.

Yowana 15:19

Araabha mukabheeye muri bhaanu bha ku‑chaaro kunu, abheene bhaakabheendaga rwa kutyo abheenda abhaanu bheende‑ko. Nawe emwe mutari bhaanu bha ku‑chaaro kunu, kwa okubha nibhasorere okusooka ku‑chaaro kunu. Eyo niyo isonga inu eyikora abhaanu bha ku‑chaaro kunu nibhabhasoka.

Yowana 7:7

Abhaanu bha ku‑chaaro kunu, bhatari na injuno ya okukora bhabhasoke. Nawe abhansoka anye, kwa okubha enibhabhwira ati, ebhikorwa bhyebhwe ni bhibhiibhi.

Barumi 16:18

Abhaanu bha imbaga eyo bhatakukorera emirimu Kirisito, Raatabhugenyi weeswe, tari wubha nibharuubha okurigira kwebhwe abheene. Abhaayika emisango ja ekisi ja okukondisya, nawe abhajiga abheekirisya bhanu bhatakwiyikanya okukorerwa obhubhiibhi bhwonebhwone.

Yakobo 4:4

Emwe, muri abhaanu bhanu bhatari bheeyikanyibhwa ku‑Nyamuwanga! Mutakumenya ati okubha omusaani wa echaaro chinu ni okubha omusoko wa Nyamuwanga? Kurwa ejo, omuunu woonewoone aakeenda okubha omusaani wa echaaro, keekora okubha omusoko wa Nyamuwanga.