Ruuka 6:17 - Indagano Inyaaya mu-Chijita

¹⁷ Yeesu ˆneeka okusooka ku‑chiima, aamwi na jitumwa jaaye. Ejire aakinga ku‑seerera, ˆneemereeguru. Ku‑seerera awo niwo bhaariga bheekumanyiisye abheeyigisibhwa bhaaye bhaafu na echise cha abhaanu abhandi okusooka mbaara joone ja omukoowa gwa Yuudeya na mu‑musi gwa Yerusareemu, na okusooka ku‑ngego ya emisi ja Tiiro na Sidooni. Abhaanu abho ꞉bheejire awo, okutegeresya Yeesu na okuwosibhwa amarwara geebhwe.

INDAGANO INYA:YA

¹⁷ Ne:ka aamwi nabo, nemereguru mu nse:ka, anu cariga cise cinene eca abe:igisibwa bae, na ba:nu ba:fu banu baso:kere mu Buyaudi yo:ne na Yerusalemi, na ku mbarama ja inyanja eja Turo na Sidoni, banu bejire okumungwa no kuosibwa jindwara jebwe.

Ruuka 6:17 ပူးပေါင်းရင်းမြစ်များ

Matayo 11:21

“Jiribhabhona emwe abhaanu bha Korajiini! Jiribhabhona emwe abhaanu bha Bhetisaayida! Araabha ebhiruguusyo bhinu ꞉naakorere kw‑imwe anu, naakabhikorere ku‑bhaanu bha emisi ja Tiiro na Sidooni, chimari abhaanu abho, bhaakataaye ebhibhiibhi bhyebhwe. Bhaakakorere kutyo, kwa okufwara amagunira na okwibhambaga riifu.

Matayo 12:15

Yeesu ejire aamenya obhutinge bhwa Abhafarisaayo abho, ˆnaasooka awo. Abhaanu bhaafu nibhamuruubha, ˆnaawosya bhoone bhanu bhaariga bharwaye.

Matayo 14:14

Mbe, ejire aakinga, ˆneeka okusooka mu‑ngama, ˆnaarora echise chinene cha abhaanu. ˆNaabhafwira echigongo ˆnaawosya abharwaye bheebhwe.

Matayo 15:21

Mbe, Yeesu ˆnaasooka arya, ˆnaagenda orubhaara rwa emisi ja Tiiro na Sidooni.

Matayo 5:1

Mbe, Yeesu ejire aarora ebhise bhya abhaanu, ˆnaariinya ku‑chiima, ˆneenyanja okwo. Niwo abheeyigisibhwa bhaaye nibhamujaa‑ko.

Ruuka 5:15

Noorwo kutyo, emisango ja Yeesu ja okwesya omugenge oyo, nijigenderera okuswirana muno. Abhaanu bheekofyanyaga, korereki bhategeresye ameeyigisyo gaaye, na okuwosibhwa amarwara geebhwe.

Ruuka 6:12

Mu‑siku ejo, Yeesu ˆnaagenda ku‑chiima okusabhwa Nyamuwanga, ˆnaamusabhwa ingeta yoona.

Ruuka 6:16

Yuuda omwana wa Yakobho, na Yuuda Isikariyooti unu ꞉aaromeeye Yeesu iniku.

Ruuka 6:18

Noorwo abhaanu bhanu bhaariga bhawungirwe na amasambwa, wone aariga ˆnaabhawosya.