Ruuka 5:26 - Indagano Inyaaya mu-Chijita

²⁶ Abhaanu bhoone nibharuguura muno na okuyaya. Aamwi na ejo, nibhakusya Nyamuwanga, nibhaayikaga ati, “Bhamura, reero chaarora emisango ja okuruguusya!”

INDAGANO INYA:YA

²⁶ Ecitaŋaŋaro nicibagwata bo:ne, nibakusya Nyamuanga. Nibo:baya muno, niba:ika ati, Carora ebyo kurugu:ra rero.

Ruuka 5:26 ပူးပေါင်းရင်းမြစ်များ

Matayo 12:23

Ebhise bhya abhaanu bhanu bhaariga bhari awo nibharuguura muno, nibhaayika ati, “Angu, unu kaatura okubha Omwana wa Dawudi?”

Matayo 28:8

Niwo abhagasi abho, nibhagenda bhwangu okusooka ku‑fwa awo bhari na obhuyayu na rikonderwa enene. Nibhabhirima okugenda okubhwira abheeyigisibhwa bha Yeesu jinu maraayika oyo aabhabhwira.

Matayo 9:8

Abhaanu bhejire bhaarora ejo, nibharuguura na okuubhaya muno. Nibhakusya Nyamuwanga unu ayaaye abhaanu obhuturo bhwa imbaga eyo.

Mariko 2:12

Awoawo, omuunu oyo ˆneemereeguru, ˆnaagega riraro ryaye, ˆnaawuruka anja, bhoone bhanu bhaariga bhari arya nibharuguura na okukusya Nyamuwanga, nibhaayikaga ati, “Chichaariga okurora kata echikorwa rwa chinu!”

Ruuka 1:65

Abheekasyanya bhaaye bhoone, nibhayaya muno. Omusango ogwo niguswirana muno mu‑chaaro choone cha mu‑bhiima bhya Yuudeya.

Ruuka 5:8

Simooni Peetero ejire aarora ejo, ˆneefukama imbere ya Yeesu, ˆnaamubhwira ati, “Raatabhugenyi, niteeyire okubha aamwi na awe, kwa okubha anye niri muunu owa ebhibhiibhi!”

Ruuka 7:16

Abhaanu abho bhoone, nibharuguura muno, nibhaamba okukusya Nyamuwanga, nibhaayikaga ati, “Omuragi omukuru unu eebhuka okusooka mw‑iswe!” Nibhaayika rindi ati, “Nyamuwanga aaja okusakira eswe abhaanu bhaaye!”

Ruuka 8:37

Abhaanu bhoone mu‑chaaro cha Abhageraasi awo, bhanu bhaariga bheekumanyiisye awo, nibheerembeeresya Yeesu muno asooke mu‑chaaro cheebhwe, kwa okubha bhaariga bhoobhayire muno. Kurwa ejo, ˆnaariinya mu‑ngama, korereki asooke awo.

Ebikorwa 4:21

Peetero na Yowana bhejire bhaamara okwayika kutyo, abhakuru abho nibhabhagonya kwa obhururu muno, nibhabhataatira bhagende. ꞉Bhataabhwene injira ya okubhabhuma, kwa okubha abhaanu bhoone bhaariga nibhakuuya Nyamuwanga muno inguru ya echiruguusyo echo.

Bagalatia 1:24

Mbe, nibhakusya Nyamuwanga inguru ya jinu aariga ankoreeye.