Ruuka 5:17 - Indagano Inyaaya mu-Chijita

¹⁷ Rusuku rumwi, omwanya gunu Yeesu aariga ˆneeyigisya abhaanu mu‑nju, Abhafarisaayo aamwi na abheeyigisya bha ebhiraagiro bhya Muusa wone bhaariga bhari‑mo bheenyanjirega. Bhaariga bheejire okusooka mu‑nguuyo joone ja Gariraaya na Yuudeya, noorwo abhandi bhaariga bhasookere mu‑musi gwa Yerusareemu. Yeesu aariga ari na obhuturo okusooka ku‑Raatabhugenyi Nyamuwanga, korereki awosye abharwaye.

INDAGANO INYA:YA

¹⁷ Mbe ku rusiku rumwi ariga ne:igisya, na Bafarisayo na be:igisya be biragiro bariga benyanjiremo, banu bariga baso:kere mu misi jo:ne eja Galilaya ne ja Buyaudi na Yerusalemi. Na managa ga Ratabugenyi gariga ganage ago kuosya.

Ruuka 5:17 ပူးပေါင်းရင်းမြစ်များ

Matayo 11:5

Mumubhwire ati, abhawofu abharora, abharema abharibhata, abhagenge abheesibhwa, bhanu bhasibhirwe amatwi abhoongwa, abhafuuwe abhasuururwa na abhataka abharaasibhwa Emisango ja Ekisi ja Nyamuwanga.

Matayo 15:1

Mbe, Abhafarisaayo abharebhe na abheeyigisya bha ebhiraagiro bhya Muusa okusooka Yerusareemu nibhaaja ku‑Yeesu, nibhamubhuusya ati,

Mariko 1:45

Nawe, omwanya gunu omuunu oyo ꞉aasookere awo, ˆnaamba okuraasya abhwerubhweru bhuri rubhaara emisango ja okuwosibhwa kwaye. Okuruubhana na ejo, Yeesu ˆnaataamibhwa okwingira abhwerubhweru mu‑musi gwonegwone gurya. ˆNeenyanja eenyere anja ya emisi anu abhaanu bhaariga bhatari, noorwo kutyo abhaanu bhaamujaaga‑ko okusooka bhuri rubhaara.

Mariko 16:18

Noorwo araabha bhakagwata injoka, amwi bhaakanywa echiinu choonechoone chinu echiita, chitaribhasingaarisya. Bharibhaga nibhatuura amabhoko geebhwe ku‑bharwaye, bhoone bhariwora.”

Mariko 3:22

Abheeyigisya bha ebhiraagiro bhya Muusa bhanu ꞉bhaasookere mu‑musi gwa Yerusareemu, bhaayikaga ati, “Ari na Bherijebhuuri!” Ka wone bhaayikaga ati, “Omuunu unu, kaasoosya‑ko amasambwa ku‑bhuturo bhwa Bherijebhuuri, omukuru wa amasambwa goone.”

Mariko 5:30

Awoawo Yeesu ˆneeyungwa ati obhuturo bhwaye bhwa okuwosya bhwakora emirimu. ˆNeekebhuukira, ˆnaabhuusya abhaanu bha echise ati, “Niga unu aankuunʼya ku‑mwenda gwani?”

Mariko 7:1

Mu‑siku jirya, Abhafarisaayo na Abhayawudi bhaariga bhatakurya bhateesaabhire okukingya mu‑bhikokora, okuruubhana na jitungwa ja bhasaaja weebhwe kutyo jaariga jiri. Omwanya gunu bhasookere mw‑iguriro, bheesaabhaga okwamba rwa kutyo jaariga nijeendwa, niwo bharye. Ka wone, bheechukaga jitungwa jeebhwe ejindi nyafu ja kara, rwa okwosya ebhikombe, amafurira na ebhiinu ebhindi rwa ebhyo. Rusuku rumwi Abhafarisaayo na abheeyigisya abharebhe bha ebhiraagiro bhya Muusa nibhaaja okusooka mu‑musi gwa Yerusareemu, nibheekofyanya ku‑Yeesu. Nibharora abheeyigisibhwa abharebhe bha Yeesu bhanu bhaariga nibharya na amabhoko amajabhi, nikwo okwayika ati, bhateesaabhire rwa kutyo jaariga jeenderwe mu‑tungwa jeebhwe.

Ruuka 15:2

Omusango ogwo nigukora Abhafarisaayo na abheeyigisya bha ebhiraagiro bhya Muusa bhajujuume ati, “Mbawo omuunu unu, kaakuma abhaanu abha ebhibhiibhi! Ka wone kaarya aamwi nabho!”

Ruuka 2:46

Orusuku rwa kasatu, nibhamusongʼana mw‑Iyekaru, eenyanjire agatigati ya abheeyigisya bha ebhiraagiro bhya Nyamuwanga, ˆnaabhategeresyaga na okubhabhuusirisya amabhuusyo.

Ruuka 5:21

Mbe, abheeyigisya bha ebhiraagiro bhya Muusa na Abhafarisaayo abho, nibhaamba okubhuusyanya nibhaayikaga ati, “Niga unu? Mbawo kaayika emisango ja okufumirisya Nyamuwanga? Atari‑wo omuunu unu kaatura okufwira echigongo ebhibhiibhi, tari Nyamuwanga eenyere!”

Ruuka 5:30

Echikorwa echo nichikora Abhafarisaayo, na abheeyigisya bheebhwe bha ebhiraagiro bhya Muusa, nibhagenda okujujuuma ku‑bheeyigisibhwa bha Yeesu, nibhaayikaga ati, “Mbawo, omurya na okunywa aamwi na abhatobhesya bha rigooti na abhakosi bha ebhibhiibhi?”

Ruuka 6:19

Abhaanu abho bhoone, bheendaga okumukuunʼya‑ko, kwa okubha obhuturo bhwa okuwosya bhwariga nibhumusooka‑ko, na okubhawosya bhoone.

Ruuka 7:30

Nawe Abhafarisaayo na abheeyigisya bha ebhiraagiro bhya Muusa, nibharema jinu Nyamuwanga aariga ˆneenda, kwa okubha ꞉bhaaremere okubhatiijibhwa na Yowana.

Ruuka 8:46

Nawe, Yeesu ˆnaayika ati, “Nimenyere ati, ari‑wo omuunu unu aankuunʼya‑ko, kwa okubha eniiyungwa ati obhuturo bhwani bhwa okuwosya bhwakora emirimu.”

Yowana 3:10

Yeesu ˆnaamusubhya ati, “Awe uri mwiyigisya unu uri na echibharo muno mu‑chaaro cha Yisirayeeri, ka utakumenya emisango ejo?

Yowana 3:21

Nawe abhaanu bhoone bhanu abhakora ebhikorwa bhya obhurengeresi, abhaaja mu‑bhweru obhwo, korereki imenyekane ati, Nyamuwanga niwe kaabhayaana obhuturo bhwa okubhikora.

Ebikorwa 19:11

Nyamuwanga ꞉aakorere emisango ja okuruguusya kwa amabhoko ga Pawuro.

Ebikorwa 4:30

Ramburura okubhoko kwawo okuwosya abhaanu, okukora ebhibharikisyo na ebhiruguusyo ku‑njira ya risiina rya Yeesu, omukosi waawo omweru!”

Ebikorwa 5:34

Nawe, mw‑ibharaja rikuru awo, aariga ari‑wo Omufarisaayo umwi, risiina ryaye ˆnaatogwa Gamaryeri. Gamaryeri oyo aariga ari mwiyigisya wa ebhiraagiro, na aayaanwaga echibharo na abhaanu bhoone. ꞉Eemereeguuyu, ˆnaaragirira ati, jitumwa bhasirwe anja kwa omwanya mufuyi.