Ruuka 4:7 - Indagano Inyaaya mu-Chijita

⁷ Woori, araabha ukandamya, enikuyaana bhyone bhinu.”

INDAGANO INYA:YA

⁷ Mbe awe ukandamya anye, binu byone ebiba byao.

Ruuka 4:7 ပူးပေါင်းရင်းမြစ်များ

Matayo 2:11

Mbe, nibheengira mu‑nju, nibharora omwana aamwi na Maryamu nyiramwene, nibheefukama nibharamya omwana oyo. Nibhasuruumura jisagwa jeebhwe, nibhasoosya‑mo ebhiyaanwa bhya inaaryo, obhubhaani na amafuta amarange, nibhayaana omwana oyo.

Ruuka 17:16

Ejire aakinga ku‑Yeesu, ˆnaagwa bhwifumbike ku‑maguru gaaye, enu ˆnaamusiimaga. Omuunu oyo, aariga ari Musamaariya.

Ruuka 4:6

ˆNaamubhwira ati, “Enija okukuyaana obhukama na obhuniibhi bhwa ebhyaro bhyone, kwa okubha bhyone bhinu ꞉naayaaywe, anye wone eniyaana omuunu woonewoone unu eneenda.

Ruuka 4:8

Yeesu ˆnaamusubhya ati, “Jikaamirwe mu‑Bhikaame Ebhyeru ati, ‘Uramye Raatabhugenyi Nyamuwanga waawo. Umukorere emirimu omwene era.’”

Ruuka 8:28

Amasambwa ago, gaamuwungaga kwiya kaafu. Abhaanu bhaaregeejaga okumwangarira, kwa okumubhoya na amaseega na jinyoro. Noorwo kutyo, aariga ˆnaabhutura amaseega ago, ˆnaabhirimaga okuja mw‑ibhara. Mbe, Yeesu ˆnaagagonya amasambwa ago ati, “Musooke mu‑muunu unu!” Omuunu oyo, ejire aaringirana na Yeesu, ˆnaamura obhuraka ˆnaarira. ˆNaagwa bhwifumbike imbere ya Yeesu, ˆnaamura obhuraka ˆnaayika ati, “Yeesu Omwana wa Nyamuwanga unu ari Inguru ya Bhyone, owunyenja‑ko ki! Enikwirembeeresya, waasiga okunnyaasya!”

Obhusweruro 22:8

Anye Yowana, naanye ꞉noonguuwe na okurora emisango ejo. Nejire naajuungwa na okujirora, ꞉naaguuwe bhwifumbike ku‑maguru ga maraayika unu ꞉aanyeresiisye emisango ejo, korereki nimuramye.

Obhusweruro 4:10

Bhuri omwanya Nyamuwanga aariga ˆnaakuuyibhwa na ebhibhumbwa bhirya, abhakaruka makumi gabhiri na bhana bharya, bhaariga nibhagwa bhwifumbike imbere ya unu eenyanjire ku‑chitebhe cha ingʼoma na okumuramya. Omwene oyo, niwe omuwanga akajaanende koone. Wone bhaariga nibhafuura jitengya jeebhwe, nibhajituura imbere ya echitebhe cha ingʼoma, nibhaayikaga ati,

Obhusweruro 5:8

Ejire aaramira echitabho echo, ebhibhumbwa bhirya na abhakaruka bharya nibhagwa bhwifumbike imbere yaaye. Bhuri umwi weebhwe aariga ari na indono na amabhakuri ga inaaryo geejuuywe obhubhaani. Obhubhaani obhwo niryo risabhwa rya abheeru bha Nyamuwanga.