Ruuka 4:35 - Indagano Inyaaya mu-Chijita

³⁵ Yeesu ˆnaagonya risambwa eryo, ˆnaaribhwira ati, “Jibhira! Sooka mu‑muunu unu!” Awoawo, risambwa eryo ˆnirimugwisya aasi imbere ya abhaanu abho bhoone. Ryejire ryamara okumugwisya aasi imbere ya abhaanu abho bhoone, nirimusooka‑mo okumuwutaasya wuri noorwo na akatyari.

INDAGANO INYA:YA

³⁵ Yesu nagugonya na:ika ati, Jibira, umuso:keko. Omusambwa wejire gwamwesa aagati, nigumuso:kako, gutamukorere kubi:bi.

Ruuka 4:35 ပူးပေါင်းရင်းမြစ်များ

Matayo 17:18

Bhejire bhaamukingya, Yeesu ˆnaagonya risambwa rinu ryariga riri mu‑mubhiri gwaye, nirisooka‑mo. Awoawo, omwana oyo ˆnaawora.

Matayo 8:26

Yeesu ˆnaabhabhwira ati, “Ni kurwa ki omuubhaya, emwe abha eriikirisya ritooto?” Niwo ˆneemuka, ˆnaagonya omuyaga na amakonjo. Awoawo, inyanja niibha etore chimwi.

Mariko 1:26

Risambwa eryo, ˆnirimugwisya aasi rwa omuunu unu aguuye echitwe, ˆnirikunga na okumusooka‑ko.

Mariko 4:39

Niwo Yeesu ˆneemuka ˆnaagonya omuyaga, ˆnaabhwira inyanja ati, “Choreera uteekane! Siiriika!” Omuyaga gurya nigutemekera, inyanja niibha etore chimwi.

Mariko 9:26

Niwo risambwa eryo nirimwaya muno, nirigwisya omwana oyo aasi, nirimureterera okugwa echitwe, nirimusooka‑mo. Omwana oyo ˆnaabha wuti afuuwe, abhaanu bhaafu arya nibhaayika ati, “Aafwa!”

Ruuka 11:22

Nawe, omuunu owundi unu ari na amanaga okumukira, akaaja okumurwana, ˆnaamuyiga, ˆnaamuteesya ebhigwato bhyaye bhyone bhinu aariga ˆneeyikanya, neeya ˆnaagega ebhiinu bhyone na okugabhira abhaanu abhandi.

Ruuka 4:23

Yeesu ˆnaabhabhwira ati, “Nimenyere ati omuja okumbwira orugani runu, ‘Muragusi, woori wiragure awe omwene!’ Ka wone, ‘Ebhiruguusyo bhinu ꞉choonguuwe ati waariga nuubhikora Kaperinaawumu eyo, mbe woori nuubhikore na mu‑ruguuyo rwawo anu!’”

Ruuka 4:39

Niwo Yeesu ˆneemereeguru ayeeyi na nyaabhuko Simooni, ˆnaagonya omuswija ogwo gumusooke‑ko. Awoawo omugasi oyo ˆnaawora omuswija ogwo. Niwo ˆneemuka, ˆnaamba okubhafurubhendera.

Ruuka 4:41

Aamwi na ejo, Yeesu ꞉aasoosiisye amasambwa okusooka mu‑bhaanu bhaafu muno, nigamwaya nigaayikaga ati, “Awe uri Mwana wa Nyamuwanga!” Nawe Yeesu ˆnaagagonya na ꞉ataagekirisisiisye okugenderera okwayika kutyo rindi, kwa okubha gaariga gamenyere ati, Yeesu niwe Kirisito.

Ruuka 8:24

Abheeyigisibhwa abho, nibhagenda bhwangu okumurafya keenu nibhakungaga ati, “Raatabhugenyi! Raatabhugenyi! Echisingaarika!” Neeya, Yeesu ˆneemuka, ˆnaagonya omuyaga na amakonjo, awoawo inyanja niibha etore chimwi.

Ruuka 9:39

Risambwa erimugwataga, erikoraga ˆnaamwaya. Omwanya ogundi erikoraga ˆnaagwa echitwe, okukingira ˆnaafukumba rifiro mu‑kanwa. Erimunyaasyaga muno, na ritakumusiga bhwangu.

Ruuka 9:42

Omwanya gunu omwana oyo aagendaga ku‑Yeesu, awoawo risambwa eryo ˆnirimugwisya aasi, ˆnirimureterera okugwa echitwe. Nawe Yeesu ˆnaarigonya, ˆnaawosya omwana oyo, ˆnaamusubhya kw‑isemwene.

Obhusweruro 12:12

Kurwa ejo, mukonderwe, emwe bhoone bhanu mwikaaye inguru mu‑rwire eyo! Jaabhabhona emwe bhanu mwikaaye ku‑chaaro na ebhibhumbwa bhya mu‑nyanja, okubha Syetaani eeserwe emwaro eyo agatigati yeemwe. Abhiyiriwe muno, kwa okubha kaamenya ati jisiku jaaye ni nooto.”