Ruuka 4:25 - Indagano Inyaaya mu-Chijita

²⁵ “Nawe, muntegeresye kisi! Enibhabhwira echimari ati, bhaariga bhari‑wo abhatumbagasi bhaafu mu‑chaaro cha Yisirayeeri, mu‑siku ja obhurame bhwa omuragi Yeeriya. Ku‑mwanya ogwo ingʼubha ꞉itaaguuye miguuga esatu na ameesi gataanu na kumwi, omweko mwafu muno nigwingira mu‑chaaro choone.

INDAGANO INYA:YA

²⁵ Nawe ni cimari enibabwira ati, bariga bario abatumba ba:fu mu Israeli mu siku ja Eliya, anu orwire rwegaywe myaka esatu na me:si gata:nu na kumwi, na njara nyafu ni:gwa mu:si yone.

Ruuka 4:25 ပူးပေါင်းရင်းမြစ်များ

Matayo 20:15

Angu, nitakwikirisibhwa okukorera jipirya jaani rwa kutyo eneenda? Amwi uri na orwiso kwa okubha anye ni wa ekisi muno ku‑bhandi?’”

Ruuka 10:21

Omwanya ogwoogwo, Yeesu ˆnaakondererwa muno ku‑bhuturo bhwa Mwoyo Mweru. ˆNaayika ati, “Raata awe, Raatabhugenyi wa orwire na echaaro choone! Enikusiima kwa okubha, emisango jinu, ꞉waakorere okubha mbisike ku‑bhaanu abha obhwengeeso na abhamenyi, wajisweruuye abhwerubhweru ku‑bhaanu bhanu bhari na eriikirisya rwa abhaana abharera. Yee Raata, nikwo kutyo jaakukondera.”

Barumi 9:15

Nyamuwanga omwene ꞉aabhwiriiye Muusa ati, “Anye nirifwira echigongo omuunu woonewoone unu eneenda okufwira echigongo, anye omwene era.”

Barumi 9:20

Nawe awe omuunu, naawe ga owuyaajana kutyo na Nyamuwanga? Angu, echiinu chinu chimogerwe echitura okubhuusya omumogi waacho ati, “Kurwa ki ꞉waammogere kutya?”

Baefeso 1:11

Nyamuwanga kaakora bhuri chiinu okwingana na obhukarariiye bhwa okwenda kwaye. Omwene ꞉aaramuuye okuchisora eswe Abhayawudi, chibhe abhaana bhaaye okusookerera kara ku‑njira ya Kirisito.

Baefeso 1:9

꞉Aakorere kutyo, omwanya gunu ꞉aachisweruriiye imbisike ya okwenda kwaye, okuruubhana na obhukarariiye bhwaye okusookerera kara mu‑Kirisito.

Yakobo 5:17

Omuragi Yeeriya, aariga ari muunu rwa eswe. ꞉Aasabhirwe muno ingʼubha isige okugwa na niisiga okugwa ku‑chaaro cha Yisirayeeri miguuga esatu na ameesi gataanu na kumwi.

Obhusweruro 11:6

Abhabhambaasi abhabhiri abho bhari na obhuturo bhwa okuyingirira ingʼubha, korereki isige okugwa omwanya gunu bharisoosyaga obhuragi bhwebhwe. Omwanya gwonegwone bhaakeenda, abhatura okuyindura amanji okubha isagama na okureeta ku‑chaaro chinu itambara yooneyoone irya.