Ruuka 4:23 - Indagano Inyaaya mu-Chijita

²³ Yeesu ˆnaabhabhwira ati, “Nimenyere ati omuja okumbwira orugani runu, ‘Muragusi, woori wiragure awe omwene!’ Ka wone, ‘Ebhiruguusyo bhinu ꞉choonguuwe ati waariga nuubhikora Kaperinaawumu eyo, mbe woori nuubhikore na mu‑ruguuyo rwawo anu!’”

INDAGANO INYA:YA

²³ Nababwira ati, Mutakutasya kumbwira orugani runu ati, Muganga iganga omwene. Jo:ne jinu conguywe nijikorerwa Kaperinaumu, nujikore anu one mu ca:ro canyu.

Ruuka 4:23 ပူးပေါင်းရင်းမြစ်များ

Matayo 13:54

Ejire aakinga Najareeti mu‑musi gwa ewaabho, ˆnaamba okwiyigisya abhaanu mu‑nju ya eriikofyanyo ryebhwe. Abhaanu nibharuguura muno, nibhabhuusyanya ati, “Omuunu unu abhwene aaki obhwengeeso bhunu? Ka wone, abhwene aaki obhuturo bhwa okukora ebhiruguusyo bhinu?

Matayo 4:13

Gariraaya eyo, Yeesu ˆnaawuma okusooka mu‑musi gwa Najareeti, ˆnaagenda okwikara mu‑musi gwa Kaperinaawumu. Kaperinaawumu ni musi gunu guri ku‑ngego ya inyanja ya Gariraaya, gusijeene na ebhyaro bhya Jaabhurooni na Naafitaari.

Matayo 4:23

Yeesu aaturaga enu na erya mu‑mukoowa gwone gwa Gariraaya. Eengiraga mu‑nju ja ameekofyanyo ga Abhayawudi na okwiyigisya abhaanu omwo. Aariga wone ˆnaaraasisya abhaanu Emisango ja Ekisi inguru ya obhukama bhwa mu‑rwire na okuwosya abhaanu abha amarwara ga mbaga nyafu.

Mariko 6:1

Niwo Yeesu ˆnaasooka eyo, ˆnaasubha ewaabho mu‑musi gwa Najareeti, ari aamwi na abheeyigisibhwa bhaaye.

Ruuka 2:39

Mbe, Jejefu na Maryamu nibhamara okukora joone jinu ebhiraagiro bhya Raatabhugenyi bhyendaga. Nibhasubha ewaabho mu‑musi gwa Najareeti, mu‑mukoowa gwa Gariraaya.

Ruuka 2:51

Mbe, ˆnaasubha nabho Najareeti na aariga ˆnaabhagayuka. Joone jinu ꞉jaakorekeene, nyiramwene ˆnaajituura mu‑mutima gwaye ˆnaajiiganirisyaga.

Ruuka 4:16

Orusuku rumwi, Yeesu ˆnaagenda iika ewaabho Najareeti, enu ꞉aakuriiye. Orusuku rwa Isabhaato rwejire rwakinga, ˆneengira mu‑nju ya eriikofyanyo rwa kutyo aariga anarire. ˆNeemereeguru asome omusango gwa Nyamuwanga.

Ruuka 4:31

Neeya Yeesu ˆnaagenda mu‑musi gwa Kaperinaawumu, mu‑mukoowa gwa Gariraaya. Orusuku rwa Isabhaato, ˆneengira mu‑nju ya eriikofyanyo rya Abhayawudi, ˆnaamba okwiyigisya abhaanu omusango gwa Nyamuwanga omwo.

Ruuka 4:35

Yeesu ˆnaagonya risambwa eryo, ˆnaaribhwira ati, “Jibhira! Sooka mu‑muunu unu!” Awoawo, risambwa eryo ˆnirimugwisya aasi imbere ya abhaanu abho bhoone. Ryejire ryamara okumugwisya aasi imbere ya abhaanu abho bhoone, nirimusooka‑mo okumuwutaasya wuri noorwo na akatyari.

Ruuka 6:42

Angu, owutura kutiki okubhwira oweejaanyu ati, ‘Weejaasu, siga nikusoosye akabhambo kanu kari mu‑riiso ryawo,’ keenu awe omwene utakurora echuura chinu chiri mu‑riiso ryawo? Omwirimaanya awe! Nuusoosye okwamba echuura chinu chiri mu‑riiso ryawo, niwo owutura okurora kisi na okusoosya akabhambo kanu kari mu‑riiso rya oweejaanyu.

Yowana 4:28

Mbe, omugasi oyo ˆnaasiga echituumo chaaye cha amanji awo, ˆnaagenda mu‑ruguuyo. Ejire aakinga, ˆnaabhwira abhaanu ati,

2 Bakorinto 5:16

Kurwa ejo okwambira woori, chitakwiganirisya rindi obhurambu bhwa omuunu woonewoone ku‑njira ya echinyamuunu. Noorwo kutyo omwanya omurebhe chaariga nichiiganirisya Kirisito ku‑njira eyo, nawe woori chitakukora kutyo rindi.