Ruuka 4:18 - Indagano Inyaaya mu-Chijita

¹⁸ “Mwoyo Mweru wa Raatabhugenyi Nyamuwanga, ari aamwi na anye. Aansorere, nibhega nindaasisya abhataka Emisango ja Ekisi. Aantumire ku‑bhaanu bhanu bhabhoyerwe, okubharaasisya ati abhaja okwigurirwa, na okubhwira abhawofu ati abhaja okurora, na niwonʼye abhaanu bhoone bhanu abhanyaasibhwa.

INDAGANO INYA:YA

¹⁸ Omwoyo wa Ratabugenyi ari kwanye, Okuba anyitiriye amafuta korereki nisimurire abataka Ebigambo byo bwana Antumire okubwira jingwatwa ejo kuta:tirwa, no kwigura ame:so ga baofu, No kuta:tira banu bafwonyoe.

Ruuka 4:18 ပူးပေါင်းရင်းမြစ်များ

Matayo 11:5

Mumubhwire ati, abhawofu abharora, abharema abharibhata, abhagenge abheesibhwa, bhanu bhasibhirwe amatwi abhoongwa, abhafuuwe abhasuururwa na abhataka abharaasibhwa Emisango ja Ekisi ja Nyamuwanga.

Matayo 12:18

“Ringira, unu niwe omukosi waani unu nisorere. Unu niwe omwendwa waani unu kaankondisya omwoyo gwani. Nirimuyaana Mwoyo gwani, korereki araasye obhuchungusi ku‑bhaanu bha amaanga goone.

Matayo 12:20

Atarifuna woonewoone unu ataamiibhwe rwa orufunjo runu rwikotere, noorwo atarisingaarisya woonewoone unu ari yeeyi okufwa rwa orutambi runu orwituuta ingesi, okukingira omwanya gunu arireeta obhuchungusi, okuyiga ebhibhiibhi bhyone.

Matayo 4:16

Abhaanu bhanu bheekaaye mu‑chisuute, bhaarora obhweru bhwafu, na bhanu bheekaaye mw‑irengesi rya orufu, bhaamurikirwa obhweru.”

Matayo 5:3

“Bhari na ribhando abha obhukene na Nyamuwanga, kwa okubha obhukama bhwa mu‑rwire ni bhwebhwe.

Ruuka 4:17

ˆNaayaanwa echitabho cha omuragi Iisaya, ˆnaachifumbura, ˆnaayenja anu akaamirwe ati,

Ruuka 6:20

Yeesu ˆnaaringira abheeyigisibhwa bhaaye abho, ˆnaabhabhwira ati, “Muri na ribhando emwe abhataka, kwa okubha, emwe neemwe abhaanu bha obhukama bhwa Nyamuwanga.

Ruuka 7:22

Niwo, Yeesu ˆnaabhasubhya ati, “Mugende mubhwire Yowana joone jinu mwarora na okuungwa. Mumubhwire ati abhawofu abharora, abharema abharibhata, abhagenge abheesibhwa, bhanu bhasibhirwe amatwi abhoongwa, abhafuuwe abhasuururwa, na abhataka abharaasibhwa Emisango ja Ekisi ja Nyamuwanga.

Yowana 1:41

Awoawo Andereya ˆnaagenda okuyenja Simooni, omumura waabho. Ejire aamubhona, ˆnaamubhwira ati, “Eswe chaarora Masiya!” Obhugajuro bhwa omusango Masiya ni “Kirisito.”

Yowana 12:46

Anye niijire ku‑chaaro kunu rwa obhweru, korereki bhuri muunu unu kaanyikirisya asige okusigara mu‑chisuute.

Yowana 3:34

kwa okubha Nyamuwanga ꞉aatumire Yeesu korereki aayike emisango jaaye. Nyamuwanga amuyaaye Mwoyo Mweru okurenga wuri.

Ebikorwa 10:38

Ka wone omumenya ati, Nyamuwanga ꞉aasorere Yeesu wa Najareeti kwa okumuyaana Mwoyo Mweru na obhuturo. Yeesu oyo aagendaga enu na erya, aakoraga ja ekisi na okuwosya bhoone bhanu bhaariga nibhanyaasibhwa na amanaga ga Syetaani, kwa okubha Nyamuwanga aariga ari aamwi nage.

Ebikorwa 26:18

Ubheegure ameeso, bhasooke mu‑chisuute bheengire mu‑bhweru. Ka wone bhasooke mu‑mabhoko ga Syetaani, bhayindukire Nyamuwanga, korereki kwa okwikirisya, bhafwirwe echigongo ebhibhiibhi bhyebhwe, bhabhe aamwi na abheeru abhandi bhoone.’

Ebikorwa 4:26

Abhakama bha echaaro na abhatungi abheekumanyaga aamwi, bhareme Raatabhugenyi Nyamuwanga na Kirisito waaye.’

Ebikorwa 4:27

“Okubha ni chimari ati mu‑musi gunu Yeroode Atipaasi na Pootiyo Piraato ꞉bhaabhugeene aamwi na abhaanu bhanu bhatari Bhayawudi na Abhayisirayeeri, korereki bhareme Yeesu, omukosi waawo omweru unu ꞉waasorere abhe Kirisito.

Bakolosai 1:13

Achichunguuye okusooka mu‑bhutungi bhwa echisuute, achifurusiisye okusooka omwo na okuchiingisya mu‑bhukama bhwa Omwana waaye omwendwa.

Yakobo 2:5

Abhayiri bhaani abheendwa, muntegeresye kisi. Mutakumenya ati Nyamuwanga ꞉aawuuwe abhataka bha ku‑chaaro, bhabhe abhaniibhi mu‑riikirisya, bhanjure obhukama bhunu ꞉aaragire bhanu abhamwenda?

1 Petero 2:9

Nawe emwe muri rwibhuro orusorwa, muri bhugabhisi bhwa echikama, echise cha abheeru, abhaanu bhanu mwawuuywe na Nyamuwanga, korereki muraasye ebhikorwa bhyaye ebhikuru. Omwene ꞉aabhabhirikiiye okusooka mu‑chisuute, mwingire mu‑bhweru bhwaye bhwa okuruguusya.