Ruuka 3:8 - Indagano Inyaaya mu-Chijita

⁸ Mbe, mukore ebhikorwa bhinu ebhyeresya ati, chimari mwata ebhibhiibhi bhyemwe ku‑Nyamuwanga. Mwasiga okwitogera ati, Nyamuwanga aribheekirisya, kwa okubha omwikumangya ati, ‘Eswe chiri rwibhuro rwa Bhurayimu!’ Enibhabhwira ati, Nyamuwanga kaatura okuyindura amabhuyi ganu okubha abhaana bha Bhurayimu!

INDAGANO INYA:YA

⁸ Mbe mutwasye amatwasyo ganu ge:ire okuta, amwi mutaja kwamba kwaika munda jemwe ati, Ciri na saja, niwe Iburaimu, okuba enibabwira ati, Nyamuanga katura okumwinamusisya Iburaimu aba:na mu mabui ganu.

Ruuka 3:8 ပူးပေါင်းရင်းမြစ်များ

Matayo 21:43

Yeesu ˆnoongesya ati, “Enibhabhwira ati, ku‑songa eyo Nyamuwanga arisoosya‑wo obhukama bhwaye kw‑imwe na okuyaana abhaanu bha amaanga agandi bhanu bharitwasya amatwasyo inguru yaaye.

Matayo 3:8

Mbe, mukore ebhikorwa bhinu ebhyeresya ati, chimari mwata ebhibhiibhi bhyemwe ku‑Nyamuwanga.

Matayo 3:9

Mwasiga okwitogera ati, Nyamuwanga aribheekirisya, kwa okubha omwikumangya ati, ‘Chiri rwibhuro rwa Bhurayimu!’ Enibhabhwira ati, Nyamuwanga kaatura okuyindura amabhuyi ganu okubha abhaana bha Bhurayimu!

Ruuka 13:25

Omwene inju ariigara orwigi, emwe muriimereeguru anja, nimwibhuura keenu nimukonoonaga ku‑rwigi nimwayikaga ati, ‘Raatabhugenyi, nuuchiigurire!’ Nawe, omwene aribhasubhya ati, ‘Nitakubhamenya emwe noorwo na akatyari! Ka wone, nitakumenya ati musookere aaki!’

Ruuka 13:26

“Emwe murimubhwira ati, ‘Eswe neeswe bhanu ꞉chaariiye na okunywa aamwi na awe! Ka awe wone weeyigisyaga mu‑nguuyo jeeswe!’

Ruuka 14:9

Unu ꞉aabhakokere emwe bhabhiri bhoone, kaja okukubhwira ati, ‘Teera unu echitebhe echo.’ Awo niwo urirora jiswaro muno, kwa okubha urigenda okwinyanja ku‑chitebhe cha unu atari wa echibharo muno.

Ruuka 19:40

Yeesu ˆnaabhasubhya ati, “Enibhabhwira ati, araabha bhanu bhaakajibhira, noorwo amabhuyi ganu agaja okwamura obhuraka, gamwaye!”

Ruuka 19:9

Yeesu ˆnaamubhwira ati, “Reero inu, obhuchungusi bhwakingira abhaanu bha inju inu, kwa okubha ebhikorwa bhyaye bhyeresya ati, omuunu unu wone ni mwana wa mu‑ruganda rwa Bhurayimu.

Ruuka 5:21

Mbe, abheeyigisya bha ebhiraagiro bhya Muusa na Abhafarisaayo abho, nibhaamba okubhuusyanya nibhaayikaga ati, “Niga unu? Mbawo kaayika emisango ja okufumirisya Nyamuwanga? Atari‑wo omuunu unu kaatura okufwira echigongo ebhibhiibhi, tari Nyamuwanga eenyere!”

Yowana 8:33

Abheene nibhamubhuusya ati, “Eswe chiri rwibhuro rwa Bhurayimu. Chichaariga okubha abhagaya bha omuunu woonewoone urya. Kurwa ki owaayika ati echija okukorwa abheetaage?”

Yowana 8:39

Abheene nibhamusubhya ati, “Bhurayimu niwe raata!” Yeesu ˆnaabhabhwira ati, “Araabha chimari mukabheeye muri bhaana bhaaye, mukakorere jinu omwene aariga ˆnaakora.

Ebikorwa 26:20

꞉Naaraasisiisye okwamba abhaanu bha Damaasiko eyo na Yerusareemu na echaaro choone cha Yuudeya, ka wone ꞉naakingiiye abhaanu bhanu bhatari Bhayawudi. Naabhakomeeresyaga ati, bhate ebhibhiibhi bhyebhwe, bhayindukire Nyamuwanga. Ka wone okuta kwebhwe kweresibhwe na ebhikorwa bhyebhwe.

Barumi 4:16

Echo nicho echireterera omurago gwa Nyamuwanga gwiyikanye eriikirisya era, kwa okubha ogusookana na obhwitiriranya bhwaye. Ku‑njira eyo, joone jinu ꞉bhaaragirwe abhaanu bhoone bha orwibhuro rwa Bhurayimu, jibhe ja echimari, jitari ku‑Bhayawudi era bhanu bhari na ebhiraagiro, tari noorwo ku‑bhanu abheekirisya Nyamuwanga rwa kutyo Bhurayimu ꞉aakorere. Bhurayimu niwe raata weeswe bhoone bhanu echiikirisya Nyamuwanga.

Barumi 9:7

Jitari ati orwibhuro rwone rwa Bhurayimu nibho abhaana bhaaye bha echimari. Tari Nyamuwanga ꞉aaragire Bhurayimu ati, “Okutura ku‑Isaaka uribhona orwibhuro runu ruritogwa ati ni rwawo.”

Bafilipi 1:11

Obhurame bhwemwe bhuriijura emisango ja rirenga jinu ejibhonekana ku‑njira ya Yeesu Kirisito. Ejo joone jirikumya Nyamuwanga na okumukusya.