Ruuka 3:7 - Indagano Inyaaya mu-Chijita

⁷ Yowana aabhwiraga abhaanu bhanu bhaamujaaga‑ko abhabhatiije, ˆnaayikaga ati, “Emwe orwibhuro rwa jinjoka! Niga unu ꞉aabhabhwiriiye ati, omutura okwikenga indamu ya Nyamuwanga inu iriija, kwa okubhatiijibhwa era?

INDAGANO INYA:YA

⁷ Mbe nabwira ebise binu byaurukaga nibi:ja okubatijibwa ati, Emwe aba:na ba ji:miri, ?Niga unu abakabusisye okwiruka risungu rinu eryenda oku:ja?

Ruuka 3:7 ပူးပေါင်းရင်းမြစ်များ

Matayo 12:34

Emwe orwibhuro rwa jinjoka! Omutura kutiki okwayika emisango ja ekisi keenu muri bhabhiibhi? Omuunu kaayika jinu jiijuuye mu‑mwoyo gwaye.

Matayo 23:33

Emwe muri njoka na muri rwibhuro rwa jinjoka! Muriiruka kutiki indamu ya Nyamuwanga ya okweswa mu‑muriro gwa akajaanende koone?

Matayo 3:6

Abhaanu abho, bhaariga nibhegamba ebhibhiibhi bhyebhwe na omwene ˆnaabhabhatiija mu‑musima gwa Yorodaani.

Yowana 8:44

Emwe muri bhaanu bha Syetaani, oyo niwe esomwana! Niyo isonga omwenda okukora jinu esomwana keegomba. Syetaani ni mwiti okusookerera ku‑bhwambiro. Atakwenda echimari kata, kwa okubha echimari echo, chitari‑mo mu‑mwoyo gwaye. Omwene ni mubheeyi, na akatungiiywe kaaye ni kubheeya, ka wone niwe esemwene orubheeyi.

Ebikorwa 13:10

ˆnaamubhwira ati, “Awe omwana wa Syetaani! Awe uri omusoko wa eja ekisi joone jinu jiri imbere ya Nyamuwanga! Wijuuye orubheeyi era, awe utakwendaga okurora omusango gwa rirenga! Utakusiga okuyindura emisango ja echimari ja Raatabhugenyi okubha ja orubheeyi?

1 Batesalonika 1:10

Wone abhatonda kutyo omurindirira Omwana waaye, asubhe rindi okusooka mu‑rwire. Oyo niwe Nyamuwanga ꞉aasuuruuye okusooka mu‑bhafuuwe. Niwe Yeesu unu kaachichungura okusooka mu‑ndamu ya Nyamuwanga inu eyiija.

Baeburania 6:18

Mbe, emisango jibhiri jinu nijo Nyamuwanga ꞉aakorere, okuraga na okurayira. Nyamuwanga atarijiyindura wuri noorwo na akatyari, kwa okubha omwene atari mubheeyi. ꞉Aakorere emisango ebhiri ejo, korereki achisimbiisye eswe bhanu chiirukiiye ku‑mwene, chibhe na obhwiyikanyo ku‑misango jinu ejiija.

1 Yoana 3:8

Nawe, omuunu woonewoone unu kaagenderera okukora ebhibhiibhi, ni muunu wa Syetaani. Okubha Syetaani agendereeye okukora ebhibhiibhi okusookerera ku‑bhwambiro. Niyo isonga Omwana wa Nyamuwanga ꞉eejire ku‑chaaro anu, korereki anyamure bhuri murimu gwa Syetaani.