Ruuka 24:44 - Indagano Inyaaya mu-Chijita

⁴⁴ Ejire aamara okurya, ˆnaabhabhwira ati, “Emisango jinu nijo ꞉naabhabhwiriiye omwanya gunu naariga niri aamwi na emwe. ꞉Naabhabhwiriiye ati, ni bhusibhusi jikuumire joone jinu jikaamirwe inguru yaani mu‑bhiraagiro bhya Muusa, ku‑bharagi na mu‑Jabhuri.”

INDAGANO INYA:YA

⁴⁴ Nababwira ati, Jinu nijo emisango jani jinu nababwiriye nicari nemwe, kutyo kwiire jiku:mire jo:ne jinu nandikiywe anye mu biragiro bya Musa, na mu baragi, na mu Jaburi.

Ruuka 24:44 ပူးပေါင်းရင်းမြစ်များ

Matayo 1:22

Ejo joone ꞉jaakorekeene kutyo, korereki gukuumire omusango gunu Raatabhugenyi ꞉aayikire okutura ku‑muragi waaye ati,

Matayo 16:21

Okusookerera omwanya ogwo, Yeesu ˆnaamba okubhwira abheeyigisibhwa bhaaye abhwerubhweru ati ni bhusibhusi agende Yerusareemu na okunyaasibhwa muno. ꞉Aabhabhwiriiye ati abhakuru bha Abhayawudi, abhakuru bha abhagabhisi na abheeyigisya bha ebhiraagiro bhya Muusa, bharimunyaasya okukingira okwitwa. Nawe ku‑rusuku rwa kasatu, arisuuruka.

Matayo 26:54

Angu, araabha nikakora kutyo, mbe ejitura kutiki okukuumira jinu jikaamirwe mu‑Bhikaame Ebhyeru ati, nikwo kutyo ejikenwa jikorekane?”

Matayo 26:56

Nawe jinu joone jaakorekana, korereki jikuumire jinu abharagi ꞉bhaakaamire mu‑Bhikaame Ebhyeru.” Mbe, abheeyigisibhwa bhaaye bhoone nibheeruka, nibhasiga Yeesu omwene.

Mariko 9:31

kwa okubha aariga ˆneeyigisya abheeyigisibhwa bhaaye. ˆNaabhabhwira ati, “Anye Omwana wa Omuunu, nirituurwa mu‑mabhoko ga abhaanu na bhariinyita. Nawe ku‑rusuku rwa kasatu okusookerera okufwa kwani, Nyamuwanga arinsuurura.”

Ruuka 21:22

Jiribha kutyo, kwa okubha, jisiku ejo nijo jisiku ja Nyamuwanga ja okusubhya orusiima, korereki emisango joone jinu ꞉jaakaamirwe na abharagi bha kara jikuumire.

Ruuka 22:37

Okubha jikaamirwe ati, ‘꞉Aabhariiywe aamwi na abhakosi bha ebhibhiibhi.’ Emisango ejo, ꞉jaakaamirwe inguru yaani. Emisango jinu ꞉naakaamiiywe ni bhusibhusi jikuumire.”

Ruuka 24:46

Ka wone ˆnaabhabhwira ati, “Jikaamirwe ati, Kirisito arinyaasibhwa na okwitwa na ku‑rusuku rwa kasatu arisuuruka okusooka mu‑bhafuuwe.

Ruuka 9:22

ˆNaabhabhwira ati, “Jeenderwe anye Omwana wa Omuunu, ninyaasibhwe muno, niremwe na abhakuru bha Abhayawudi, abhakuru bha abhagabhisi, na abheeyigisya bha ebhiraagiro bhya Muusa, okukingira okwitwa. Nawe ku‑rusuku rwa kasatu, nirisuuruka.”

Ruuka 9:44

“Woori, emisango jinu enija okubhabhwira, mujitegeresye kisi. Anye Omwana wa Omuunu, nirituurwa mu‑mabhoko ga abhaanu.”

Yowana 3:14

“Omwanya gunu Abhayisirayeeri bhaariga bhari mw‑ibhara, Muusa ꞉aakonjere risusano rya injoka ya isyabha na okurisunga kw‑iti, korereki bhawone. Nyabhuriko na anye Omwana wa Omuunu niryendwa okusungwa,

Yowana 5:39

“Omwikomeesya okuyenjeresya mu‑Bhikaame Ebhyeru, kwa okubha omwitogera ati omutura okubhona‑mo obhuwanga bhwa kajaanende koone. Mbe woori, Ebhikaame ebhyo nibhyo ebhimbambaarira anye!

Yowana 5:46

Araabha chimari mukeekirisiisye emisango ja Muusa, mbe anye wone mwakanyiikirisiisye, kwa okubha Muusa ꞉aakaamire emisango inguru yaani.

Ebikorwa 13:33

aajikuumisya kw‑iswe abhaana bheebhwe, kwa okusuurura Yeesu. Nikwo kutyo jikaamirwe mu‑Jabhuri ya kabhiri ati, ‘Awe naawe Omwana waani, reero eniraasya ati anye niri Somwana.’

Ebikorwa 13:40

Kurwa ejo mwiyangarire kisi korereki mwasiga okugwatwa na emisango jinu ꞉jaakaamirwe mu‑bhitabho bhya abharagi ati,

Ebikorwa 2:27

kwa okubha utarinsiga nyombe. Ka wone utariikirisya ati, omubhiri gwani gubhorere eyo, anye Omweru waawo.

Ebikorwa 3:18

Nawe, ꞉jaakorekeene kutyo korereki Nyamuwanga akuumisye emisango jinu ꞉aaragire okutura ku‑bharagi bhoone ati, Kirisito waaye arinyaasibhwa.

Ebikorwa 7:37

Muusa niwe uryaurya ꞉aabhwiriiye Abhayisirayeeri abho ati, ‘Okusooka mu‑bhayiri bheemwe Nyamuwanga aribheenamusisya omuragi rwa anye.’

Baeburania 10:1

Mbe, ebhiraagiro bhya Muusa ni chijekekanyo era cha emisango ja ekisi jinu ejiija, nawe ebhyene bhitari emisango ejo ejeene. Kurwa ejo ebhyogo bhinu abhaanu abhasoosya bhuri muguuga okuruubhana na ebhiraagiro ebhyo, bhitakutura wuri noorwo na akatyari okwesya abhaanu bhanu abharamya Nyamuwanga.

Baeburania 3:5

Muusa aariga ari mukosi omwiyikanyibhwa ku‑bhaanu bhoone bha mu‑nju ya Nyamuwanga. Omurimu gwaye gwariga guri chijekekanyo cha emisango jinu Nyamuwanga akasweruriiye abhaanu mu‑siku ja imbere eyo.

Baeburania 7:1

Meerikijedeki oyo aariga ari mukama wa omusi gwa Sareemu. Ka wone aariga ari mugabhisi wa Nyamuwanga unu ari Inguru ya Bhyone. Meerikijedeki ꞉aabhugeene na Bhurayimu omwanya gunu Bhurayimu aariga ˆnaasubha okusooka mw‑iremo. Bhurayimu aariga arwanire na abhakama bhana na okubhayiga. Niwo Meerikijedeki ˆnaamusabhirwa amabhando.

Baeburania 9:8

Okuruubhana na emisango ejo joone, Mwoyo Mweru kaacheeresya ati injira ya okwingira Ayeeru a Ayeeru yaariga ichaari okwigurwa ku‑bhaanu abhandi, omwanya gunu riyeema rya okwamba na obhutinge bhwaryo bhwariga bhuchaari‑wo.

1 Petero 1:11

Mwoyo wa Kirisito unu aariga ari mu‑myoyo jeebhwe, ꞉aasoosiisye obhuragi ati Kirisito arinyaaka na akasooka mu‑nyaako ejo, aribhona rikusyo. Abharagi abho, ꞉bhaayenjeresiisye muno okumenya ati, emisango ejo, jirikorekana rusuku ri na jirimubhona kutiki.

Obhusweruro 19:10

Niwo ningwa bhwifumbike ku‑maguru ga maraayika oyo, korereki nimuramye. Nawe omwene, ˆnaambwira ati, “Siga okukora kutyo! Anye niri omukosi weejaanyu aamwi na abhayiri bhaanyu mu‑riikirisya, bhanu abhasoosya obhubhambaasi bhwa emisango ja Yeesu. Ramya Nyamuwanga omwene era! Okubha okusoosya obhubhambaasi bhwa emisango ja Yeesu nibhwo obhwambiro bhwa obhuragi.”