Ruuka 24:27 - Indagano Inyaaya mu-Chijita

²⁷ Niwo, Yeesu ˆnaabhatondera emisango joone jinu jikaamirwe inguru yaaye, okwambira mu‑bhikaame bhya Muusa okukingira mu‑bhikaame bhya abharagi bhoone.

INDAGANO INYA:YA

²⁷ Nambira ku Musa na ku baragi bo:ne, nabatondera jo:ne jinu ariga andikiywe omwene mu binu byandikirwe byone.

Ruuka 24:27 ပူးပေါင်းရင်းမြစ်များ

Ruuka 24:44

Ejire aamara okurya, ˆnaabhabhwira ati, “Emisango jinu nijo ꞉naabhabhwiriiye omwanya gunu naariga niri aamwi na emwe. ꞉Naabhabhwiriiye ati, ni bhusibhusi jikuumire joone jinu jikaamirwe inguru yaani mu‑bhiraagiro bhya Muusa, ku‑bharagi na mu‑Jabhuri.”

Ebikorwa 10:43

Yeesu oyo, abharagi bhoone ꞉bhaayikire inguru yaaye ati, omuunu woonewoone unu arimwikirisya arifwirwa echigongo ebhibhiibhi bhyaye ku‑njira ya risiina ryaye.”

Yowana 5:39

“Omwikomeesya okuyenjeresya mu‑Bhikaame Ebhyeru, kwa okubha omwitogera ati omutura okubhona‑mo obhuwanga bhwa kajaanende koone. Mbe woori, Ebhikaame ebhyo nibhyo ebhimbambaarira anye!

Yowana 1:45

Mbe, Firipo ˆnaabhona Natanayeri, ˆnaamubhwira ati, “Eswe chaarora omuunu unu Muusa ꞉aakaamire emisango jaaye mu‑chitabho cha ebhiraagiro. Abharagi wone ꞉bhaakaamire emisango inguru ya omuunu oyo. Risiina ryaye ni Yeesu wa Najareeti, omwana wa Jejefu.”

Ruuka 24:25

Yeesu ˆnaabhabhwira ati, “Abhataamutaamu emwe! Kurwa ki emyoyo jeemwe ni mikomeeye okwikirisya emisango jinu ꞉jaayikirwe na abharagi?

Ebikorwa 7:37

Muusa niwe uryaurya ꞉aabhwiriiye Abhayisirayeeri abho ati, ‘Okusooka mu‑bhayiri bheemwe Nyamuwanga aribheenamusisya omuragi rwa anye.’

Ebikorwa 3:24

Abharagi bhoone, okwambira ku‑Samweri na abharagi bhanu ꞉bhaaruubhire, ꞉bhaaraasiisye emisango jinu ejikorekana siku jinu.

Ebikorwa 3:22

“Omuragi Muusa ꞉aayikire ati, ‘Okusooka mu‑bhayiri bheemwe, Raatabhugenyi Nyamuwanga weemwe aribheenamusisya omuragi rwa anye. Mutegeresye kisi bhuri omusango gunu aribhabhwira.

Obhusweruro 19:10

Niwo ningwa bhwifumbike ku‑maguru ga maraayika oyo, korereki nimuramye. Nawe omwene, ˆnaambwira ati, “Siga okukora kutyo! Anye niri omukosi weejaanyu aamwi na abhayiri bhaanyu mu‑riikirisya, bhanu abhasoosya obhubhambaasi bhwa emisango ja Yeesu. Ramya Nyamuwanga omwene era! Okubha okusoosya obhubhambaasi bhwa emisango ja Yeesu nibhwo obhwambiro bhwa obhuragi.”

Mariko 4:34

Gutari‑wo gwonegwone gunu ꞉eeyigisiisye atasoosiisye echijekekanyo wuri. Nawe, omwanya gunu aasigaraga eenyere na abheeyigisibhwa bhaaye, aabhasombooreraga joone.

Yowana 5:37

Noorwo Raata omwene unu ꞉aantumire, niwe aasoosya kw‑imwe obhubhambaasi inguru yaani. Emwe muchaariga okuungwa obhuraka bhwaye, noorwo okurora orususo rwaye kutyo ruri.

Yowana 12:41

Iisaya ꞉aayikire emisango ejo inguru ya Yeesu, kwa okubha ꞉aarorere rikusyo ryaye.

Ebikorwa 3:18

Nawe, ꞉jaakorekeene kutyo korereki Nyamuwanga akuumisye emisango jinu ꞉aaragire okutura ku‑bharagi bhoone ati, Kirisito waaye arinyaasibhwa.

Ebikorwa 8:35

Firipo ˆnaamba na emisango ejo ja Ebhikaame Ebhyeru, ˆnaamubhwiraga Emisango ja Ekisi inguru ya Yeesu.