Ruuka 23:4 - Indagano Inyaaya mu-Chijita

⁴ Piraato ˆnaabhwira abhakuru bha abhagabhisi na echise cha abhaanu bhoone bhanu bhaariga bhari‑wo ati, “Nitakurora echikayo choonechoone ku‑muunu unu.”

INDAGANO INYA:YA

⁴ Pilato nabwira abagabisi abakuru ne bise ati, Nitakubona cikayo ku mu:nu unu.

Ruuka 23:4 ပူးပေါင်းရင်းမြစ်များ

Matayo 27:19

Bhunu Piraato aariga eenyanjire ku‑chitebhe chaaye cha indamu, omugasi waaye ˆnaamutumira omusango ati, “Waasiga okukorera omuunu oyo echibhiibhi choonechoone kwa okubha atari na echikayo. Naanyaaka muno mu‑ngeta mu‑chirooto inguru yaaye.”

Mariko 15:14

Piraato ˆnaabhabhuusya rindi ati, “Akorere chikayo ki?” Nawe abheene nibhoongesya okumwaya, nibhaayikaga ati, “Mubhumiirire ku‑musarabha!”

Ruuka 23:22

Piraato ˆnaayika nabho rwa kasatu ati, “Omuunu unu akorere echikayo ki? Mbawo nitakurora echikayo choonechoone cha okureterera eetwe! Kurwa ejo, enija okumuyaana ebhitiibha era, nikamara enimutaatira.”

Yowana 18:38

Piraato ˆnaamubhuusya ati, “Echimari niki?” Piraato ejire aayika ejo, ˆnaawuruka anja rindi, ˆnaabhwira abhatangasya bha Abhayawudi ati, “Anye nitaarora echikayo choonechoone cha okusitaakira omuunu unu.

Ebikorwa 25:25

“Nawe anye ꞉naarorere ati, atakorere choonechoone cha okwiya indamu ya orufu. ˆNaasabhwa ati Kayisaari niwe ategeresye echiina chaaye, kurwa ejo nindamura okumusira eyo.

Ebikorwa 3:13

Woori Nyamuwanga wa Bhurayimu, Isaaka na Yakobho, niwe Nyamuwanga wa bhasaaja weeswe, aakusya omukosi waaye Yeesu. Yeesu oyo niwe unu emwe ꞉mwateeye mu‑mabhoko ga abhatungi na okumwigaana imbere ya Piraato! Noorwo kutyo Piraato ꞉eendere okumutaatira, emwe ꞉mwaremere.

Baeburania 7:26

Omugabhisi Omukuru wa imbaga eyo keendwa muno kw‑iswe, kwa okubha omwene ni Mweru, atari na esoro, noorwo ꞉ataakorere echibhiibhi choonechoone. Nyamuwanga ꞉aamukindikire okusooka ku‑bhakosi bha ebhibhiibhi, ˆnaamwinamusya okuja mu‑rwire.

1 Petero 1:19

Tari, ꞉mweruuywe kwa isagama ya obhurambu obhunene ya Kirisito. Omwene aariga ari rwa omwana wa inaama unu atari‑ko esoro noorwo ekoomo.

1 Petero 2:22

Omwene ꞉ataakorere echibhiibhi choonechoone, noorwo ꞉ataayikire orubheeyi rwonerwone.

1 Petero 3:18

Kirisito omwene ꞉aanyaakire rumwi era inguru ya ebhibhiibhi bhya abhaanu bhanu bhatari bha rirenga, korereki achigwatanye na Nyamuwanga. Nawe omwene aariga ari murengeresi. ꞉Eetirwe echinyamubhiri, nawe ˆnaakorwa omuwanga ku‑bhuturo bhwa Mwoyo Mweru.