Ruuka 22:20 - Indagano Inyaaya mu-Chijita

²⁰ Nyabhuriko, bhejire bhaamara okurya ebhiryo, ˆnaagega omutawo gunu gwariga guri‑mo echifuufu, ˆnaayika ati, “Echifuufu chinu mu‑mutawo munu echimereegururu indagano inyaaya inu Nyamuwanga arikora okutura isagama yaani. Isagama yaani iriitika inguru yeemwe.]

INDAGANO INYA:YA

²⁰ Wejire bamara okurya, nagega ne cikombe one, na:ika ati, Ecikombe cinu niyo indagano inya:ya mu manyinga gani, ganu ge:tika kurwemwe.

Ruuka 22:20 ပူးပေါင်းရင်းမြစ်များ

Matayo 26:28

Echifuufu echo, niyo isagama yaani ya indagano. Isagama yaani iriitika inguru ya abhaanu bhaafu, korereki Nyamuwanga abhafwire echigongo ebhibhiibhi bhyebhwe.

Mariko 14:24

ˆNaabhabhwira ati, “Echifuufu echo, niyo isagama yaani ya indagano. Isagama yaani iriitika inguru ya abhaanu bhaafu.

1 Bakorinto 11:25

Nyabhuriko, bhejire bhaamara okurya, ˆnaagega omutawo gunu gwariga guri‑mo echifuufu, ˆnaayika ati, “Echifuufu chinu mu‑mutawo munu echimereegururu indagano inyaaya inu Nyamuwanga arikora okutura isagama yaani. Bhuri mwanya gunu muranywerega mu‑mutawo ogwo, mubhega nimukora kutyo, mu‑kunyichuka!”

2 Bakorinto 3:6

Omwene niwe ꞉aachiyaaye obhuturo bhwa okubha abhakosi bha indagano inyaaya. Indagano eyo itakusookana na ebhiraagiro bhinu ꞉bhyakaamirwe, tari eyisooka ku‑Mwoyo Mweru, kwa okubha ebhiraagiro ebhireeta orufu, nawe Mwoyo Mweru kaareeta obhuwanga.

Baeburania 12:24

Emwe mwakingire ku‑Yeesu, unu kaagwatanya abhaanu na Nyamuwanga mu‑ndagano inyaaya. Ka wone mwakingire ku‑sagama yaaye inu ꞉yeetikire ku‑musarabha inguru ya okusoosya‑wo ebhibhiibhi bhyeswe. Isagama eyo itakutonga okusubhya orusiima rwa isagama ya Abheeri.

Baeburania 13:20

Nyamuwanga omwene, niwe kaachiyaana omurembe. ꞉Aasuuruuye Raatabhugenyi weeswe Yeesu, unu ari Mureefi Omukuru wa jinaama, kwa okubha ꞉eetire isagama yaaye inu eyeeresya chimari indagano ya kajaanende koone.

Baeburania 9:15

Ku‑songa eyo, Kirisito niwe kaagwatanya abhaanu na Nyamuwanga mu‑ndagano inyaaya, korereki abhaanu bhanu Nyamuwanga aawuuwe, bhabhone obhuwanga bhwa kajaanende koone bhunu ꞉aaragire okubhayaana. Ejo ejitura okukorekana kutyo kwa okubha Kirisito ꞉aafuuwe korereki eerure abhaanu okusooka mu‑bhibhiibhi bhinu bhaariga nibhakora omwanya gwa indagano ya kara.

Baeburania 9:17

Jinu akaamire jitakubha na amanaga noorwo na akatyari araabha achaaramire. Nawe aakafwa, ejibha na amanaga.