Ruuka 22:2 - Indagano Inyaaya mu-Chijita

² Abhakuru bha abhagabhisi na abheeyigisya bha ebhiraagiro bhya Muusa, bhaariga nibhayenja injira ya okwita Yeesu. Nawe, ꞉bhoobhayire abhaanu bhaasiga okukora injogere.

INDAGANO INYA:YA

² Abagabisi abakuru na bandiki nibayenja injira yo kumwita, okuba bariga nibo:baya aba:nu.

Ruuka 22:2 ပူးပေါင်းရင်းမြစ်များ

Matayo 12:14

Mbe, Abhafarisaayo nibhawuruka, nibharoma kutyo bhareete Yeesu.

Matayo 21:38

Nawe abharimi bharya bhejire bhaarora omwana waaye, nibhaayikana ati, ‘Unu niwe aryanjura ebhiinu bhya esemwene. Chimwite korereki eswe neeswe chigege omwandu gwaye.’

Matayo 26:2

“Rwa kutyo mumenyere, jikatura siku ebhiri, echija okubha na ichikukuru ya Okwambuka. Ku‑rusuku orwo, anye Omwana wa Omuunu, nirituurwa mu‑mabhoko ga abhasoko, korereki nibhambwe ku‑musarabha.”

Mariko 14:1

Jaariga jisigaaye‑wo siku ebhiri, okubha ichikukuru ya Okwambuka na ichikukuru ya emikaate jinu jitakutuurwa‑mo echifwimbya. Abhakuru bha abhagabhisi na abheeyigisya bha ebhiraagiro bhya Muusa bhaariga nibhayenja injira ya okugwata Yeesu bhurigerige, korereki bhamuramure na okumwita.

Ruuka 20:19

Abheeyigisya bha ebhiraagiro bhya Muusa na abhakuru bha abhagabhisi, nibhasombookerwa ati, echijekekanyo echo echaayikira abheene. Kurwa ejo nibheenda okumugwata awoawo, nawe nibhoobhaya abhaanu.

Yowana 11:57

Abhakuru bha abhagabhisi na Abhafarisaayo bhaariga bharagiriiye ati, omuunu woonewoone unu amenyere anu Yeesu ari, abhabhwire korereki bhamugwate.

Ebikorwa 4:27

“Okubha ni chimari ati mu‑musi gunu Yeroode Atipaasi na Pootiyo Piraato ꞉bhaabhugeene aamwi na abhaanu bhanu bhatari Bhayawudi na Abhayisirayeeri, korereki bhareme Yeesu, omukosi waawo omweru unu ꞉waasorere abhe Kirisito.