Ruuka 20:23 - Indagano Inyaaya mu-Chijita

²³ Nawe, Yeesu ˆnaasombookerwa obhurigerige bhwebhwe, ˆnaabhabhwira ati,

INDAGANO INYA:YA

²³ Nawe omwene namenya oburigerige bwebwe, nababwira ati,

Ruuka 20:23 ပူးပေါင်းရင်းမြစ်များ

Matayo 16:1

Niwo Abhafarisaayo na Abhasadukaayo nibhaaja ku‑Yeesu okumuregeeja. Nibhamusabhwa akore echibharikisyo cha okweresya ati, asookere ku‑Nyamuwanga.

Matayo 22:18

Nawe Yeesu ꞉aamenyere obhukarariiye bhwebhwe obhubhiibhi, ˆnaabhasubhya ati, “Emwe abheerimaanya, kurwa ki omwenda okunteganya?

Ruuka 20:20

Kurwa ejo, abhakuru abho, bhaariga nibheetegaanira okugwata Yeesu. Mbe, nibhatuma abhatatirisya bhagende bhamubhuusye amabhuusyo. Abhatatirisya abho, nibheekora wuti ni bhaanu bharengeresi. Nawe, bhaariga nibhayenja injira ya okugwata Yeesu ku‑misango jaaye, korereki bhagende okumusitaaka ku‑mutungi wa Echiruumi.

Ruuka 20:22

Angu, ebhiraagiro bhya Muusa ebhichiikirisisya okutobha rigooti ku‑Kayisaari, amwi wuri?”

Ruuka 20:24

“Munyeresye idinaari. Orususo runu na risiina rinu ni bhyaga?” Abheene nibhamusubhya ati, “Ni bhya Kayisaari.”

Ruuka 5:22

Yeesu ˆnaamenya emisango jinu bhaariga nibheeganirisya mu‑myoyo jeebhwe, ˆnaabhabhuusya ati, “Ni kurwa ki omwiganirisya kutyo mu‑myoyo jeemwe?

Ruuka 6:8

Nawe, Yeesu ˆnaasombookerwa jinu bhaariga nibheeganirisya. Kurwa ejo, Yeesu ˆnaabhwira omuunu unu aariga afuuwe okubhoko ati, “Iija, wimereeguru agatigati anu.” Omuunu oyo ˆnaagenda, ˆneemereeguru.

Ebikorwa 13:10

ˆnaamubhwira ati, “Awe omwana wa Syetaani! Awe uri omusoko wa eja ekisi joone jinu jiri imbere ya Nyamuwanga! Wijuuye orubheeyi era, awe utakwendaga okurora omusango gwa rirenga! Utakusiga okuyindura emisango ja echimari ja Raatabhugenyi okubha ja orubheeyi?

1 Bakorinto 10:9

Ka wone, chisige okuregeeja Raatabhugenyi, rwa kutyo abhandi mu‑bheene ꞉bhaamuregeejere, nibharumwa na jinjoka, nibhafwa.

1 Bakorinto 3:19

Akore kutyo, kwa okubha obhwengeeso bhwa echaaro chinu, ni bhumuumu imbere ya Nyamuwanga. Jiri rwa kutyo jikaamirwe mu‑Bhikaame Ebhyeru ati, “Nyamuwanga kaakoma abha obhwengeeso mu‑bhurigerige bhwebhwe.”

Baefeso 4:14

Mbe, chitaribha rindi rwa abhaana abharera, nichiyeemusibhwa na okugegwa enu na eyi na omuyaga gwa ameeyigisyo ga orubheeyi. Ameeyigisyo ago, ageeyigisibhwa mu‑bhurigerige na obhwengeeso bhwa abhaanu, bhanu abheetemeeka ja orubheeyi.

Baeburania 4:13

Chitari‑wo echibhumbwa choonechoone chinu chiiyibhisire imbere ya Nyamuwanga. Ebhiinu bhyone bhiri abhweru imbere yaaye, na ku‑mwene chiryendwa okweresya ebhikorwa bhyeswe bhyone.