Ruuka 20:16 - Indagano Inyaaya mu-Chijita

¹⁶ Ariija abhasingaarisye bhoone, aribha aamara ariweekesya risambu eryo ku‑bharimi abhandi!” Abhaanu bhanu ꞉bhoonguuwe emisango ejo, nibhaayika ati, “Wuri, ejo jaasiga okukorekana siku joone!”

INDAGANO INYA:YA

¹⁶ Ari:ja nabasimagisya abarimi abo, na risambu rye mijabibu aririyana bandi. Wejire bongwa ejo, niba:ika ati, Ago gabe kura!

Ruuka 20:16 ပူးပေါင်းရင်းမြစ်များ

Matayo 21:34

“Omwanya gwa okugesa gwejire gwakinga, omwene esambu oyo ˆnaatuma abhakosi bhaaye ku‑bharimi abho, korereki bhamugegere ribhaara ryaye rya amatwasyo.

Matayo 21:41

Nibhamusubhya ati, “Arisingaarisya kubhiibhi abhajabhi abho na risambu ryaye aririweekesya ku‑bharimi abhandi bhanu bharimuyaana ribhaara ryaye rya amatwasyo kwa omwanya.”

Matayo 22:7

Mbe, omukama ejire oongwa jinu jaakorekana ku‑bhakosi bhaaye, ˆnaabhiyirwa muno. ˆNaaragirira abhasirikare bhaaye bhagende okwita abheeti bharya na okwocha omusi gwebhwe.

Mariko 12:9

“Woori, omwene esambu oyo arikora kutiki? Ariija na okusingaarisya abharimi bharya, na risambu eryo, aririweekesya ku‑bharimi abhandi.

Ruuka 19:27

Woori, abhasoko bhaani bhanu bhaariga bhatakwenda anye nibhe omukama weebhwe, mubhareete imbere yaani anu, mubheete!’”

Ruuka 20:15

Mbe, nibhamusoosya mw‑isambu omwo, nibhamwita.” Neeya, Yeesu ˆnaabhabhuusya ati, “Woori, omwiganirisya ati, omwene esambu rya emijabhiibhu oyo, omwanya gunu ariija, arikorera ki abharimi abho?

Ebikorwa 13:46

Noorwo kutyo, Pawuro na Bharinaabha nibhabhasubhya kwa ribhaasi nibhaayikaga ati, “Jaariga jiiyire omusango gwa Nyamuwanga, guraasibhwe kw‑imwe, emwe Abhayawudi okwamba. Nawe kwa okubha mwagurema na okwiramura abheene ati muteeyire obhuwanga bhwa akajaanende, woori echibhasiga echigenda okuraasisya abhaanu bhanu bhatari Bhayawudi.

Barumi 11:1

Woori enibhuusya ati, angu, Nyamuwanga aremere abhaanu bhaaye? Wuri, noorwo na akatyari! Anye omwene niri Muyisirayeeri, okusooka mu‑rwibhuro rwa Bhurayimu, na okusooka mu‑ruganda rwa Bhenjamiini.

Barumi 11:11

Woori enibhuusya ati, angu, Abhayisirayeeri ꞉bheekuujuuwe korereki bhagwe na okusingaarika chimwi? Wuri, noorwo na akatyari! Tari, ni kusookana na echikayo cheebhwe, obhuchungusi bhwaja noorwo ku‑bhaanu bhanu bhatari Bhayisirayeeri. Ku‑njira eyo, Nyamuwanga ꞉eendere Abhayisirayeeri bhoongwe obhwiro bhwa okubhona obhuchungusi rwa kutyo abheene ꞉bhaabhubhwene.

Barumi 3:31

Angu woori, omwanya gunu echikomeeresya okwikirisya Yeesu, okwingana na okwayika ati ebhiraagiro bhya Muusa bhitari na omuriiro? Wuri, noorwo na akatyari! Nawe chikeekirisya Yeesu, niwo echibha chikuumisiisye joone jinu ebhiraagiro bhya Muusa bhiragiriiye.

Barumi 3:4

Wuri, noorwo na akatyari! Noorwo kutyo abhaanu bhoone ni bhabheeyi, Nyamuwanga keeresya ati kaakora chinu kaayika. Rwa kutyo Ebhikaame Ebhyeru ebhyayika inguru yaaye ati, “Waakabhuura abhaanu ku‑bhibhiibhi bhyebhwe, emisango jaawo ni ja echimari. Waakabharamura, indamu yaawo ni ya obhurengeresi.”

Barumi 3:6

Wuri, noorwo na akatyari! Jikabheeye jiri kutyo, Nyamuwanga akabheeye na obhurengeresi ki bhwa okuramura abhaanu bha ku‑chaaro?

Barumi 6:15

Woori chaayike ki? Angu, chigenderere okukora ebhibhiibhi, kwa okubha chitakutangasibhwa na obhuturo bhwa ebhiraagiro, tari echitangasibhwa na obhwitiriranya bhwa Nyamuwanga? Wuri, noorwo na akatyari!

Barumi 6:2

Wuri, noorwo na akatyari! Eswe chaabha rwa abhafuuwe ku‑misango ja okukora ebhibhiibhi. Kurwa ejo, chitakutura okugenderera okwikara rindi mu‑bhibhiibhi.

Barumi 7:13

Nawe araabha nikwo kutyo, angu, echiinu cha ekisi echo nicho ꞉chaandeetereeye orufu? Wuri, noorwo na akatyari! Echibhiibhi nicho ꞉chaandeetereeye orufu ku‑njira ya echiraagiro chinu chiri cha ekisi. Bhwariga bhuri bhutinge bhwa Nyamuwanga ati echiraagiro chibhe nicheeresya abhwerubhweru ati, echibhiibhi ni chiinu echibhiibhi muno.

Barumi 7:7

Woori chaayike ki? Chaayike ati, ebhiraagiro ni bhibhiibhi? Wuri, noorwo na akatyari! Nawe araabha ebhiraagiro bhitaakabheeye‑wo, nitaakamenyere ati ebhibhiibhi ni bhiinu ki. Araabha chitaakabheeye‑wo echiraagiro chinu echaayika ati, “Waasiga okurigira echiinu cha oweejaanyu,” nitaakamenyere ati okurigira echiinu cha omuunu owundi, ni kukora echibhiibhi.

Barumi 9:14

Woori chaayike ki? Chaayike ati Nyamuwanga atari murengeresi? Wuri, noorwo na akatyari!

1 Bakorinto 6:15

Mutakumenya ati emibhiri jeemwe, ni bhiwuga bhya omubhiri gwa Kirisito? Woori, nigege omubhiri gwani, gunu guri chiwuga cha omubhiri gwa Kirisito, na okugugwatanya na omubhiri gwa omugasi unu keegusya okwibhonera ribhona? Wuri, noorwo na akatyari!

Bagalatia 2:17

Eswe echiyenjeresya okubharwa ati chiri abharengeresi imbere ya Nyamuwanga mu‑kubha na obhumwi na Kirisito, nawe abhaanu abhandi abhaayika ati eswe wone chaabha abhakosi bha ebhibhiibhi. Angu, ni chimari ati Kirisito kaachikora okubha abhakosi bha ebhibhiibhi? Wuri, noorwo na akatyari!

Bagalatia 3:21

Woori angu, jitari ati ebhiraagiro ebhiyaajana na emirago jinu Nyamuwanga ꞉aaragire? Wuri, noorwo na akatyari! Araabha bhwakabheye‑wo obhuturo bhwa ebhiraagiro okuyaana abhaanu obhuwanga, mbe chaakaturire okubharwa ati chiri bharengeresi imbere ya Nyamuwanga kwa okuruubha ebhiraagiro.

Bagalatia 6:14

Nawe anye nitakwenda nibhe na omusango gwa okwikumangisya, tari musarabha gwa Raatabhugenyi weeswe Yeesu Kirisito. Okuruubhana na orufu rwaye, emisango joone ja echaaro chinu jitari na obhugajuro kw‑anye, na bhumuunu bhwani bhwa kara bhubhambirwe aamwi nage ku‑musarabha.