Ruuka 2:39 - Indagano Inyaaya mu-Chijita

³⁹ Mbe, Jejefu na Maryamu nibhamara okukora joone jinu ebhiraagiro bhya Raatabhugenyi bhyendaga. Nibhasubha ewaabho mu‑musi gwa Najareeti, mu‑mukoowa gwa Gariraaya.

INDAGANO INYA:YA

³⁹ Wejire bamara okuku:misya jo:ne jinu jiri mu biragiro bya Ratabugenyi, nibasuba Galilaya mu musi gwabo gwa Najareti.

Ruuka 2:39 ပူးပေါင်းရင်းမြစ်များ

Matayo 3:15

Yeesu ˆnaamusubhya ati, “Awe ikirisya era umbatiije woori, kwa okubha echikenwa okukuumisya obhurengeresi bhwone.” Mbe, Yowana ˆneekirisya, ˆnaamubhatiija.

Ruuka 1:26

Omwanya gunu inda ya Erijaabheeti ꞉yaakingisye ameesi gataanu na kumwi, Nyamuwanga ˆnaatuma maraayika Gaabhuryeri mu‑musi gumwi nigutogwa ati, Najareeti, mu‑mukoowa gwa Gariraaya.

Ruuka 1:6

Abhaanu bhanu ku‑bhubhiri bhwebhwe, bhaariga bhari bharengeresi mu‑meeso ga Nyamuwanga. Ka wone bhaariga nibhagayuka ebhiraagiro bhyone bhya Raatabhugenyi, nibhabhiruubhiriraga, okubhisiga wuri.

Ruuka 2:4

Jejefu wone, ˆneemuka okusooka mu‑musi gwa Najareeti mu‑mukoowa gwa Gariraaya, ˆnaariinya okuja mu‑musi gwa Bhetereyeemu mu‑mukoowa gwa Yuudeya. Bhetereyeemu nigwo gwariga guri musi gwa omukama Dawudi na Jejefu aariga ari wa mu‑ruganda rwaye.

Ruuka 2:51

Mbe, ˆnaasubha nabho Najareeti na aariga ˆnaabhagayuka. Joone jinu ꞉jaakorekeene, nyiramwene ˆnaajituura mu‑mutima gwaye ˆnaajiiganirisyaga.

Ruuka 4:16

Orusuku rumwi, Yeesu ˆnaagenda iika ewaabho Najareeti, enu ꞉aakuriiye. Orusuku rwa Isabhaato rwejire rwakinga, ˆneengira mu‑nju ya eriikofyanyo rwa kutyo aariga anarire. ˆNeemereeguru asome omusango gwa Nyamuwanga.

Ruuka 4:23

Yeesu ˆnaabhabhwira ati, “Nimenyere ati omuja okumbwira orugani runu, ‘Muragusi, woori wiragure awe omwene!’ Ka wone, ‘Ebhiruguusyo bhinu ꞉choonguuwe ati waariga nuubhikora Kaperinaawumu eyo, mbe woori nuubhikore na mu‑ruguuyo rwawo anu!’”