Ruuka 2:10 - Indagano Inyaaya mu-Chijita

¹⁰ Nawe, maraayika oyo ˆnaabhabhwira ati, “Musige okuubhaya! Niijire okubhareetera emisango ja ekisi, jinu jirikora abhaanu bhoone bhakonderwe muno.

INDAGANO INYA:YA

¹⁰ Maraika nababwira ati, Musige ku:baya, okuba rora, enibare:tera ebigambo byo bwana ebyo kukonderwa kwafu, kunu kuriba ku ba:nu bo:ne.

Ruuka 2:10 ပူးပေါင်းရင်းမြစ်များ

Matayo 14:27

Awoawo, Yeesu ˆnaabhabhwira ati, “Musiiriike, musige okuubhaya! Naanye.”

Matayo 28:18

Mbe, Yeesu ˆnaabhafogera‑ko, ˆnaabhabhwira ati, “Nyamuwanga anaaye obhuturo bhwone bhwa mu‑rwire na obhwa ku‑chaaro.

Matayo 28:5

Nawe maraayika oyo, ˆnaabhwira abhagasi bharya ati, “Musige okuubhaya! Enimenya ati mwijire okuyenja Yeesu unu ꞉bhaabhumiiriiye ku‑musarabha.

Mariko 1:15

Aaraasyaga, ˆnaayikaga ati, “Omwanya gunu ꞉gwaragirwe, gwakinga, obhukama bhwa Nyamuwanga bhuri yeeyi. Mbe, mute ebhibhiibhi bhyemwe ku‑Nyamuwanga na okwikirisya Emisango ja Ekisi ejo.”

Mariko 16:15

Niwo ˆnaabhabhwira ati, “Mugende mu‑chaaro choone, muraasisye abhaanu bhoone Emisango jaani ja Ekisi.

Ruuka 1:13

Nawe maraayika oyo, ˆnaamubhwira ati, “Awe Jaakariya, siga okuubhaya! Risabhwa ryawo ku‑Nyamuwanga inguru ya okubhona omwana, aryungwa. Woori omugasi waawo Erijaabheeti, kaja okukwibhurira omwana wa echirume. Risiina ryaye umutoge Yowana.

Ruuka 1:19

Maraayika oyo ˆnaamusubhya ati, “Anye, naanye Gaabhuryeri, unu enimereeguru imbere ya Nyamuwanga. Nyamuwanga aantuma kw‑awe, korereki niije okukubhwira emisango ja ekisi jinu.

Ruuka 1:30

Nawe maraayika oyo ˆnaamubhwira ati, “Awe Maryamu, siga okuubhaya, kwa okubha uyaaywe ribhando na Nyamuwanga.

Ruuka 2:11

Reero inu, mu‑musi gwa Dawudi, eebhurwa‑mo Omuchungusi weemwe. Omuchungusi oyo niwe Kirisito Raatabhugenyi.

Ruuka 24:47

Abhaanu bha amaanga goone okwambira Yerusareemu, bhariraasibhwa okuta na okufwirwa echigongo ebhibhiibhi bhyebhwe kwa risiina ryaye.

Ruuka 8:1

Ejo jejire jaawa, Yeesu ˆnaasooka‑wo ˆnaaturaga mu‑misi na mu‑nguuyo. Aariga ˆnaaraasisya abhaanu Emisango ja Ekisi ja obhukama bhwa Nyamuwanga bhuri rubhaara. Aariga ˆnaaruubhana na abheeyigisibhwa bhaaye ekumi na bhabhiri.

Ebikorwa 13:32

“Eswe echibharaasisya emwe Emisango ja Ekisi ati, jinu nijo Nyamuwanga ꞉aaragire bhasaaja weeswe,

Barumi 10:15

Ka wone, abhaanu abhatura kutiki okuja okuraasya emisango ejo araabha bhachaariga okutumwa? Rwa kutyo Ebhikaame Ebhyeru ebhyayika ati, “Okukinga kwa omuunu unu kaareeta Emisango ja Ekisi, kurikondisyaga abhaanu bhanu bharimutegeresya!”

Baefeso 3:8

Anye, niri mutooto okukira omutooto woonewoone ku‑bheeru bhoone bha Nyamuwanga. Noorwo kutyo, naanye ꞉naayaaywe obhwitiriranya bhwa okuraasisya abhaanu bhanu bhatari Bhayawudi obhuniibhi bhwa Kirisito bhunu bhutari na indengo.

Bakolosai 1:23

Nawe mwenderwe okugenderera okwikirisya Emisango ja Ekisi murumateene na okubha na amanaga. Mwasiga okwikirisya abhandi bhabhakongye okusiga obhwiyikanyo bhunu ꞉mwabhwene omwanya gunu ꞉mwoonguuwe Emisango ja Ekisi. Emisango ja Ekisi ejo, jiraasiibhwe ku‑bhaanu bhoone ku‑chaaro anu, anye Pawuro nibheeye omukosi waajo.