Ruuka 19:47 - Indagano Inyaaya mu-Chijita

⁴⁷ Bhuri rusuku, Yeesu aariga ˆneeyigisya abhaanu mu‑rubhuga rwa Riyekaru rya Nyamuwanga. Abhakuru bha abhagabhisi, aamwi na abheeyigisya bha ebhiraagiro bhya Muusa na abhakuru bha Abhayawudi bhaariga nibhayenja injira ya okumwita.

INDAGANO INYA:YA

⁴⁷ Mbe e:igisyaga mu yekaru kusiku, nawe abagabisi abakuru na bandiki na bakuru ba ba:nu nibayenja amenge go kumwita.

Ruuka 19:47 ပူးပေါင်းရင်းမြစ်များ

Matayo 21:23

Yeesu ˆneengira rindi mu‑rubhuga rwa Riyekaru rya Nyamuwanga. Omwanya gunu eeyigisyaga, niwo abhakuru bha abhagabhisi na abhakuru bha Abhayawudi nibhaaja okumubhuusya ati, “Jinu owukora, owujikora ku‑bhuturo ki? Niga unu akuyaaye obhuturo obhwo?”

Matayo 26:55

Niwo Yeesu ˆnaabhwira abhaanu bha echise echo ati, “Angu, mwaja na jimbanda na jindungu okungwata wuti anye niri musaakusi? Mbawo siku joone naariga niniiyigisya mu‑rubhuga rwa Riyekaru rya Nyamuwanga, nawe ꞉mutaangwatire!

Mariko 11:18

Abhakuru bha abhagabhisi, aamwi na abheeyigisya bha ebhiraagiro bhya Muusa bhejire bhoongwa ejo joone, nibhaamba okuyenja injira ya okumwita, kwa okubha bhaariga nibhamuubhaya, nibharoraga kutyo abhaanu bhoone bhaariga nibharuguusibhwa na ameeyigisyo gaaye.

Mariko 12:12

Abhakuru bha abhagabhisi, abheeyigisya bha ebhiraagiro bhya Muusa na abhakuru bha Abhayawudi nibhasombookerwa ati echijekekanyo chirya echaayikira abheene. Niwo nibheenda okumugwata, nawe nibhoobhaya echise cha abhaanu, nibhamusiga, nibhagenda.

Mariko 14:1

Jaariga jisigaaye‑wo siku ebhiri, okubha ichikukuru ya Okwambuka na ichikukuru ya emikaate jinu jitakutuurwa‑mo echifwimbya. Abhakuru bha abhagabhisi na abheeyigisya bha ebhiraagiro bhya Muusa bhaariga nibhayenja injira ya okugwata Yeesu bhurigerige, korereki bhamuramure na okumwita.

Mariko 14:49

Mbawo siku joone naariga niniiyigisya mu‑rubhuga rwa Riyekaru rya Nyamuwanga, nawe ꞉mutaangwatire! Nawe jinu joone jaakorekana, korereki jikuumire jinu ꞉jaakaamirwe mu‑Bhikaame Ebhyeru.”

Ruuka 19:48

Nawe ꞉bhataabhwene omwanya gwa okukora kutyo, kwa okubha abhaanu bhoone bhaariga nibhamuruubha okutegeresya muno emisango jaaye.

Ruuka 20:19

Abheeyigisya bha ebhiraagiro bhya Muusa na abhakuru bha abhagabhisi, nibhasombookerwa ati, echijekekanyo echo echaayikira abheene. Kurwa ejo nibheenda okumugwata awoawo, nawe nibhoobhaya abhaanu.

Yowana 10:39

Abhayawudi bhejire bhoongwa emisango ejo, nibheenda okumugwata rindi, nawe Yeesu ˆnaawugunyuka okusooka mu‑mabhoko geebhwe.

Yowana 18:20

Yeesu ˆnaamusubhya ati, “Naariga ninaayika na abhaanu bhoone abhwerubhweru. Omwanya gwone naariga niniiyigisya abhaanu mu‑nju ja ameekofyanyo geemwe na mu‑rubhuga rwa Riyekaru munu Abhayawudi bhaafu abheekumanya aamwi. ꞉Nitaayikire wuri musango gwonegwone mu‑bhumbise.

Yowana 7:19

Yeesu ˆnaagenderera okwayika ati, “Mumenyere ati, Muusa ꞉aabhayaaye ebhiraagiro bhya Nyamuwanga. Nawe atari‑wo omuunu noorwo umwi mw‑imwe unu kaagayuka ebhiraagiro ebhyo. Kurwa ki woori omwenda okunyita?”

Yowana 7:44

Abhaanu abharebhe nibheenda okumugwata, nawe ꞉ataabhee‑yo omuunu wa okumugwata.