Ruuka 18:9 - Indagano Inyaaya mu-Chijita

⁹ Ka wone, Yeesu ˆnaabhabhwira echijekekanyo echindi, inguru ya abhaanu bhanu abheerora ati, nibho abharengeresi imbere ya Nyamuwanga, keenu nibhagaya abhaanu abhandi. ˆNaayika ati,

INDAGANO INYA:YA

⁹ Bariga bario abandi banu be:ganirisyaga ati, ciri barenge:resi, nibagaya abandi bo:ne. Abo nababwira ecijekekanyo cinu ati,

Ruuka 18:9 ပူးပေါင်းရင်းမြစ်များ

Ruuka 10:29

Nawe, omwiyigisya oyo, eendaga okweresya ati omwene ni murengeresi imbere ya Nyamuwanga, nikwo okukora ꞉aabhuusiisye Yeesu ati, “Oweejaasu niga?”

Ruuka 15:2

Omusango ogwo nigukora Abhafarisaayo na abheeyigisya bha ebhiraagiro bhya Muusa bhajujuume ati, “Mbawo omuunu unu, kaakuma abhaanu abha ebhibhiibhi! Ka wone kaarya aamwi nabho!”

Ruuka 16:15

Kurwa ejo, Yeesu ˆnaabhabhwira ati, “Emwe, omwikora okubha abharengeresi imbere ya abhaanu. Nawe, Nyamuwanga amenyere emisango jinu jiri mu‑myoyo jeemwe. Okubha, emisango jinu abhaanu abharora ati ni ja kisi muno, ejo nijo ejifuruurusya Nyamuwanga muno!

Ruuka 18:11

“Bhejire bhaakinga, Omufarisaayo ˆneemereeguru eenyere ku‑mbari, ˆnaasabhwa ati, ‘Enikusiima Nyamuwanga, kwa okubha anye nitari owa ebhibhiibhi rwa abhaanu abhandi. Abhaanu abhandi ni bhasaakusi, abhajabhi, na abharomesi, noorwo nitari rwa omutobhesya wa rigooti oyo!

Ruuka 19:7

Abhaanu bhoone, bhejire bhaarora ejo, nibhaamba okujujuuma ati, “Mbawo aagenda okubha omugenyi wa omuunu owa ebhibhiibhi!”

Ruuka 7:39

Omufarisaayo oyo, ejire aarora ejo, ˆneeganirisya mu‑mwoyo gwaye ati, “Omuunu unu akabheeye ari muragi, akamenyere ati, omugasi unu kaamukuunʼya‑ko ni muunu wa mbaga ki. Akamenyere ati, omwene ni owa ebhibhiibhi!”

Yowana 8:48

Abhayawudi nibhabhuusya Yeesu ati, “Chitakwayika echimari ati, awe uri Musamaariya, ka wone uri na risambwa?”

Yowana 9:28

Mbe, abheene nibhamusiijaaka ati, “Awe naawe mwiyigisibhwa waaye! Nawe eswe chiri bheeyigisibhwa bha Muusa.

Yowana 9:34

Abheene nibhamusubhya ati, “Awe ꞉weebhuuywe uri owa ebhibhiibhi kata. Woori, uri na obhuturo ki bhwa okuchiiyigisya?” Mbe, nibhamubhirimya asooke mu‑nju ya eriikofyanyo.

Ebikorwa 22:21

Nawe Raatabhugenyi ˆnaansubhya ati, ‘Genda, kwa okubha enija okukutuma ugende mu‑bhyaro ebhindi bhya kura ku‑bhaanu bhanu bhatari Bhayawudi.’”

Barumi 10:3

Abheene ꞉bhataaruubhire injira inu Nyamuwanga kaabhara abhaanu okubha abharengeresi, kwa okubha ꞉bhataayisombookeeywe, ka wone ꞉bhaayenjere abheene injira ya okwibhonera obhurengeresi.

Barumi 14:10

Woori, awe naawe ga unu owuramura omwikirisya oweejaanyu? Awe wone, kurwa ki owugaya oweejaanyu? Eswe bhoone chiriimereeguru imbere ya echitebhe cha indamu cha Nyamuwanga, na ariramura bhuri umwi weeswe.

Barumi 14:3

Omuunu unu kaarya choonechoone chirya, aasiga okugaya owundi unu kaarya emikubhi era. Omuunu unu kaarya emikubhi era, wone aasiga okuramura owundi unu kaarya choonechoone chirya, kwa okubha Nyamuwanga aamukuma rwa kutyo ari.

Barumi 7:9

Ku‑mwanya gunu naariga nichaari kumenya echiraagiro echo, naariga niikaaye rwa kutyo naariga nineenda. Nawe omwanya gunu ꞉naamenyere echiraagiro, ebhibhiibhi nibhibha na amanaga muno, nibhindeetera orufu.