Ruuka 18:32 - Indagano Inyaaya mu-Chijita

³² Nirituurwa mu‑mabhoko ga abhaanu bhanu bhatari Bhayawudi. Abho, bharingaya, bharinfuma, bharinfubhurira amachwata.

INDAGANO INYA:YA

³² Okuba aritu:rwa ku Ba:maanga, najimibwa, nibamwimaturira, nibamufuburira amafwefu,

Ruuka 18:32 ပူးပေါင်းရင်းမြစ်များ

Matayo 16:21

Okusookerera omwanya ogwo, Yeesu ˆnaamba okubhwira abheeyigisibhwa bhaaye abhwerubhweru ati ni bhusibhusi agende Yerusareemu na okunyaasibhwa muno. ꞉Aabhabhwiriiye ati abhakuru bha Abhayawudi, abhakuru bha abhagabhisi na abheeyigisya bha ebhiraagiro bhya Muusa, bharimunyaasya okukingira okwitwa. Nawe ku‑rusuku rwa kasatu, arisuuruka.

Matayo 20:19

Ku‑bhuteero, bharintuura mu‑mabhoko ga abhaanu bhanu bhatari Bhayawudi, korereki bhansiijaake, bhambume na jijaridi, na okumbumiirira ku‑musarabha. Nawe ku‑rusuku rwa kasatu, Nyamuwanga arinsuurura.”

Matayo 22:6

Abhandi nibhagwata abhakosi bha omukama, nibhabhabhuma na okubheeta.

Matayo 26:67

Niwo, nibhaamba okufubhurira Yeesu amachwata mu‑bhusu, nibhamubhuma jinguumi. Abhandi nibhamubhaatuura amakoofi,

Matayo 27:2

Niwo nibhamubhoya, nibhagenda nage ku‑mutungi wa Echiruumi unu aariga ˆnaatogwa Piraato.

Mariko 14:65

Niwo abhandi nibhaamba okumufubhurira amachwata, okumufundikira ameeso na okumubhuma jinguumi, keenu nibhamubhwiraga ati, “Bharikisya niga unu aakubhuma!” Abhariisi bhanu bhaariga bhari arya, nibhamugega, nibhamubhuma.

Mariko 15:1

Mwejo yende‑ko katondo, ribharaja ryone, nikwo okwayika ati, abhakuru bha abhagabhisi aamwi na abhakuru bha Abhayawudi, na abheeyigisya bha ebhiraagiro bhya Muusa, nibheenyanja echinyanjo. Nibharamura okukora obhutinge korereki bharore kutyo Yeesu kaja okwitwa. Niwo nibhamubhoya, nibhamusira na okumutuura mu‑mabhoko ga Piraato, omutungi wa Echiruumi unu aariga ˆnaatangasya echaaro cha Yuudeya.

Ruuka 18:33

Ka wone, bharimbuma na jijaridi, na okunyita. Nawe, ku‑rusuku rwa kasatu, nirisuuruka.”

Ruuka 23:1

Niwo, abhakuru abho bhoone nibheemereeguru, nibhasira Yeesu ku‑Piraato.

Ruuka 23:11

Yeroode na abhasirikare bhaaye, nibhaamba okusiijaaka Yeesu, nibhamuseka, nibhamufwafya omwingiro gwa echikama. Neeya, Yeroode ˆnaasubhya Yeesu ku‑Piraato.

Ruuka 23:35

Abhaanu bhaariga bheemereeguuyu awo, nibharoraga jinu jaariga nijikorekana. Abhakuru bha Abhayawudi nibhamusiijaaka nibhaayikaga ati, “Mbawo aawonʼyaga abhandi! Mbe, woori eewonʼye omwene, araabha chimari niwe Kirisito omusorwa wa Nyamuwanga.”

Yowana 18:22

Yeesu ejire aayika kutyo, omusirikare umwi unu aariga eemereeguuyu ayeeyi nage ˆnaamubhaatuura rikoofi, ˆnaamubhuusya ati, “Nikwo kutyo owusubhya omugabhisi omukuru?”

Yowana 18:28

Mbe bhwejire bhwacha, abhatangasya bha Abhayawudi nibhagega Yeesu okusooka ku‑Kayaafa. Nibhagenda nage mw‑iyumba rya omutungi wa Echiruumi. Nawe abheene ꞉bhateengiiye‑mo, korereki bhaasiga okwijabhiyasya nibhataamibhwa okurya ebhiryo bhya ichikukuru ya Okwambuka.

Yowana 18:30

Abheene nibhamusubhya ati, “Araabha omuunu unu akabheeye atari na ebhikayo, ꞉chitaakamureetere kw‑awe.”

Yowana 18:32

Ejo ꞉jaakorekeene kutyo, korereki emisango jinu Yeesu ꞉aayikire jikuumire okweresya kutyo kaja okufwa.

Yowana 18:35

Piraato ˆnaamusubhya ati, “Angu, anye niri Muyawudi? Abhaanu bha riyanga ryawo aamwi na abhakuru bha abhagabhisi nibho bhaakureeta kw‑anye korereki nikuramure. Angu, ukorere chikayo ki?”

Ebikorwa 2:23

Ejire eeya Yeesu oyo, ˆnaatuurwa mu‑mabhoko geemwe, rwa kutyo Nyamuwanga ꞉aaramuuye okuruubhana na obhukarariiye bhwaye, okusookerera kara. Emwe nimumwita ku‑musarabha, okutura ku‑bhanyamanga.

Ebikorwa 3:13

Woori Nyamuwanga wa Bhurayimu, Isaaka na Yakobho, niwe Nyamuwanga wa bhasaaja weeswe, aakusya omukosi waaye Yeesu. Yeesu oyo niwe unu emwe ꞉mwateeye mu‑mabhoko ga abhatungi na okumwigaana imbere ya Piraato! Noorwo kutyo Piraato ꞉eendere okumutaatira, emwe ꞉mwaremere.