Ruuka 18:14 - Indagano Inyaaya mu-Chijita

¹⁴ Ka wone, Yeesu ˆnaagenderera okwayika ati, “Enibhabhwira ati, omutobhesya wa rigooti oyo, omwanya gunu ꞉eekire okusubha iika ewaaye, aariga aabharirwe okubha omurengeresi imbere ya Nyamuwanga. Nawe, oweejaabho urya ꞉ataafwiriiywe echigongo. ꞉Ataafwiriiye echigongo, isonga iri ati, omuunu woonewoone unu keeriinyagisya inguru, Nyamuwanga arimworomosya emwaro. Nawe omuunu woonewoone unu keekeeya, Nyamuwanga arimuriinyagisya inguru.”

INDAGANO INYA:YA

¹⁴ Enibabwira ati, Omu:nu uyo e:kire okusuba mu nyumba yae abariywe oburengeresi kukira wuriya, okuba omu:nu wo:ne unu ke:kusya arikeibwa, na unu ke:keya arikusibwa.

Ruuka 18:14 ပူးပေါင်းရင်းမြစ်များ

Matayo 23:12

Omuunu woonewoone unu keeriinyagisya inguru, Nyamuwanga arimworomosya emwaro. Nawe omuunu woonewoone unu keekeeya, Nyamuwanga arimuriinyagisya inguru.

Matayo 5:3

“Bhari na ribhando abha obhukene na Nyamuwanga, kwa okubha obhukama bhwa mu‑rwire ni bhwebhwe.

Ruuka 1:52

Asoosiisye abhatungi ku‑bhitebhe bhyebhwe bhya obhutungi, nawe abha obhurame bhwa emwaro, abhakusiisye.

Ruuka 10:29

Nawe, omwiyigisya oyo, eendaga okweresya ati omwene ni murengeresi imbere ya Nyamuwanga, nikwo okukora ꞉aabhuusiisye Yeesu ati, “Oweejaasu niga?”

Ruuka 14:11

Okubha, omuunu woonewoone unu keeriinyagisya inguru, Nyamuwanga arimworomosya emwaro. Nawe omuunu woonewoone unu keekeeya, Nyamuwanga arimuriinyagisya inguru.”

Ruuka 16:15

Kurwa ejo, Yeesu ˆnaabhabhwira ati, “Emwe, omwikora okubha abharengeresi imbere ya abhaanu. Nawe, Nyamuwanga amenyere emisango jinu jiri mu‑myoyo jeemwe. Okubha, emisango jinu abhaanu abharora ati ni ja kisi muno, ejo nijo ejifuruurusya Nyamuwanga muno!

Barumi 3:20

Emisango ejo jiri kutyo, kwa okubha atari‑wo omuunu woonewoone unu aribharwa okubha omurengeresi imbere ya Nyamuwanga kwa okuruubha ebhiraagiro bhya Muusa. Emirimu ja ebhiraagiro ebhyo, ni kumenyesya abhaanu bhoone inguru ya ebhibhiibhi bhyebhwe.

Barumi 4:5

Nawe omuunu unu atakwiyikanya ebhikorwa bhyaye, aakeekirisya Nyamuwanga unu kaabhara omuunu omujabhi okubha omuunu omurengeresi, oyo niwe Nyamuwanga kaabhara okubha omuunu omurengeresi okuruubhana na eriikirisya ryaye.

Barumi 5:1

Mbe, Nyamuwanga achibharire okubha abharengeresi imbere yaaye, okuruubhana na eriikirisya ryeswe. Kurwa ejo, chiri na omurembe na Nyamuwanga okutura ku‑Raatabhugenyi weeswe Yeesu Kirisito.

Barumi 8:33

Niga unu kaatura okubhuura abhasorwa bha Nyamuwanga? Atari‑wo, kwa okubha Nyamuwanga omwene niwe unu kaabhabhara okubha abharengeresi.

Bagalatia 2:16

Nawe eswe echimenya ati, omuunu atakutura okubharwa ati ni murengeresi imbere ya Nyamuwanga kwa okuruubha ebhiraagiro bhya Muusa, tari ni kwa okwikirisya Yeesu Kirisito omwene era. Nikwo kutyo eswe wone chiikirisiisye Kirisito Yeesu korereki chibharwe ati chiri abharengeresi imbere ya Nyamuwanga kwa okwikirisya Kirisito, kutari kwa okuruubha ebhiraagiro bhya Muusa. Chimari atari‑wo omuunu unu kaatura okubharwa ati ni murengeresi imbere ya Nyamuwanga kwa okuruubha ebhiraagiro bhya Muusa.

Yakobo 4:10

Mwikeeyega mu‑meeso ga Raatabhugenyi, omwene aribhakusya.

Yakobo 4:6

Nawe Nyamuwanga kaachiyaana obhwitiriranya bhwafu, nikwo okukora jikaamirwe mu‑Bhikaame Ebhyeru ati, “Nyamuwanga kaayaajana na abha echigundu, tari bhanu abheekeeya, kaabhayaana obhwitiriranya.”