Ruuka 18:13 - Indagano Inyaaya mu-Chijita

¹³ “Nawe, omutobhesya wa rigooti oyo, omwene aariga eemereeguru kura, ꞉ateendere noorwo okuringira inguru ku‑rwire, tari eekunuunaga mu‑chifubha chaaye kwa obhusurumbaaye, ˆnaayikaga ati, ‘Nyamuwanga, nuunfwire echigongo, anye owa ebhibhiibhi!’”

INDAGANO INYA:YA

¹³ Nawe omutobesya nemereguru kura, narema no kwesya ame:so gae ku rwire, nawe ne:buma mu cifuba, na:ika ati, Nyamuanga nfwira ecigongo anye owe bibi:bi.

Ruuka 18:13 ပူးပေါင်းရင်းမြစ်များ

Matayo 10:3

Firipo, Bhatoromaayo, Tomaasi, Mataayo unu aariga ari mutobhesya wa rigooti, Yakobho omwana wa Arufwayo, Tadaayo,

Matayo 6:5

“Omwanya gunu omusabhwa Nyamuwanga, mwasiga okubha rwa abheerimaanya. Abheene abheendaga okusabhwa bheemereeguuyu mu‑nju ja ameekofyanyo ga Abhayawudi na ku‑sonde ja ku‑njira korereki abhaanu abhandi bhabharore. Ni chimari enibhabhwira ati, bhaamarire okuramira omuyeero gwebhwe gwone.

Matayo 9:13

Mbe, mugende mwiyigire obhugajuro bhwa emisango ja Nyamuwanga mu‑Bhikaame Ebhyeru. Kaayika ati, ‘Eneenda mubhe na echigongo okukira okusoosya echoogo.’ Mbe, anye ꞉niteejire okubhirikira abhaanu abharengeresi bhayindukire Nyamuwanga, tari abhakosi bha ebhibhiibhi.”

Mariko 11:25

Nawe omwanya gunu omusabhwa, mufwire echigongo omuunu woonewoone unu abhakayiiye. Niwo Esomwana weemwe wa mu‑rwire aribhafwira echigongo ebhibhiibhi bhyemwe. [

Ruuka 17:12

Ejire eengira mu‑ruguuyo rumwi, ˆnaabhugana na abhagenge ekumi. Abhagenge abho, nibheemereeguru kura‑wo okusooka anu Yeesu aariga ari,

Ruuka 22:41

Niwo, ˆnaabhaawuka‑ko, ˆnaafogera imbere wuti kataafi ka omuunu okurasa ribhuyi. ˆNeefukama, ˆnaasabhwa Nyamuwanga ati,

Ruuka 23:48

Abhaanu bhoone bhanu bhaariga bheekumanyiisye awo okurora emisango ejo, bhejire bhaarora jinu ꞉jaakorekeene nibhasubha mu‑misi jeebhwe, nibheekununaga ku‑bhifubha enu bhasurumbaaye muno.

Ruuka 5:8

Simooni Peetero ejire aarora ejo, ˆneefukama imbere ya Yeesu, ˆnaamubhwira ati, “Raatabhugenyi, niteeyire okubha aamwi na awe, kwa okubha anye niri muunu owa ebhibhiibhi!”

Ebikorwa 2:37

Abhaanu abho bhejire bhoongwa emisango ejo, nibharumwa muno mu‑myoyo jeebhwe. Nibhabhuusya Peetero na jitumwa jeejaabho ati, “Abhayiri bhaasu, woori chikore kutiki?”

Barumi 5:8

Nawe Nyamuwanga ꞉aacheeresiisye ati kaacheenda muno, kwa okusoosya Kirisito afwe inguru yeeswe, omwanya gunu chaariga chichaari abhakosi bha ebhibhiibhi.

2 Bakorinto 7:11

Ringira kutyo obhusurumbaaye obhwo Nyamuwanga ꞉aakarariiye, obhubhareterera omuriiro omunene! Bhwareterera obhwira bhunene bhwa okukora jinu jiiyire, bhwabhareterera okwibhagira ku‑jinu omukora. Ka wone bhwabhakora mubhiyirirwe ebhibhiibhi, bhwabhakora muramye Nyamuwanga, okwigomba okundora, na okwikomeesya okurora ati unu ꞉aakayire, aaramira ebhitiibha bhyaye. Ku‑njira ejo joone, mweresya ati mutari na echikayo ku‑misango ejo.

1 Timoteo 1:15

Omusango gunu ni gwa echimari na gwiyire okwikirisibhwa ati, “Kirisito Yeesu ꞉eejire mu‑chaaro, korereki achungure abha ebhibhiibhi.” Anye niri owa ebhibhiibhi okukira abho bhoone.

Baeburania 4:16

Kurwa ejo chibhe na ribhaasi mu‑kufogera ku‑chitebhe cha ingʼoma cha Nyamuwanga, korereki achiyaane echigongo na obhwitiriranya bhwa okuchisakira omwanya gwa obhukene bhweswe.

Baeburania 8:12

Okubha niribhafwira echigongo ebhibhiibhi bhyebhwe, noorwo nitariichuka rindi ebhibhiibhi bhyebhwe.”