Ruuka 18:12 - Indagano Inyaaya mu-Chijita

¹² Anye eniiyima ebhiryo kabhiri ku‑bhwoyo na kw‑ibhona rinu enibhona, enikusoosya‑ko ijaaka.’

INDAGANO INYA:YA

¹² Anye enisara:rira kwiya kabiri mu bwoyo. Enigwata omugabo gwa rikumi ku bi:nu byone binu enibona.

Ruuka 18:12 ပူးပေါင်းရင်းမြစ်များ

Matayo 5:20

Mbe, enibhabhwira ati, araabha obhurengeresi bhwemwe bhutakukira obhurengeresi bhwa Abhafarisaayo na obhwa abheeyigisya bha ebhiraagiro bhya Muusa, mutaringira noorwo na akatyari mu‑bhukama bhwa mu‑rwire.

Matayo 6:1

“Mwiyangarire! Mwasiga okukora ebhikorwa bhya ekisi korereki abhaanu bhabharore. Araabha mukakora kutyo, mutariramira echiyaanwa choonechoone okusooka kw‑Isomwana unu ari mu‑rwire.

Matayo 6:16

“Omwanya gunu omwiyima ebhiryo, obhusu bhwemwe bhwasiga okweresya obhusurumbaaye rwa kutyo abheerimaanya abhakora. Abheene abhasurumbara korereki abhaanu abhandi bhabharore ati, bheeyimire ebhiryo. Ni chimari enibhabhwira ati, bhaamarire okuramira omuyeero gwebhwe gwone.

Matayo 6:5

“Omwanya gunu omusabhwa Nyamuwanga, mwasiga okubha rwa abheerimaanya. Abheene abheendaga okusabhwa bheemereeguuyu mu‑nju ja ameekofyanyo ga Abhayawudi na ku‑sonde ja ku‑njira korereki abhaanu abhandi bhabharore. Ni chimari enibhabhwira ati, bhaamarire okuramira omuyeero gwebhwe gwone.

Matayo 9:14

Niwo abheeyigisibhwa bha Yowana Omubhatiija nibhaaja ku‑Yeesu, nibhamubhwira ati, “Eswe na Abhafarisaayo, echiiyimaga okurya ebhiryo. Angu, ni kurwa ki abheeyigisibhwa bhaawo bhatakwiyima okurya ebhiryo?”

Ruuka 11:42

“Jiribhabhona, emwe Abhafarisaayo! Okubha omusoosisya Nyamuwanga ijaaka ya omutootoji, omuchicha na emikubhi ejindi, keenu nimusiga okukorera abhaanu abhandi emisango ja rirenga na okwenda Nyamuwanga. Ejo jeenderwe mujikore, aamwi na okumusoosisya jijaaka ejo.

Ruuka 17:10

“Nyabhuriko emwe wone, mukamara okukora joone jinu muragiriiywe na Nyamuwanga, mwayike ati, ‘Eswe chiri abhagaya era. Chaakora jinu chaari cheenderwe okukora.’”

Barumi 3:27

Kurwa ejo, angu, omusango ogwo oguchiyingirira okwikumangya? Yee, kwa okubha noorwo eswe chitakubharwa okubha abharengeresi imbere ya Nyamuwanga kwa okuruubha ebhiraagiro, tari kwa okwikirisya Yeesu era.

1 Bakorinto 1:29

꞉Aakorere kutyo korereki omuunu woonewoone aasiga okwikuuya imbere ya Nyamuwanga.

Bagalatia 1:14

꞉Naayigire abheejaasu bhaafu bha rikura ryani kwa okurwanirira idiini yeeswe ya Echiyawudi. ꞉Neekomeesiisye muno okugwata obhusimukwa bhwa bhasaaja weeswe.

Baefeso 2:9

꞉Ataabhachunguuye okuruubhana na ebhikorwa bhyemwe bhya ekisi, korereki omuunu woonewoone asige okwikuuya.

1 Timoteo 4:8

Jimenyekeene ati, “Okunasya omubhiri okubhona amanaga, kuri‑mo omuriiro mutooto era. Tari, okwikomeesya okwikara rwa kutyo Nyamuwanga keenda, kuri‑mo omuriiro gwa bhuri mbaga, kwa okubha rinu erichiyaana omurago gwa okubhona obhuwanga bhwa woori na bhunu bhuriija.”