Ruuka 17:30 - Indagano Inyaaya mu-Chijita

³⁰ “Nikwo kutyo jiribha orusuku runu anye Omwana wa Omuunu nirisubha ku‑chaaro anu, Nyamuwanga arinswerurwa.

INDAGANO INYA:YA

³⁰ Nikwo kutyo one jiriba ku rusiku runu Omwana wo mu:nu ariswerurwa.

Ruuka 17:30 ပူးပေါင်းရင်းမြစ်များ

Matayo 16:27

Okubha anye Omwana wa Omuunu, niriija aamwi na bhamaraayika bhaani mw‑ikusyo rya Raata waani. Niwo niririya bhuri muunu okuruubhana na ebhikorwa bhyaye.

Matayo 24:3

Neeya, Yeesu ˆnaagenda ku‑chiima cha Emijeyituuni, ˆneenyanja okwo. Abheeyigisibhwa bhaaye nibhamujaa‑ko bhwitebhe, nibhamubhuusya ati, “Chibhwire, emisango ejo jirikorekana rusuku ri? Ka wone, niki chinu chiribha echibharikisyo cha okusubha kwawo na echa okukinga obhuteero bhwa echaaro?”

Matayo 24:37

Kurwa ejo, okuuja kwani, anye Omwana wa Omuunu, kuribha rwa kutyo jaariga jiri mu‑siku ja Nuuwu.

Matayo 24:39

Abhaanu abho, ꞉bhataamenyere ati niki chinu chirisookerera, okukingira anu induruma ꞉yeejire na okwita abhaanu bhoone. Nikwo kutyo jiribha omwanya gunu anye Omwana wa Omuunu niriija.

Matayo 26:64

Yeesu ˆnaamusubhya ati, “Naawe omwayiki. Nawe enibhabhwira ati okwambira woori, murindora anye Omwana wa Omuunu niinyanjire orubhaara rwa ebhuryo rwa Nyamuwanga owa amanaga goone. Ka wone murindora omwanya gunu niriija niri mu‑meere okusooka mu‑rwire.”

Mariko 13:26

“Niwo abhaanu bhoone bharindora anye Omwana wa Omuunu niniija niri mu‑meere na amanaga maafu na rikusyo.

Ruuka 17:24

Musombookerwe ati, anye Omwana wa Omuunu omwanya gunu nirisubha, niriija rwa kutyo orurabhyo orungʼarabhya mbaara joone ku‑rutumba.

Ruuka 17:29

Nawe, orusuku runu Ruuti na abhaana bhaaye ꞉bhaasookere mu‑musi gwa Sodoma, omuriro omururu kabhukabhu nigugwa rwa ingʼubha okusooka ku‑rutumba, nigusingaarisya abhaanu abhandi bhoone.

Ruuka 21:22

Jiribha kutyo, kwa okubha, jisiku ejo nijo jisiku ja Nyamuwanga ja okusubhya orusiima, korereki emisango joone jinu ꞉jaakaamirwe na abharagi bha kara jikuumire.

Ruuka 21:27

“Awo niwo murindora anye Omwana wa Omuunu, niniija mu‑riire, niri na amanaga na rikusyo ryafu.

1 Bakorinto 1:7

Woori mutagerukiiywe noorwo echiyaanwa choonechoone cha Mwoyo Mweru, mukabha nimurindiriraga kwa obhwiro bhwafu okusubha kwa Raatabhugenyi weeswe Yeesu Kirisito.

1 Bakorinto 1:8

Nyamuwanga aribhakomeesya okukingira ku‑bhuteero korereki mwasiga okubha na esoro, orusuku runu Raatabhugenyi weeswe Yeesu Kirisito ariija okuramura abhaanu.

Bakolosai 3:4

Mbe, obhurame obhwo obhuruubhana na Kirisito. Omwanya gunu aribhuurika, niwo emwe wone muribhuurika aamwi nage na okusangira aamwi rikusyo ryaye.

2 Batesalonika 1:7

niwo aribhafungʼamya emwe na eswe okusooka mu‑bhinyaasyo. Arikora kutyo, bhunu Raatabhugenyi Yeesu arisubha rindi okusooka mu‑rwire, ari aamwi na bhamaraayika bhaaye abha obhuturo bhwafu,

1 Petero 1:13

Kurwa ejo, mubhe mutengeejere na mwiyangariiye ku‑jinu omuja okukora na mubhe mwiyingiriiye. Mutuure obhwiyikanyo bhwemwe bhwone mu‑bhwitiriranya bhunu muriramira, orusuku runu Yeesu Kirisito ariswerurwa.

1 Petero 1:7

Amaregeejo ago, agaregeeja eriikirisya ryemwe, korereki ribhonekane ati ni rya echimari. Noorwo inaaryo, inu eyitura okusingaarika, eyochiibhwa mu‑muriro korereki wone iregeejibhwe. Nyabhuriko, eriikirisya ryemwe rinu riri na obhurambu obhunene okukira inaaryo, ni bhusibhusi wone riregeejibhwe, ribhonekane ati ni rya echimari. Awo niwo, Yeesu Kirisito aribhakuuya, aribhayaana rikusyo na echibharo, orusuku runu ariswerurwa.

1 Petero 4:13

Nawe mukondererwe ati omunyaaka rwa kutyo Kirisito ꞉aanyaakire. Mukonderwe woori, korereki mubhe na risandabha ryone, omwanya gunu arisubha na rikusyo ryaye niriswerurwa abhwerubhweru.

1 Yoana 2:28

Woori, abhaana bhaani mu‑riikirisya, mugenderere okubha na obhumwi na Kirisito, korereki omwanya gunu arisubha rindi, chisige okuubhaya na okwiswara, tari chibhe na ribhaasi.

1 Yoana 3:2

Abheendwa bhaani mu‑riikirisya, echimenya ati ku‑mwanya gunu chiri bhaana bha Nyamuwanga, noorwo kutyo jichaari okumenyekana abhwerubhweru kutyo chirisusa. Tari chimenyere ati, omwanya gunu Kirisito arisubha rindi, chirisusana nage, kwa okubha chirimurora kutyo ari.

Obhusweruro 1:7

Muringire! Ariija ari ku‑meere! Abhaanu bhoone bharimurora, noorwo bhanu ꞉bhaamusomere, wone bharimurora. Jingʼanda joone mu‑chaaro jiririra inguru yaaye. Chimari nikwo kutyo jiribha. Jibhe kutyo.