Ruuka 17:3 - Indagano Inyaaya mu-Chijita

³ Kurwa ejo, mwiyangarire mwasiga okukora ebhibhiibhi! “Araabha omuyiri waawo aakakukayira, nuumugonye. Akata echikayo chaaye, mufwire echigongo.

INDAGANO INYA:YA

³ Mukabuke. Omwana wanyu akakaya, umugonye. Akata, umwiswaririre.

Ruuka 17:3 ပူးပေါင်းရင်းမြစ်များ

Matayo 18:21

Niwo Peetero ˆnaagenda ku‑Yeesu, ˆnaamubhuusya ati, “Raatabhugenyi, araabha omwikirisya oweejaasu ankayiiye, enikenwa nimufwire echigongo kwiya karinga? Angu, nimufwire echigongo kwiya kataanu na kabhiri?”

Ruuka 21:34

“Mwikenge! Emyoyo jeemwe jaasiga okwisigomba kukora jitungwa jimbiibhi, obhunanamba, obhukorwa, na echibhabhuko cha obhurame. Mukarema okutengeeja, orusuku rwa okusubha anye Omwana wa Omuunu ruribhatakya!

Baefeso 5:15

Mbe, mukabhuke muno inguru ya kutyo muramire. Musige okurama rwa abhaanu bhanu bhatari na obhwengeeso, tari murame rwa abhaanu bhanu bhari na obhwengeeso.

Baeburania 12:15

Mwiyangarirega, korereki omuunu woonewoone aasiga okugerukirwa obhwitiriranya bhwa Nyamuwanga. Ka wone, aasiga okwibhuka omuunu agati yeemwe unu ari rwa riiti riruru. Omuunu rwa oyo kaja okubhanyaasya, na okujabhiyasya abhaanu bhaafu.

Yakobo 5:19

Abhayiri bhaani mu‑riikirisya, owumwi weemwe akayabha na okubha kura na echimari na omwikirisya oweejaabho ˆnaamusubhya rindi ku‑njira ya echimari,

2 Yoana 1:8

Woori, emwe abheene, mwiyangarire, korereki mwasiga okufwirwa‑mo ku‑mirimu jinu mukorere imbere ya Nyamuwanga, tari muramire echiyaanwa chikobhere.