Ruuka 17:25 - Indagano Inyaaya mu-Chijita

²⁵ Nawe okwamba, ni bhusibhusi anye Omwana wa Omuunu nibhone ebhinyaasyo bhyafu na okuremwa na abhaanu bha orwibhuro runu.

INDAGANO INYA:YA

²⁵ Nawe okwamba kumwiire okunya:sibwa kwafu no kuremwa na ba riimbo rinu.

Ruuka 17:25 ပူးပေါင်းရင်းမြစ်များ

Matayo 16:21

Okusookerera omwanya ogwo, Yeesu ˆnaamba okubhwira abheeyigisibhwa bhaaye abhwerubhweru ati ni bhusibhusi agende Yerusareemu na okunyaasibhwa muno. ꞉Aabhabhwiriiye ati abhakuru bha Abhayawudi, abhakuru bha abhagabhisi na abheeyigisya bha ebhiraagiro bhya Muusa, bharimunyaasya okukingira okwitwa. Nawe ku‑rusuku rwa kasatu, arisuuruka.

Matayo 21:42

Niwo Yeesu ˆnaabhabhwira ati, “Angu, muchaariga okusoma jinu jikaamirwe mu‑Bhikaame Ebhyeru? Jikaamirwe ati, ‘Ribhuyi rinu abhoombaki ꞉bhaaremere, niryo ryabha ribhuyi rinene rya orufuka. Raatabhugenyi niwe aakora ogwo, ogwo ni musango gwa okuruguusya kw‑iswe.’”

Mariko 10:33

ˆNaayika ati, “Ringira, echigenda Yerusareemu. Eyo niyo, anye Omwana wa Omuunu nirituurwa mu‑mabhoko ga abhakuru bha abhagabhisi na abheeyigisya bha ebhiraagiro bhya Muusa. Abho bharindamura ati niitwe. Ku‑bhuteero, bharintuura mu‑mabhoko ga abhaanu bhanu bhatari Bhayawudi.

Mariko 12:10

Kasi, muchaariga okusoma jinu jikaamirwe mu‑Bhikaame Ebhyeru bhinu? Jikaamirwe ati, ‘Ribhuyi rinu abhoombaki ꞉bhaaremere, niryo ryabha ribhuyi rinene rya orufuka.

Mariko 8:31

Neeya Yeesu ˆnaamba okwiyigisya abheeyigisibhwa bhaaye ati jeenderwe omwene, Omwana wa Omuunu, anyaasibhwe muno, aremwe na abhakuru bha Abhayawudi, na abhakuru bha abhagabhisi, na abheeyigisya bha ebhiraagiro bhya Muusa, eetwe na ku‑rusuku rwa kasatu, arisuuruka.

Mariko 9:31

kwa okubha aariga ˆneeyigisya abheeyigisibhwa bhaaye. ˆNaabhabhwira ati, “Anye Omwana wa Omuunu, nirituurwa mu‑mabhoko ga abhaanu na bhariinyita. Nawe ku‑rusuku rwa kasatu okusookerera okufwa kwani, Nyamuwanga arinsuurura.”

Ruuka 18:31

Yeesu ˆnaabhirikira abheeyigisibhwa bhaaye ekumi na bhabhiri bhumbise, ˆnaabhabhwira ati, “Muringire! Echiriinya okugenda mu‑musi gwa Yerusareemu. Emisango joone jinu ꞉jaakaamirwe na abharagi inguru yaani, anye Omwana wa Omuunu, jirikuumira eyo.

Ruuka 18:33

Ka wone, bharimbuma na jijaridi, na okunyita. Nawe, ku‑rusuku rwa kasatu, nirisuuruka.”

Ruuka 24:46

Ka wone ˆnaabhabhwira ati, “Jikaamirwe ati, Kirisito arinyaasibhwa na okwitwa na ku‑rusuku rwa kasatu arisuuruka okusooka mu‑bhafuuwe.

Ruuka 9:22

ˆNaabhabhwira ati, “Jeenderwe anye Omwana wa Omuunu, ninyaasibhwe muno, niremwe na abhakuru bha Abhayawudi, abhakuru bha abhagabhisi, na abheeyigisya bha ebhiraagiro bhya Muusa, okukingira okwitwa. Nawe ku‑rusuku rwa kasatu, nirisuuruka.”

Yowana 1:11

꞉Eejire ku‑bhaanu bhaaye, nawe abhaanu bhaaye ꞉bhataamuramiiye.

Yowana 12:38

Ejo ꞉jaabheeye kutyo, korereki gukuumire omusango gunu omuragi Iisaya ꞉aayikire ati, “Raatabhugenyi, niga unu eekirisya emisango jeeswe? Ka wone, niga unu ꞉eeresiibhwe amanaga ga Raatabhugenyi?”