Ruuka 17:16 - Indagano Inyaaya mu-Chijita

¹⁶ Ejire aakinga ku‑Yeesu, ˆnaagwa bhwifumbike ku‑maguru gaaye, enu ˆnaamusiimaga. Omuunu oyo, aariga ari Musamaariya.

INDAGANO INYA:YA

¹⁶ Nagwa mu maguru gae namusi:ma. Na ka oyo ariga:ri Musamaria.

Ruuka 17:16 ပူးပေါင်းရင်းမြစ်များ

Matayo 10:5

Mbe, Yeesu ˆnaatuma jitumwa ekumi na bhabhiri abho, ˆnaabharagirira, ˆnaabhabhwiraga ati, “Mwasiga okuja mu‑bhyaro bhya abhaanu bhanu bhatari Bhayawudi, ka wone, mwasiga okwingira mu‑musi gwonegwone gwa Abhasamaariya.

Matayo 2:11

Mbe, nibheengira mu‑nju, nibharora omwana aamwi na Maryamu nyiramwene, nibheefukama nibharamya omwana oyo. Nibhasuruumura jisagwa jeebhwe, nibhasoosya‑mo ebhiyaanwa bhya inaaryo, obhubhaani na amafuta amarange, nibhayaana omwana oyo.

Mariko 5:33

Niwo omugasi wurya ˆnoobhaya, ˆnaaja ku‑Yeesu, enu ˆnaayararaga bhugubhugu, ˆneefukama kwa okubha ꞉aamenyere jinu ꞉jaakorekeene ku‑mwene. ˆNaamubhwira echimari choone.

Ruuka 17:17

Yeesu ˆnaayika ati, “Abhaanu bhanu bheesibhwa ni kumi! Woori, abhandi abhataanu na abhaana bhari aaki?

Ruuka 5:8

Simooni Peetero ejire aarora ejo, ˆneefukama imbere ya Yeesu, ˆnaamubhwira ati, “Raatabhugenyi, niteeyire okubha aamwi na awe, kwa okubha anye niri muunu owa ebhibhiibhi!”

Yowana 4:9

Mbe, omugasi oyo ˆnaamusubhya ati, “Awe uri Muyawudi, anye niri Musamaariya. Ejibha kutiki unsabhwe nikuyaane amanji ga okunywa?” ꞉Aayikire kutyo, kwa okubha Abhayawudi bhaariga bhatakusaasikana aamwi na Abhasamaariya.

Yowana 5:23

Raata ꞉aakorere kutyo, korereki abhaanu bhoone bhayaane Omwana echibharo rwa kutyo abhayaana Esemwene echibharo. Omuunu woonewoone unu atakuyaana Omwana echibharo, oyo atakuyaana echibharo Raata unu ꞉aamutumire.

Yowana 8:48

Abhayawudi nibhabhuusya Yeesu ati, “Chitakwayika echimari ati, awe uri Musamaariya, ka wone uri na risambwa?”

Ebikorwa 1:8

Nawe muriramira amanaga omwanya gunu Mwoyo Mweru ariija kw‑imwe, muribha abhabhambaasi bhaani mu‑Yerusareemu na mu‑mbaara ejindi joone ja echaaro cha Yuudeya na echa Samaariya, na okukingira ku‑bhuteero bhwa echaaro choone.”

1 Bakorinto 14:25

Jinu jiiserekere mu‑mwoyo gwaye, ejibha abhweru, niwo keefukama na okwinamya obhusu okukinga aasi okuramya Nyamuwanga, ˆnaayika ati, “Chimari Nyamuwanga ari agati yeemwe!”

Obhusweruro 19:10

Niwo ningwa bhwifumbike ku‑maguru ga maraayika oyo, korereki nimuramye. Nawe omwene, ˆnaambwira ati, “Siga okukora kutyo! Anye niri omukosi weejaanyu aamwi na abhayiri bhaanyu mu‑riikirisya, bhanu abhasoosya obhubhambaasi bhwa emisango ja Yeesu. Ramya Nyamuwanga omwene era! Okubha okusoosya obhubhambaasi bhwa emisango ja Yeesu nibhwo obhwambiro bhwa obhuragi.”

Obhusweruro 4:10

Bhuri omwanya Nyamuwanga aariga ˆnaakuuyibhwa na ebhibhumbwa bhirya, abhakaruka makumi gabhiri na bhana bharya, bhaariga nibhagwa bhwifumbike imbere ya unu eenyanjire ku‑chitebhe cha ingʼoma na okumuramya. Omwene oyo, niwe omuwanga akajaanende koone. Wone bhaariga nibhafuura jitengya jeebhwe, nibhajituura imbere ya echitebhe cha ingʼoma, nibhaayikaga ati,

Obhusweruro 5:14

Ebhibhumbwa bhina bhirya nibhiitabhirisya, nibhyayikaga ati, “Jibhe kutyo!” Abhakaruka bharya wone nibhagwa bhwifumbike, nibharamya Nyamuwanga na Omwana wa Inaama.