Ruuka 16:26 - Indagano Inyaaya mu-Chijita

²⁶ Aamwi na ejo, agati yeeswe enu na emwe eyo, riteeywe‑wo riwugo enene muno, korereki omuunu unu keenda okusooka kw‑iswe enu okuuja kw‑imwe eyo, ataamiibhwe okuryambuka. Nyabhuriko omuunu unu keenda okusooka kw‑imwe eyo okuuja kw‑iswe enu, wone ataamiibhwe okuryambuka.’

INDAGANO INYA:YA

²⁶ Na kukira ejo ririo eugo ere:ra aagati yeswe nemwe, korereki banu abenda okuso:ka enu okuja eyo kwimwe bataja kutura, norwo abendeyo bataja kwambuka kuja enu kwiswe.

Ruuka 16:26 ပူးပေါင်းရင်းမြစ်များ

Matayo 25:46

“Kurwa ejo, abhakosi bha ebhibhiibhi abho, bharigenda okuramira jimbuma ja akajaanende koone. Nawe abharengeresi imbere ya Nyamuwanga, abho bhariingira mu‑bhuwanga bhwa akajaanende koone.”

Ruuka 12:59

Ni chimari enikubhwira ati, utarisooka omwo, okukingira anu urimarira okuriya ribhanja ryone!”

Ruuka 16:25

“Bhurayimu ˆnaamusubhya ati, ‘Mwana waani, ichuka ati omwanya gunu waariga uri ku‑chaaro, awe ꞉waabhwene emisango ja ekisi mu‑bhurame bhwawo, nawe Rajaaro, ꞉aabhwene emisango emibhiibhi mu‑bhurame bhwaye. Woori anu kutya, omwene kaafungʼamibhwa, omwanya ogwo awe wone owunyaasibhwa.

Ruuka 16:27

“Omuniibhi oyo, ˆnaamubhwira ati, ‘Mbe woori raata Bhurayimu, enikusabhwa nuutume Rajaaro agende iika ku‑raata,

Yowana 3:36

Omuunu woonewoone unu keekirisya Omwana wa Nyamuwanga, oyo ari na obhuwanga bhwa akajaanende koone. Nawe woonewoone unu kaarema okumwikirisya, atari na obhuwanga obhwo, ka wone risungu rya Nyamuwanga erigenderera okubha inguru yaaye.

Obhusweruro 20:10

Syetaani unu aabhajigaga, aryeswa mu‑nyanja ya omuriro omururu gwa emisimu ja echibhiriiti. Omwo nimwo ꞉ryeeserwe rityanyi rirya na omuragi omubheeyi urya. Abho bhoone bharinyaasibhwa omwo mu‑ngeta na mu‑mwisi, akajaanende koone.

Obhusweruro 22:11

Mbe, omuunu unu kaakora ebhibhiibhi, agenderere okubhikora na omujabhi echinyamwoyo agenderere okujabhiyara. Omuunu unu kaakora obhurengeresi, agenderere okukora ja obhurengeresi na omweru agenderere okubha omweru.”