Ruuka 16:25 - Indagano Inyaaya mu-Chijita

²⁵ “Bhurayimu ˆnaamusubhya ati, ‘Mwana waani, ichuka ati omwanya gunu waariga uri ku‑chaaro, awe ꞉waabhwene emisango ja ekisi mu‑bhurame bhwawo, nawe Rajaaro, ꞉aabhwene emisango emibhiibhi mu‑bhurame bhwaye. Woori anu kutya, omwene kaafungʼamibhwa, omwanya ogwo awe wone owunyaasibhwa.

INDAGANO INYA:YA

²⁵ Nawe Iburaimu namubwira ati, Mwana wani, icuka ati, awe wabonaga ebikonde mu buanga bwao, na Lajaro one kutyo abonaga ebibi:bi. Nawe woryanu omwene kakondererwa, nawe awe ounya:sibwa.

Ruuka 16:25 ပူးပေါင်းရင်းမြစ်များ

Matayo 27:63

Nibhabhwira Piraato ati, “Mwami, echiichuka ati bhunu omubheeyi urya aariga achaari muwanga, ꞉aayikire ati, ‘Ku‑rusuku rwa kasatu, nirisuuruka okusooka mu‑bhafuuwe.’

Mariko 9:45

Ka wone, araabha okuguru kwawo nikwo okukureterera okukora ebhibhiibhi, kuteme‑ko. Ni akiri wingire mu‑bhuwanga bhwa akajaanende koone utari‑ko okuguru okumwi, okukira okubha na amaguru goone gabhiri, nuweeswa mu‑muriro gwa akajaanende koone. [

Ruuka 16:20

Ka wone, aariga ari‑wo omutaka umwi, ˆnaatogwaga Rajaaro. Rajaaro oyo, aariga ari na ebhironda bhiswirire omubhiri gwone. Bhuri rusuku aariga ˆnaamaamibhwa kw‑irango rya omuniibhi urya.

Ruuka 16:23

Mbe, omuniibhi oyo, omwanya gunu aanyaakaga muno nyombe eyo, ˆneenamusya ameeso, ˆnaarora Bhurayimu ari kura, na Rajaaro ari mu‑chifubha cha Bhurayimu.

Ruuka 16:26

Aamwi na ejo, agati yeeswe enu na emwe eyo, riteeywe‑wo riwugo enene muno, korereki omuunu unu keenda okusooka kw‑iswe enu okuuja kw‑imwe eyo, ataamiibhwe okuryambuka. Nyabhuriko omuunu unu keenda okusooka kw‑imwe eyo okuuja kw‑iswe enu, wone ataamiibhwe okuryambuka.’

Ruuka 6:24

Nawe jiribhabhona, emwe abhaniibhi, kwa okubha mwabhwene okusiiriisibhwa kwemwe.

Yowana 16:33

Naabhabhwira ejo joone, korereki mubhe na omurembe mu‑myoyo jeemwe, kwa okubha muri na obhumwi na anye. Ku‑chaaro anu muribhona ebhinyaasyo bhyafu, nawe mwasiga okuyaya, kwa okubha anye ꞉naayigire echaaro.”

Ebikorwa 14:22

Bhuri rubhaara, bhaariga nibhasimbiisya abheeyigisibhwa na okubhakomeeresya ati bhagenderere okurumatana mu‑riikirisya ryebhwe. Nibhabhabhwira ati, ni bhusibhusi chiture mu‑nyaako nyafu korereki chiingire mu‑bhukama bhwa Nyamuwanga.

Barumi 8:7

Abhaanu bhanu obhwiganirisya bhwebhwe obhutungwa na obhusimukwa bhwebhwe bhwa echibhiibhi, abho ni bhasoko bha Nyamuwanga. Bhatakugayuka echiraagiro chaaye, ka wone bhatakutura okuchigayuka.

Bafilipi 3:19

Abhaanu abho bharisingaarisibhwa ku‑bhuteero, kwa okubha inda niryo risambwa ryebhwe. Abheene abheekuuyisya ebhikorwa bhya jiswaro bhinu abhakora. Ka wone abheeganirisya era emisango ja ku‑chaaro.

1 Batesalonika 3:3

꞉Chaakorere kutyo, korereki omuunu woonewoone asige okufwa omutima inguru ya ebhinyaasyo bhinu. Emwe abheene mumenyere ati, echikenwa chiture mu‑bhinyaasyo.

Baeburania 11:25

꞉Eetoorere okunyaaka aamwi na abhaanu bha Nyamuwanga, okukira okukondererwa mu‑bhibhiibhi akatungu kafuyi era.

1 Yoana 2:15

Kurwa ejo, musige okwenda ebhibhiibhi noorwo jitungwa jimbiibhi joonejoone ja ku‑chaaro. Araabha omuunu woonewoone aakeenda ebhibhiibhi, atakwenda Raata Nyamuwanga.

Obhusweruro 7:14

Niimusubhya ati, “Mwami waani, awe naawe umenyere.” ˆNaambwira ati, “Abhaanu abho nibho ꞉bhaayigire ebhinyaasyo bhinene bhirya. ꞉Bhaafurire emingiro jeebhwe mu‑sagama ya Omwana wa Inaama, nijeera pee.