Ruuka 16:24 - Indagano Inyaaya mu-Chijita

²⁴ Omuniibhi ˆnaamura obhuraka ˆnaabhirikira ati, ‘Raata Bhurayimu, nuunfwire echigongo! Eninyaaka muno mu‑muriro munu! Nuutume Rajaaro aaje anu, eene isonde ya echaara chaaye mu‑manji, atonyisye ritone rya amanji ago ku‑rurimi rwani arunyirisye.’

INDAGANO INYA:YA

²⁴ Na:ikirira inguru ati, Rata Iburaimu, nfwira ecigongo, utume Lajaro, e:ne isonde ye ca:ra cae mu manji anyirisye orurimi rwani, okuba ena:sibwa mu muriro gunu.

Ruuka 16:24 ပူးပေါင်းရင်းမြစ်များ

Matayo 25:41

“Niwo, niribhwira bhanu bhari rubhaara rwani rwa ebhumoosi ati, ‘Musooke anu, emwe bhanu Nyamuwanga eeyiimire! Mugende mu‑muriro gwa akajaanende koone gunu Nyamuwanga eeraabhire inguru ya Syetaani na bhamaraayika bhaaye.

Matayo 3:9

Mwasiga okwitogera ati, Nyamuwanga aribheekirisya, kwa okubha omwikumangya ati, ‘Chiri rwibhuro rwa Bhurayimu!’ Enibhabhwira ati, Nyamuwanga kaatura okuyindura amabhuyi ganu okubha abhaana bha Bhurayimu!

Matayo 5:22

Nawe anye enibhabhwira ati, omuunu woonewoone unu kaasoka oweejaabho, kaakenwa aramurwe. Ka wone, woonewoone unu kaafuma oweejaabho ati, ni mutaamutaamu, omwene wone kaakenwa aramurwe kw‑ibharaja rikuru rya Abhayawudi. Omuunu woonewoone unu kaafuma oweejaabho ati, ni mumuumu, kaakenwa eeswe mu‑muriro gwa akajaanende koone!

Ruuka 16:30

“Omuniibhi oyo, ˆnaamusubhya ati, ‘Wuri, raata Bhurayimu! Araabha omuunu akasooka mu‑bhafuuwe enu ˆnaabhajaa‑ko, niwo abhaja okuta ebhibhiibhi bhyebhwe.’

Ruuka 19:9

Yeesu ˆnaamubhwira ati, “Reero inu, obhuchungusi bhwakingira abhaanu bha inju inu, kwa okubha ebhikorwa bhyaye bhyeresya ati, omuunu unu wone ni mwana wa mu‑ruganda rwa Bhurayimu.

Ruuka 3:8

Mbe, mukore ebhikorwa bhinu ebhyeresya ati, chimari mwata ebhibhiibhi bhyemwe ku‑Nyamuwanga. Mwasiga okwitogera ati, Nyamuwanga aribheekirisya, kwa okubha omwikumangya ati, ‘Eswe chiri rwibhuro rwa Bhurayimu!’ Enibhabhwira ati, Nyamuwanga kaatura okuyindura amabhuyi ganu okubha abhaana bha Bhurayimu!

Yowana 4:10

Yeesu ˆnaamusubhya ati, “Araabha ukabheeye nuumenya echiyaanwa cha Nyamuwanga, na unu kaakusabhwa amanji ga okunywa, waakamusabhirwe, na omwene aakakuyaaye amanji ganu agasoosya obhuwanga.”

Yowana 4:14

Nawe omuunu unu kaanywa amanji ganu anye enimuyaana, atakuja okuungwa obhwiro noorwo na akatyari kajaanende koone. Amanji ganu enija okumuyaana, agaja okubha rwa omumiro gwa amanji mu‑mwoyo gwaye ganu agabhogomera obhuwanga bhwa akajaanende koone.”

Yowana 7:37

Orusuku rwa obhuteero rwa ichikukuru ya ebhiwuuna, rwariga ruri rusuku orukuru muno. Mbe, Yeesu ˆneemereeguru mu‑rubhuga rwa Riyekaru, ˆnaamura obhuraka ˆnaayika ati, “Omuunu akoongwa obhwiro bhwa amanji, aaje kw‑anye, anywe!

Barumi 4:12

Nyabhuriko, Bhurayimu ꞉aakorerwe okubha esemwene abhaanu bhanu bhatenderwe, na bhari na eriikirisya. Abhaanu abho abharuubha orugere rwa Bhurayimu saaja weebhwe, unu ꞉eekirisiisye Nyamuwanga noorwo achaari okutendwa.

2 Batesalonika 1:8

asingiiywega ribheesi rya omuriro. Omwene niwe ariramura abhaanu bhoone bhanu abharema Nyamuwanga, ka wone bhatakugayuka Emisango ja Ekisi ja Raatabhugenyi weeswe Yeesu.

Yakobo 2:13

Nyamuwanga ataribha na echigongo ku‑unu atari na echigongo ku‑bhandi. Nawe Nyamuwanga arifwira echigongo abha echigongo orusuku runu ariramura.

Yakobo 3:6

Orurimi ruri rwa omuriro, rwijuuye obhujabhi bhwone. Orurimi ni chimwi cha ebhiwuga mu‑mubhiri gweswe, nawe orujabhiyaasya omubhiri gwone, na okusingaarisya obhurame bhweswe bhwone mu‑muriro gwa akajaanende koone.

Obhusweruro 19:20

Nawe rityanyi, aamwi na omuragi omubheeyi unu ꞉aakorere ebhibharikisyo ku‑songa ya rityanyi eryo, ꞉bhaagwatirwe ngwatwa. Ku‑njira ya ebhiruguusyo bhinu omuragi oyo ꞉aakorere, aariga ajigire abhaanu bhanu bhaariga bhateeywe‑ko orunabho rwa rityanyi eryo na okuramya risusano ryaryo. Bhoone ku‑bhubhiri bhwebhwe nibheeswa bhari bhaanga mu‑nyanja ya omuriro omururu gwa emisimu ja echibhiriiti.

Obhusweruro 20:15

Omuunu woonewoone unu risiina ryaye ryariga ritakaamirwe mu‑chitabho cha obhuwanga, oyo wone ꞉eeserwe mu‑nyanja ya omuriro.

Obhusweruro 22:1

Neeya maraayika urya ˆnaanyeeresya omusima gwa amanji ganu agasoosya obhuwanga. Omusima ogwo gwariga nigubharangirya rwa rirore na gwariga niguwurura okusooka mw‑ifuufu rya echitebhe cha ingʼoma cha Nyamuwanga na Omwana wa Inaama.