Ruuka 16:22 - Indagano Inyaaya mu-Chijita

²² “Ejire eeya, Rajaaro omutaka aafwa, bhamaraayika nibhamugega nibhamusira mu‑rwire, ayeeyi na Bhurayimu. Omuniibhi urya wone ˆnaafwa, ˆnaasiikwa.

INDAGANO INYA:YA

²² Ejire e:ya omutaka nafwa nagegwa na bamaraika nibamusira mu cifuba ca Iburaimu. No muni:bi one nafwa ne:swa.

Ruuka 16:22 ပူးပေါင်းရင်းမြစ်များ

Matayo 18:10

Yeesu ˆnaagenderera okubhabhwira ati, “Mukabhuke, mwasiga okugaya owumwi ku‑bhatooto bhanu! Enibhabhwira kutyo, kwa okubha bhamaraayika bheebhwe mu‑rwire eyo, siku joone bhari imbere ya Raata waani wa mu‑rwire. [

Matayo 24:31

Niwo nirituma bhamaraayika bhaani. Bharibhuma muno rinyawegoona, korereki bhakumanye abhasorwa bhoone bha Nyamuwanga okusooka mbaara joone ena ja echaaro. Abhasorwa abho, bhariija okusooka ku‑bhuteero bhwa echaaro okukingira ku‑bhuteero bhwa orubhaara orundi rwa echaaro.”

Matayo 8:11

Enibhabhwira ati, abhaanu bhaafu bhariija okusooka ebhuwuruka esuubha na ebhugwa esuubha, okwingira mu‑bhukama bhwa mu‑rwire. Bhariija okurya aamwi mu‑chikukuru irya na bhasaaja weeswe Bhurayimu, Isaaka na Yakobho.

Mariko 8:36

Angu, omuunu aribhona omuriiro ki, araabha aakabhona ebhiinu bhyone bhya ku‑chaaro chinu, nawe ˆnaabhusya obhuwanga bhwa akajaanende koone?

Ruuka 12:20

“Nawe, Nyamuwanga ˆnaamubhwira ati, ‘Omutaamutaamu awe! Ingeta inu, owuja okwitwa! Ka ebhiinu bhyone bhinu wibhiikiiye, ebhija okubha bhyaga?’”

Ruuka 16:21

Rajaaro eegombaga okurya ebhiryo bhinu bhyaragaraga okusooka ku‑meeja ya omuniibhi oyo. Noorwo jimbwa jaariga nijiija nijimuramba ebhironda bhyaye.

Yowana 1:18

Atari‑wo omuunu woonewoone unu ararorere Nyamuwanga noorwo na akatyari. Tari Mwana waaye eenyere, unu wone ari Nyamuwanga, ka wone ari yeeyi na Raata Nyamuwanga, oyo niwe asweruuye Nyamuwanga kw‑iswe.

Yowana 13:23

Aariga ari‑wo omwiyigisibhwa umwi, unu Yeesu aariga eendere muno. Omwiyigisibhwa oyo, omwanya gwa okurya, aariga eenyanjire ayeeyi muno na Yeesu.

Yowana 21:20

Mbe, Peetero ˆneekebhuukira, ˆnaarora omwiyigisibhwa unu Yeesu aariga eendere muno, ˆnaabharuubhaga. Omwiyigisibhwa oyo, omwanya gwa okurya niwe aariga eenyanjire ayeeyi muno na Yeesu, na okumubhuusya ati, “Raatabhugenyi awe, niga unu kaja okukuromera iniku?”

Baeburania 1:14

Mbe woori, bhamaraayika ni chiinu ki? Ni myoyo jinu ejikorera emirimu Nyamuwanga, omwene kaajituma jigende okukorera emirimu abhaanu bhanu bharichungurwa.

Baeburania 2:14

Mbe, kwa okubha abhaana bhari na emibhiri na isagama, Yeesu wone ꞉eejire ari na omubhiri na isagama rwa abheene. ꞉Aakorere kutyo, korereki ku‑njira ya orufu rwaye, ayige amanaga ga Syetaani, unu ari na obhuturo bhwa orufu.

Yakobo 1:11

Risuubha eriwuruka, omuumwi mwafu oguwotosya ebhiimesya, obhwaso bhwende‑ko nibhunogoka na obhureesi bhwabhyo obhuwaawo. Nikwo kutyo jiribha noorwo ku‑muniibhi. Aribhaga naakora emirimu jaaye na arifwira ku‑mirimu ejo.

1 Petero 2:24

Yeesu omwene ꞉aagegere ebhibhiibhi bhyeswe ku‑mubhiri gwaye, ˆnaabhambwa ku‑musarabha. ꞉Aakorere kutyo, korereki chisige okutungwa rindi na ebhibhiibhi, tari chiikare nichikondisya Nyamuwanga. Mu‑kuwutaasibhwa kwa Yeesu, emwe ꞉mwawosiibhwe.

Obhusweruro 14:13

Ninuungwa obhuraka okusooka mu‑rwire, nibhumbwira ati, “Kaama ati, okwambira woori, bhari na amabhando abhaanu bhoone bhanu abhafwa bheekirisiisye Raatabhugenyi Yeesu.” Neeya Mwoyo wa Nyamuwanga ˆnaayika ati, “Cha, bharibhona amabhando maafu. Bhariisya omwoyo okusooka ku‑mirimu jeebhwe emisito, okubha bhariyaanwa ebhiyaanwa inguru ya ebhikorwa bhyebhwe bhya ekisi.”