Ruuka 16:16 - Indagano Inyaaya mu-Chijita

¹⁶ “Ebhiraagiro bhya Muusa na ebhikaame bhya abharagi, bhyariga nibhigayukwa na abhaanu okukingira omwanya gwa Yowana Omubhatiija. Okusookerera omwanya ogwo, Emisango ja Ekisi inguru ya obhukama bhwa Nyamuwanga, jaariga nijiraasibhwa, na abhaanu bhoone abhakomeeresibhwaga okujigayuka.

INDAGANO INYA:YA

¹⁶ Ebiragiro byariga birio na baragi kukinga ku Yoana. Okwambira mu siku ijo Ebigambo byo bwana ebyo bukama bwa Nyamuanga ebira:sibwa, na mu:nu wo:ne ke:ingisyamo biiga.

Ruuka 16:16 ပူးပေါင်းရင်းမြစ်များ

Matayo 10:7

Mu‑kugenda kwemwe, muraasyega, nimwayikaga ati, ‘Obhukama bhwa mu‑rwire bhuri yeeyi!’

Matayo 15:11

“Muntegeresye kisi na okusombookerwa emisango jinu enibhabhwira! Bhitari ebhiinu bhinu ebhiingira mu‑kanwa bhinu ebhijabhiyasya omuunu. Tari, emisango jinu ejisooka mu‑kanwa kaaye, nijo ejimujabhiyasya.”

Matayo 21:32

Yowana ꞉eejire kw‑imwe korereki abheeresye injira ya rirenga, emwe ꞉mutaamwikirisiisye. Nawe abhatobhesya bha rigooti na abhagasi bhanu abheegusya okwibhonera ribhona, nibho ꞉bhaamwikirisiisye. Noorwo kutyo emwe omwanya gunu ꞉mwarorere joone ejo, ꞉mwaremere okuyindura obhwiganirisya bhwemwe na okumwikirisya.”

Matayo 3:2

“Mute ebhibhiibhi bhyemwe ku‑Nyamuwanga, kwa okubha obhukama bhwa mu‑rwire bhuri yeeyi!”

Matayo 4:17

Ku‑mwanya ogwo, Yeesu ˆnaamba okuraasisya abhaanu ati, “Mute ebhibhiibhi bhyemwe ku‑Nyamuwanga, kwa okubha obhukama bhwa mu‑rwire bhuri yeeyi!”

Matayo 4:23

Yeesu aaturaga enu na erya mu‑mukoowa gwone gwa Gariraaya. Eengiraga mu‑nju ja ameekofyanyo ga Abhayawudi na okwiyigisya abhaanu omwo. Aariga wone ˆnaaraasisya abhaanu Emisango ja Ekisi inguru ya obhukama bhwa mu‑rwire na okuwosya abhaanu abha amarwara ga mbaga nyafu.

Mariko 1:14

Nijitura siku nyafu, Yowana ˆnaabhoywa mw‑ibhoyero. Omwanya gunu aariga ari mw‑ibhoyero, Yeesu ˆnaagenda mu‑mukoowa gwa Gariraaya, ˆnaaraasyaga Emisango ja Ekisi ja Nyamuwanga.

Mariko 1:45

Nawe, omwanya gunu omuunu oyo ꞉aasookere awo, ˆnaamba okuraasya abhwerubhweru bhuri rubhaara emisango ja okuwosibhwa kwaye. Okuruubhana na ejo, Yeesu ˆnaataamibhwa okwingira abhwerubhweru mu‑musi gwonegwone gurya. ˆNeenyanja eenyere anja ya emisi anu abhaanu bhaariga bhatari, noorwo kutyo abhaanu bhaamujaaga‑ko okusooka bhuri rubhaara.

Ruuka 10:11

‘Noorwo oruteeri rwa omusi geemwe runu ruri ku‑maguru geeswe, echirukuukumura, chibhe echibharikisyo kw‑imwe cha obhujabhi bhwemwe. Noorwo kutyo, mumenye kisi ati, obhukama bhwa Nyamuwanga bhuri yeeyi!’

Ruuka 10:9

Abharwaye bhanu bhari mu‑musi ogwo, mubhawosye. Mubhwire abhaanu bhoone ati, ‘Obhukama bhwa Nyamuwanga bhwakingire kw‑imwe.’

Ruuka 16:29

“Bhurayimu ˆnaamusubhya ati, ‘Abhamura bhaanyu, bhari na ebhikaame bhinu bhikaamirwe na Muusa na abharagi. Bhategeresye ebhikaame ebhyo!’

Ruuka 16:31

Bhurayimu ˆnaamusubhya ati, ‘Araabha abhamura bhaanyu abho, bhaakarema okuungwa emisango jinu jikaamirwe na Muusa na abharagi abhandi, bhatakuja okuungwa omuunu noorwo akasuuruka okusooka mu‑bhafuuwe.’”

Ruuka 9:2

Neeya ˆnaabhatuma bhagende okuraasisya abhaanu, emisango inguru ya obhukama bhwa Nyamuwanga, na okuwosya abharwaye.

Yowana 1:45

Mbe, Firipo ˆnaabhona Natanayeri, ˆnaamubhwira ati, “Eswe chaarora omuunu unu Muusa ꞉aakaamire emisango jaaye mu‑chitabho cha ebhiraagiro. Abharagi wone ꞉bhaakaamire emisango inguru ya omuunu oyo. Risiina ryaye ni Yeesu wa Najareeti, omwana wa Jejefu.”

Yowana 11:48

Araabha chikamusiga agenderere okukora ebhibharikisyo ebhyo, abhaanu bhoone abhaja okumwikirisya. Niwo Abharuumi bhariija na okunyamura riyanga ryeswe na Riyekaru ryeswe.”

Yowana 12:19

Nawe Abhafarisaayo nibhaayikana abheene kwa abheene ati, “Omurora? Chitakutura okukora choonechoone! Ringira, abhaanu bhoone abhamuruubha.”

Yowana 5:4

kwa okubha omwanya ogundi maraayika wa Nyamuwanga aariga ˆnaaja, ˆnaaserura amanji mw‑itanga eryo. Omurwaye unu aariga ˆnaabha wa okwamba okwingira mu‑manji omwo, oyo niwe aariga ˆnaawora obhurwaye bhunu aariga ari nabhwo.]

Ebikorwa 3:18

Nawe, ꞉jaakorekeene kutyo korereki Nyamuwanga akuumisye emisango jinu ꞉aaragire okutura ku‑bharagi bhoone ati, Kirisito waaye arinyaasibhwa.