Ruuka 15:5 - Indagano Inyaaya mu-Chijita

⁵ Aribha aayibhona, kaayibhatura na okuyiyeka ku‑mabhega enu ˆnaakonderwaga.

INDAGANO INYA:YA

⁵ Mbe akaibona, kaitu:ra kwibega ryae nakonderwa.

Ruuka 15:5 ပူးပေါင်းရင်းမြစ်များ

Ruuka 15:32

Nawe omutooto waawo unu, jeenderwe chimukorere obhugenyi, chikonderwe na okusandabha aamwi. Okubha aariga ari wuti afuuwe, woori anu aasuuruka. Aariga abhurire, woori anu, aabhonekana rindi!’”

Ruuka 15:4

“Chaayike ati, owumwi weemwe, ari na jinaama egana. Aakamenya ati, eyimwi yaabhura‑ko, kaakora kutiki? Angu atakuja okusiga makumi gataanu na gana na etaanu na ena (99) mu‑bhureebhero eyo, agende okuronda inu yaabhura okukingira ayibhone?

Ruuka 15:6

Omwanya gunu kaakakinga iika, kaabhirikira abhasaani na abheekasyanya bhaaye, abhabhwire ati, ‘Mukonderwe aamwi na anye, kwa okubha inaama yaani inu ꞉yaabhurire, naayibhona!’

Ruuka 19:9

Yeesu ˆnaamubhwira ati, “Reero inu, obhuchungusi bhwakingira abhaanu bha inju inu, kwa okubha ebhikorwa bhyaye bhyeresya ati, omuunu unu wone ni mwana wa mu‑ruganda rwa Bhurayimu.

Ruuka 23:43

Yeesu ˆnaamusubhya ati, “Ni chimari enikubhwira, reero inu owuja okubha aamwi na anye mu‑rwire.”

Yowana 15:11

“Naabhabhwira ejo korereki rikonderwa ryani ribhe mu‑myoyo jeemwe, na rikonderwa ryemwe rikuumire.

Baefeso 2:10

Okubha Nyamuwanga achichunguuye na okuchibhumba bhuyaaya echinyamwoyo mu‑Kirisito Yeesu, korereki chikore ebhikorwa bhya ekisi, bhinu ꞉aachiiraabhiiye okusookerera kara, korereki chibhikorega.

Baefeso 3:7

Anye ꞉naakorerwe omukosi wa Emisango ja Ekisi ejo, ku‑chiyaanwa cha obhwitiriranya bhwa Nyamuwanga bhunu ꞉aanaaye ku‑bhuturo bhwaye obhukuru.

1 Batesalonika 1:5

Echimenya kutyo, kwa okubha omwanya gunu ꞉chaabharaasisiisye Emisango ja Ekisi inguru ya Yeesu, ꞉chitaabharaasisiisye emisango era. Tari okuraasya kweswe, ꞉kwaruubheene na ebhiruguusyo bhinu bhyakorwaga na Mwoyo Mweru. ꞉Chaaraasiisye chimenyere kisi ati, emisango ejo ni ja echimari. Emwe abheene mumenyere kutyo chaariga chiri aamwi na emwe, korereki chibhasakire.

2 Timoteo 2:26

Niwo, obhwenge bhwebhwe bhubhasubhire, bhachunguke okusooka mu‑rutuura rwa Syetaani. Omwene abhagwatire, korereki bhabhe nibhakora eryenda ryaye.

Baeburania 12:2

Chiroreererega Yeesu, okubha omwene niwe ꞉aambisiisye eriikirisya ryeswe, ka wone niwe aririkuumisya. Omwene ꞉eegumiirisiisye ku‑songa ya rikonderwa rinu ryariga niriija. Ka wone ꞉ateeganirisiisye wuri jiswaro ja okufwa ku‑musarabha. Woori eenyanjire orubhaara rwa ebhuryo rwa echitebhe cha ingʼoma cha Nyamuwanga.

1 Petero 1:5

Emwe, Nyamuwanga kaabhaangarira ku‑managa gaaye, kwa okubha mwikirisiisye Yeesu Kirisito. Obhwangarisi obhwo, obhugenderera okukingira anu obhuchungusi bhuribhonekana ku‑mwanya gwa obhuteero.