Ruuka 15:29 - Indagano Inyaaya mu-Chijita

²⁹ Omwana oyo, ˆnaasubhya esemwene ati, ‘Tegeresya raata! Ni miguuga eringa jinu naamarire ninkukorera emirimu, nichaariga okusiga wuri noorwo na akatyari okuruubha amaragiriro gaawo! Nawe uchaariga okunaana noorwo akaanabhusi, korereki nikore obhugenyi aamwi na abhasaani bhaani.

INDAGANO INYA:YA

²⁹ Nawe omwene naindura nabwira esemwene ati, Rora, anye namarire emyaka jinu myafu ninkukorera, amwi nicariga kukaya ciragiro cao na katyari. Nawe ucariga kunanako na ka:nabusi korereki nikonderwe na basa:ni bani.

Ruuka 15:29 ပူးပေါင်းရင်းမြစ်များ

Matayo 20:12

nibhaayikaga ati, ‘Abhaanu bharya ꞉bhaakorere emirimu esaa rimwi era! Woori jaabha kutiki waachiriya bhwinganya aamwi nabho, omwanya ogwo eswe chikorere emirimu misito muno na risuubha ryachoocha orusuku rukobhe?’

Ruuka 15:28

“Omumura omukuru oyo, ˆnaabhiyirwa muno, ˆnaarema noorwo okwingira iika. Niwo, esemwene ˆnaawuruka anja, ˆnaamwirembeeresya muno eengire iika.

Ruuka 15:30

Nawe, omwana waawo unu ꞉aanyamuuwe ebhiinu bhyawo na abhagasi bhanu abheegusya okwibhonera ribhona, omwene aakinga era, nuumwitira iingʼa inu inyame!’

Ruuka 15:7

“Enibhabhwira ati, nikwo kutyo riribha‑wo risandabha enene mu‑rwire, araabha omuunu umwi akata ebhibhiibhi bhyaye. Risandabha eryo, erikira rya abhaanu makumi gataanu na gana na bhataanu na bhana abharengeresi, bhanu bhatakukena okuta ebhibhiibhi.”

Ruuka 17:10

“Nyabhuriko emwe wone, mukamara okukora joone jinu muragiriiywe na Nyamuwanga, mwayike ati, ‘Eswe chiri abhagaya era. Chaakora jinu chaari cheenderwe okukora.’”

Ruuka 18:9

Ka wone, Yeesu ˆnaabhabhwira echijekekanyo echindi, inguru ya abhaanu bhanu abheerora ati, nibho abharengeresi imbere ya Nyamuwanga, keenu nibhagaya abhaanu abhandi. ˆNaayika ati,

Ruuka 19:21

꞉Naakorere kutyo, kwa okubha ꞉naakuubhayire. Awe uri muunu omururu, owugega anu ꞉utaateeye echiinu, na owugesa anu ꞉utaayambire.’

Barumi 10:3

Abheene ꞉bhataaruubhire injira inu Nyamuwanga kaabhara abhaanu okubha abharengeresi, kwa okubha ꞉bhataayisombookeeywe, ka wone ꞉bhaayenjere abheene injira ya okwibhonera obhurengeresi.

Barumi 3:20

Emisango ejo jiri kutyo, kwa okubha atari‑wo omuunu woonewoone unu aribharwa okubha omurengeresi imbere ya Nyamuwanga kwa okuruubha ebhiraagiro bhya Muusa. Emirimu ja ebhiraagiro ebhyo, ni kumenyesya abhaanu bhoone inguru ya ebhibhiibhi bhyebhwe.

Barumi 3:27

Kurwa ejo, angu, omusango ogwo oguchiyingirira okwikumangya? Yee, kwa okubha noorwo eswe chitakubharwa okubha abharengeresi imbere ya Nyamuwanga kwa okuruubha ebhiraagiro, tari kwa okwikirisya Yeesu era.

Barumi 7:9

Ku‑mwanya gunu naariga nichaari kumenya echiraagiro echo, naariga niikaaye rwa kutyo naariga nineenda. Nawe omwanya gunu ꞉naamenyere echiraagiro, ebhibhiibhi nibhibha na amanaga muno, nibhindeetera orufu.

Obhusweruro 2:17

Unu kaategeresya, noongwe emisango jinu Mwoyo Mweru kaabhwira amakanisa. Omuunu woonewoone unu ariyiga, nirimuyaana ribhaara rya ebhiryo bhya emanu inu ibhisirwe. Nirimuyaana wone ribhuyi eryeru. Ribhuyi eryo rikaamirwe‑ko risiina riyaaya. Atari‑wo omuunu unu arimenya risiina eryo, tari unu ariyaanwa ribhuyi eryo.

Obhusweruro 3:17

Omwayika ati, ‘Eswe chiri abhaniibhi. Chaniibhire muno. Chiri na bhuri echiinu chinu echikena!’ Nawe mutakumenya ati emwe mutari na amanaga, muri bhaanu bha okufwirwa echigongo, muri bhataka, muri bhawofu, ka wone muri tuyu.