Ruuka 15:22 - Indagano Inyaaya mu-Chijita

²² “Nawe, esemwene ˆnaabhwira abhagaya bhaaye ati, ‘Mureete bhwangu omwenda gwa ekisi muno okukira joone mumufwafye. Mumufwafye inarye ku‑chaara na ebhiraato ku‑maguru.

INDAGANO INYA:YA

²² Nawe esemwene nababwira abagaya bae ati, Mugende bwangu mure:te omwenda gunu gukondere kukira jo:ne, mugumufwafye. Mumutere inarye ku ca:ra, ne bikwirya mu maguru gae.

Ruuka 15:22 ပူးပေါင်းရင်းမြစ်များ

Ruuka 15:21

Omwana oyo, ˆnaabhwira esemwene ati, ‘Raata, nikorere echibhiibhi ku‑Nyamuwanga, na nikayire imbere yaawo. Kurwa ejo, niteeyire okutogwa omwana waawo rindi.’

Ruuka 15:23

Mukamara, mugende mureete iingʼa inu iyamire, muyiite, mwiraabhe obhugenyi, chirye, chisandabhe,

Barumi 13:14

Tari woori, mu‑bhurame bhwemwe bhwone, mutangasibhwega na Raatabhugenyi Yeesu Kirisito. Mwasiga okwikirisya noorwo na akatyari okutangasibhwa na obhusimukwa bhwemwe bhwa echibhiibhi kwa okuruubha okurigira kwemwe okubhiibhi.

Barumi 3:22

Abhaanu bhoone bhanu abheekirisya Yeesu Kirisito, Nyamuwanga kaabhabhara ati ni bharengeresi imbere yaaye, okutura ku‑bhwiyikanyibhwa bhwa Yeesu oyo. Nyamuwanga atakusoroora omuunu woonewoone,

Barumi 8:15

Nyamuwanga ꞉ataabhayaaye Mwoyo Mweru, korereki mubhe rindi abhagaya bhanu abhamuubhaya, tari ꞉aabhayaaye Mwoyo Mweru, korereki mubhe abhaana bhaaye. Mwoyo oyo, niwe kaachiyaana obhuturo bhwa okubhirikira Nyamuwanga ati, “Abha,” obhugajuro bhwaryo “Raata!”

Bagalatia 3:27

Emwe bhoone bhanu ꞉mwabhatiijiibhwe, muri na obhumwi na Kirisito, muri wuti mufwaye Kirisito.

Baefeso 6:15

obhwira bhwemwe bhwa okuraasya Emisango ja Ekisi jinu ejireeta omurembe obhukenwa bhubhe rwa ebhiraato ku‑maguru geemwe.

Obhusweruro 19:8

Omwene ayaaywe emyenda ja ekisi ja okungʼarabhya na niinyeru muno.” Emyenda ja ekisi ejo, obhugajuro bhwajo ni ebhikorwa bhya rirenga bhya abheeru.

Obhusweruro 2:17

Unu kaategeresya, noongwe emisango jinu Mwoyo Mweru kaabhwira amakanisa. Omuunu woonewoone unu ariyiga, nirimuyaana ribhaara rya ebhiryo bhya emanu inu ibhisirwe. Nirimuyaana wone ribhuyi eryeru. Ribhuyi eryo rikaamirwe‑ko risiina riyaaya. Atari‑wo omuunu unu arimenya risiina eryo, tari unu ariyaanwa ribhuyi eryo.

Obhusweruro 3:18

Kurwa ejo, enibhatongera mugure kw‑anye inaaryo inu yesiibhwe mu‑muriro korereki mubhe abhaniibhi. Mugure wone emyenda emyeru, muswikire obhutuyu bhwemwe korereki mutariiswara. Mugure omuti gwa okubhambaga ku‑meeso geemwe korereki mubhe na obhuturo bhwa okurora.

Obhusweruro 6:11

Niwo abhaanu bhoone bhanu ꞉bheetirwe, nibhayaanwa emingiro jiinyeru. Nibhabhwirwa ati, bharindirire‑wo katungu katooto, okukingira abhakosi bheejaabho, bhanu bhari abhayiri bheebhwe mu‑riikirisya, wone bheetwe rwa kutyo abheene ꞉bheetirwe. Niwo obhukumi bhwebhwe obhuja okukuumira.

Obhusweruro 7:9

Ejo jejire jaawa, nindingira, nindora echise echinene cha abhaanu chinu omuunu aariga atakutura okubhara. Abhaanu abho bhaariga bhasookere mu‑maanga goone, mu‑ngʼanda joone, mu‑nyaami joone na mu‑nyaayika joone. Abho bhoone bhaariga bheemereeguuyu imbere ya echitebhe cha ingʼoma na imbere ya Omwana wa Inaama. Abhaanu abho bhaariga bhafwaye emingiro jiinyeru na bhaariga bhagwatiriiye amatabhi ga jikinda mu‑mabhoko geebhwe.